Yekile 5:6 - BAEBOLO ANZƐƐ BULUKU NWUANZANWUANZA

⁶ Na menwunle kɛ Boaneralɛ ne gyi belemgbunli ebia ne mɔɔ tease abɔdeɛ nna ne nee mgbanyima ne mɔ ɛbɔ ɛyia ye la anyunlu. Ɔzɔho Boaneralɛ ne mɔɔ bɛhu ye la. Ɔlɛ mɛne nsuu yɛɛ ɛnyelɛ nsuu, mɔɔ le Nyamenle Sunsum nsuu ne, mɔɔ bɛzoanle bɛ wɔ ewiade ye amuala anu la.

Yekile 5:6 ပူးပေါင်းရင်းမြစ်များ

2 Edk 16:9

Ɔluakɛ Ɛdɛnkɛma fa ɔ nye bɔ ewiade ye anwo mgbɔlɔka, na ɔfa tumi ɔdie bɛdabɛ mɔɔ bɛdi nɔhalɛ bɛmaa ye la. Wɔli kɔnwɔne edwɛkɛ wɔ ɛhye anu, yemɔti ɔvi ɛnɛ mɔɔ kɔ la konle ɛnrɛkpa ɛ nwo ɛlɛ.”

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Daneɛle Buluku ne 8:3

Memanle me nye zo la, menwunle kɛ boane nyinli gyi azule ne anloa. Boane ne lɛ mɛne ndendenle nwiɔ, ko wale tɛla ko, na tendenle kpalɛ ne a nzinlii fifile a.

Maeka Buluku ne 4:13

Ɛdɛnkɛma se, “Gyɛlusalɛmma, bɛdwazo bɛwozo ma ne na mebamaa bɛ mɛne ne mɔ ayɛ mbulalɛ na bɛ ndwɛlɛ ndaboa ayɛ kɔbele. Bɛbatietia maanle maanle dɔɔnwo anwo zo bɛazɛkye bɛ, na bɛadu anwonyia mɔɔ bɛkɛnyia ye la bɛamaa medame Ɛdɛnkɛma, ewiade amuala Awulae.”

Habakɛke Buluku ne 3:4

Ye wienyi ne le kɛ ɛsɛlɛmanye, ɔ sa akunlu ta kɛ sɛnzɛne, na ɛkɛ a ye tumi ne wɔ a.

Zɛkalaya Buluku ne 3:9

Bɛnlea, meva bolɛ mezie Dwɔhyua anyunlu ɛkɛ. Ɔle bolɛ kokye mɔɔ anye le nsuu a, na zolɛ yɛɛ mebahɛlɛ a, medame Tumivolɛ Ɛdɛnkɛma a mese a. Mebaye azɛlɛ ɛhye fɔlɛlilɛ ne amuala kenle kokye.

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 1:36

na bɛnwunle kɛ Gyisɛse ɛlɛse. Na Dwɔn hanle kɛ, “Bɛnlea, Nyamenle Boaneralɛ ne ɛne!”

Ɛzoanvolɛma Gyima ne 8:32

Ɛleka mɔɔ ɛnee ɔlɛkenga la se, “Ɔle kɛ boane mɔɔ bɛ nee ye ɛhɔ ahunleɛ, anzɛɛ boaneralɛ mɔɔ bɛlɛpepɛ ye enrinli la, yeambuke ɔ nloa.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 14:1

Akee mekado me nye la ɛnee Boaneralɛ ne gyi Boka Zayɔn azo; ɔ nee menli apenle ngoko ɛya ko, abulanla nee nna (144,000) mɔɔ bɛhɛlɛ ɔdaye ye duma yɛɛ Selɛ ne duma wɔ bɛ nwoma azo la a gyi ɛkɛ a.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 21:22

Meannwu ɛzonlenlɛ sua wɔ suakpole ne azo, ɔboalekɛ ye Ɛzonlenlɛ Sua a le Awulae Nyamenle Bedevinli ne ɔdaye mumua ne nee Boaneralɛ ne.

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 22:3

Debie biala mɔɔ Nyamenle anye ɛnlie nwolɛ la ɛnle suakpole ne azo. Nyamenle nee Boaneralɛ ne belemgbunli ebia kpole ne wɔ suakpole ne azo, na ye sonvolɛma sonle ye.

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”

Yekile 5:11

Mendole me nye bieko, na mendele Nyamenle soanvolɛma apenle apenle nee mgbe mgbe ane. Bɛbɔle bɛyiale belemgbunli ebia kpole ne, tease abɔdeɛ nna ne nee mgbanyima ne mɔ,

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”

Yekile 5:13

Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”

Yekile 5:14

Na tease abɔdeɛ nna ne liele zo, “Amen.” Na mgbanyima ne mɔ dule guale na bɛzonlenle.

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!

1 Sam 2:10

Bɛbazɛkye Ɛdɛnkɛma kpɔvolɛma; ɔbadea bɛ nu wɔ anwuma anwuma lɔ. Ɛdɛnkɛma babua aleɛabo amra ndɛne. Ɔbamaa ye belemgbunli ne anwosesebɛ, ɔbamaa ye belemgbunli ne ali konim.”