Yekile 5:9 - BAEBOLO ANZƐƐ BULUKU NWUANZANWUANZA

⁹ Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 5:9 ပူးပေါင်းရင်းမြစ်များ

Edwɛndolɛ Buluku ne 144:9

O Nyamenle, mebado edwɛne fofolɛ meamaa wɔ; mebabɔ ye wɔ nyɛma bulu getaa zo meamaa wɔ,

Edwɛndolɛ Buluku ne 149:1

Bɛye Ɛdɛnkɛma ayɛlɛ! Bɛdo edwɛne fofolɛ bɛmaa Ɛdɛnkɛma; bɛdo ye ayɛlɛyelɛ edwɛne wɔ ye nɔhalɛ menli ne ayia ne anu!

Edwɛndolɛ Buluku ne 33:3

Bɛdo edwɛne fofolɛ bɛmaa ye, bɛbɔ nyɛma bulu getaa ne kpalɛ na bɛdeɛdea nu anyelielɛ nu.

Edwɛndolɛ Buluku ne 40:3

Ɔmanle mendole edwɛne fofolɛ, mendole ayɛlɛyelɛ edwɛne memanle yɛ Nyamenle ne. Dɔɔnwo banwu ye na bɛazulo, na bɛava bɛ rɛle bɛawula Ɛdɛnkɛma anu.

Edwɛndolɛ Buluku ne 96:1

O bɛdo edwɛne fofolɛ bɛmaa Ɛdɛnkɛma; ewiade amra, bɛdo edwɛne bɛmaa Ɛdɛnkɛma.

Edwɛndolɛ Buluku ne 98:1

O bɛdo edwɛne fofolɛ bɛmaa Ɛdɛnkɛma, ɔluakɛ yeyɛ nwanwane ninyɛne! Yeva ye tumi kpole ne, ye tumi nwuanzanwuanza ne yeli konim.

Ayezaya Buluku ne 42:10

Bɛdo edwɛne fofolɛ bɛmaa Ɛdɛnkɛma; ewiade amra amuala, bɛdo ye ayɛlɛyelɛ edwɛne! Nyevile zo amra, bɛye ye ayɛlɛ, bɛdabɛ mɔɔ bɛde ɛnweanloa la, bɛdo edwɛne.

Daneɛle Buluku ne 3:4

Akee nolobɔvo ne vale ɛnelɛ kpole bie bɔle nolo kɛ, “Maanlema mɔɔ ka aneɛ ngakyile mɔɔ ɛrayia ɛke la,

Daneɛle Buluku ne 4:1

Belemgbunli Nɛbukadenɛza vale nrɛlaleɛ hɔmanle maanle maanle ne mɔ anu amra mɔɔ ka aneɛ ngakyile la kɛ, “Anzonudwolɛ kpole ɛha bɛ!

Daneɛle Buluku ne 5:19

Ɔlua kpole mɔɔ Nyamenle yɛle ye la ati menli nee maanle maanle kɔsɔɔti mɔɔ ka aneɛ ngakyile la dwu ɔ nyunlu a, bɛsulo na bɛ nwo wozo bɛ. Saa ɔse kɛ bɛhu awie a, bɛku ye, yɛɛ saa ɔse kɛ bɛdwula awie a, bɛdwula ye. Ɔkola ɔmaa awie gyinlabelɛ; ɔkola ɔka awie aze.

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

1 Kɔl 7:23

Nyamenle dɔle bɛ bolɛ ɛsesebɛ; zɔhane ati bɛmmayɛ bɛ nwo ngɛkɛlɛ bɛmaa menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:19

Bɛva ayɛlɛyelɛ edwɛne, anyelielɛ edwɛne nee sunsum nu edwɛne bɛli bɛ nwo adwelie; na bɛdo ayɛlɛyelɛ edwɛne wɔ bɛ ahonle nu bɛmaa Awulae.

Kɔlɔ 1:14

na yelua ɔ nwo zo yekpɔne yɛ, yeva yɛ ɛtane yehyɛ yɛ.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 11:14

Menli mɔɔ ka zɛhae edwɛkɛ la kile kɛ bɛlɛkpondɛ bɛ sua zo kpalɛ ne.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

Yekile 10:11

Na bɛzele me kɛ, “Ɔwɔ kɛ ɛkɔbɔ Nyamenle Edwɛkɛ ne mɔɔ fane maanle maanle, aneɛ aneɛ, menli ngakyile, nee arelemgbunli nwo la nolo bieko.”

Yekile 11:9

Menli vi maanle maanle zo, aneɛ aneɛ nu, mbusua ekpunli ekpunli nee menli ngakyile kɔsɔɔti anu baranlea bɛ avunli ne kenle nsa nee foa, na bɛnrɛmaa adenle bɛnrɛmaa bɛnrɛzie bɛ.

Yekile 13:7

Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 14:6

Eza menwunle kɛ Nyamenle soanvolɛ ko ɛdu faa lua anwomanyunlu, na ɔlɛ damɛnlangoate nrɛlaleɛ ne, mɔɔ le Edwɛkpa ne ɔlɛba yearabɔ ye nolo yeahile menli ngakyile, mbusua ekpunli ekpunli, aneɛ ngakyile, nee maanle maanle kɔsɔɔti mɔɔ wɔ aleɛabo la.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 17:15

Nyamenle soanvolɛ ne eza zele me kɛ, “Azule ne mɔ mɔɔ ɛnwunle kɛ tuutuunli ne de ɔ nloa la le maanle maanle, menli, aneɛ ngakyile, yɛɛ mbusua kɔsɔɔti.

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”

Yekile 5:6

Na menwunle kɛ Boaneralɛ ne gyi belemgbunli ebia ne mɔɔ tease abɔdeɛ nna ne nee mgbanyima ne mɔ ɛbɔ ɛyia ye la anyunlu. Ɔzɔho Boaneralɛ ne mɔɔ bɛhu ye la. Ɔlɛ mɛne nsuu yɛɛ ɛnyelɛ nsuu, mɔɔ le Nyamenle Sunsum nsuu ne, mɔɔ bɛzoanle bɛ wɔ ewiade ye amuala anu la.