Yekile 6:12 - BAEBOLO ANZƐƐ BULUKU NWUANZANWUANZA

¹² Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 6:12 ပူးပေါင်းရင်းမြစ်များ

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Ayezaya Buluku ne 34:4

Anwumaneamra kɔsɔɔti bawodo na bɛabobɔ anwomanyunlu kɛ nwoma la. Bɛ muala bɛbakpolo bɛagua kɛ vanye baka anzɛɛ feege baka nya mɔɔ ɛlɛkpolo agua la.

Ayezaya Buluku ne 50:3

Memaa awozinli fa anwumaneamra, na memaa bɛkeda ɛrele.”

Dwowɛle Buluku ne 2:10

Saa bɛlɛba a azɛlɛ kpusu, anwumaneamra anwo wozo bɛ. Sɛnzɛne ne nee siane ne du, na nwɔlɔra gyakyi ɛdalɛ.

Dwowɛle Buluku ne 3:15

Sɛnzɛne ne nee siane ne balu ayɛ awozinli, yɛɛ nwɔlɔra bagyakyi ɛdalɛ.

Emɔzo Buluku ne 1:1

Edwɛkɛ mɔɔ mboaneneavolɛ Emɔso mɔɔ vi Tɛkowa la hanle la ɛne. Mɔɔ ɔhale ɛvolɛ nwiɔ na azɛlɛ ne akpusu, mɔɔ ɛnee Ɛzaya a le belemgbunli wɔ Dwuda na Gyɛhowahye ara nrenya Gyɛlɔbowam a le belemgbunli wɔ Yizilayɛ la, Nyamenle yele ninyɛne ɛhye mɔ mɔɔ fane Yizilayɛ maanle ne anwo la hilele Emɔso.

Emɔzo Buluku ne 8:9

Kenle zɔhane mebamaa sɛnzɛne ne adɔ ewiazo ketekete, na aleɛ adwo na awozinli ava ewia henlema ne. Medame, Tumivolɛ Ɛdɛnkɛma a mese a.

Zɛkalaya Buluku ne 14:5

Bɛbanriandi bɛahɔ me awoka ne mɔ bɔnza ne anu, ɔluakɛ bɔnza ne anu badɛlɛ toonwo adwu Ezɛle. Bɛbanriandi, kɛmɔ bɛ nlenya mɔ nriandile azɛlɛkpusulɛ mekɛ ne anu wɔ Dwuda Belemgbunli Ɛzaya mekɛ zo la. Akee Ɛdɛnkɛma bɛ Nyamenle ne bara, na ɔ nee Nyamenle menli ne mɔ amuala ara.

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Edwɛkpa ne kɛmɔ Mateyu hɛlɛle la 24:29

Gyisɛse hɔle zolɛ hilele nu kɛ, “Anwongyelelɛ mekɛ ne anzi, awozinli baheda sɛnzɛne ne azo, siane ne ɛnrɛda, nwɔlɔra badudu agua aze, na bɛbadudu anwumaneamra bɛavi bɛ ndenle ne mɔ azo.

Edwɛkpa ne kɛmɔ Mateyu hɛlɛle la 24:7

Maanle nee maanle baho atia bɛ nwo, arelemgbunli badwazo arelemgbunli nwo zo, sane bara, yɛɛ azɛlɛ bakpusu ɛleka muala.

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Mateyu hɛlɛle la 27:54

Mɔɔ sogyama ne nee bɛ kpanyinli ne mɔɔ ɛnee ɛlɛsinza Gyisɛse la nwunle azɛlɛ ɛkpusulɛ ne nee ninyɛne mɔɔ sisile la, bɛzulole kpole na bɛzele kɛ, “Amgba, nrenya ne le Nyamenle Ara!”

Edwɛkpa ne kɛmɔ Mateyu hɛlɛle la 28:2

Kenle ko ne nɔe ne, azɛlɛ kpusule kpole bie, ɔluakɛ Awulae soanvolɛ dwule aze rahundole bolɛ ne wɔ nla ne anloa na ɔdɛnlanle zolɛ.

Edwɛkpa ne kɛmɔ Maake hɛlɛle la 15:33

Ɔdwule sɛnzɛngyinla la, awozinli hedale maanle ne azo dedee dɔnehwele nsa.

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 16:18

Na ɛsɛlɛmanye kpakyekpakyele, maanle nu hulule, na azɛlɛ kpusule kpole bie. Sumunli kɛ bɛbɔle sonla la, azɛlɛ ɛtɛkpusule kpole zɛhae ɛlɛ; ɛhye le azɛlɛ ɛkpusulɛ mɔɔ bo ɔ muala azo a.

Yekile 16:8

Nyamenle soanvolɛ ne mɔɔ tɔ zolɛ nna la noko wolale ye ɛdeɛ ne guale sɛnzɛne ne azo manle ɔnyianle adenle ɔvale ye wuluwulu ne ɔyelɛyelale menli.

Yekile 8:12

Akee Nyamenle soanvolɛ ne mɔɔ tɔ zolɛ nna la bɔle ye aweɛne tendenle ne. Sɛnzɛne ne anu hyɛle nsa, bɛbɔle ko, na ye ɛdalɛ ne nlunle; siane ne anu hyɛle nsa, yɛɛ nwɔlɔra ne mɔ anu hyɛle nsa na bɛ nuhua ngoko nlunle. Yemɔti alehyenlɛ nu hyɛle nsa mɔɔ sɛnzɛne ɛnvinde ko anu a, yɛɛ aledwolɛ noko anu hyɛle nsa mɔɔ siane nee nwɔlɔra ɛnda ko anu a.

Yekile 8:5

Nyamenle soanvolɛ ne akee vale azu mokyea ne anu samɛnlankɛ ne bie guale ɛyɛlɛ dwora ne anu na ɔvuandinle dwora ne ɔdole azɛlɛ ye azo. Na maanle nu hulule mgbole bie, ɛsɛlɛmanye kpakyele, na azɛlɛ kpusule.