Yekile 5:5 - BAEBOLO ANZƐƐ BULUKU NWUANZANWUANZA

⁵ Na mgbanyima ne mɔ ko zele me kɛ, “Mmasu. Nea! Dwuda abusua nu awenade ne, mɔɔ le Belemgbunli Devidi ati anwo anlɔnra kpole ne, ɛli konim, na ɔkola ɔwaye ɛyɛlɛ nsuu ne mɔ na ɔbuke nwoma ne anu.”

Yekile 5:5 ပူးပေါင်းရင်းမြစ်များ

1 Arl 10:20

Bɛze awenade nwiɔ bɛziezie ɔ sa nwiɔ ne mɔ azo: ko gyi bɛne zo yɛɛ ko gyi fema zo. Akee awenade bulu nee nwiɔ gyigyi ebia ne kpolike ne mɔ azo; kpolike ko biala ati nee ɔ ti lɛ awenade nwiɔ. Ebia zɛhae, bie ɛnle ewiade ye anu belemgbunli maanle gyɛne biala anu.

2 Edk 9:18

Ebia ne lɛ kpolike nsia mɔɔ bɛfo kolaa na bɛadɛnla zolɛ a, yɛɛ ɔlɛ ɛleka mɔɔ bɛtɛnla zolɛ a bɛfa bɛ gyakɛ bɛsiezie a. Bɛholole ezukoa nvutuke bɛguale kpolike ne mɔ nee mɔɔ bɛfa bɛ gyakɛ bɛsiezie zolɛ la amuala anwo. Ebia ne lɛ ɔ sa nwiɔ mɔɔ bɛfa bɛ sa bɛgua zolɛ a, yɛɛ awenade ananze nwiɔ gyigyi ɔ sa nwiɔ ne azo.

Dwobu Buluku ne 41:15

Ɔ nzi le kɛ enyinlike ɛhonlone, bɛbetɛbeta nwo kɛ bɛholo sumi bɛsosɔ bɛ.

Ayezaya Buluku ne 11:1

Gyɛsi dosinli ne (Belemgbunli Devidi), bakpuke ɛnyelɛ wɔ ye ndinli ne mɔ anu anyi ayɛ Baka Ɛhane.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Gyɛlɛmaya Buluku ne 31:16

Na medame Ɛdɛnkɛma, mese: Gyakyi ɛzunlɛ na kyikyi ɛ nye anwo. Ɔluakɛ wɔ ɛvɛlɛ ɛnrɛyɛ gyɛne; bɛvi kpɔvolɛma maanle nu bɛbara. Medame Ɛdɛnkɛma a mese a.

Daneɛle Buluku ne 7:16

Membikyele menli mɔɔ gyigyi ɛkɛ la anu ko na membizale ye ninyɛne ɛhye mɔ abo. Yemɔti ɔhilele me ɔ bo na ɔhilehilele nu ɔhilele me.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:9

Ɔkɔ nzia a, ɔda kɛ awenade, Awenade belɛ, ɔda a awie ɛndunwue ye. Mɔɔ kɛyila wɔ la, bɛkɛyila ye, Yɛɛ mɔɔ kɛwa wɔ amonle la, bɛkɛwa ye amonle.”

Edwɛkpa ne kɛmɔ Luku hɛlɛle la 23:28

Na Gyisɛse hakyile ɔ nye wɔ bɛ nwo na ɔzele bɛ kɛ, “Gyɛlusalɛm mraalɛ! Bɛmmasu me, bɛzu bɛ nwo nee bɛ mra.

Edwɛkpa ne kɛmɔ Luku hɛlɛle la 7:13

Mɔɔ Awulae nwunle raalɛ ne la alɔbɔlɛ hunle ye, na ɔzele ye kɛ, “Mmasu.”

Edwɛkpa ne kɛmɔ Luku hɛlɛle la 8:52

Ɛnee awie biala mɔɔ wɔ sua nu ɛkɛ ne la ɛlɛsu aye awolɛ wɔ kakula ne mɔɔ ɛwu la ati. Na Gyisɛse zele bɛ kɛ, “Bɛmmasu na kakula ne ɛtɛwule; ɔlɛdafe ala!”

Dw 20:13

Bɛbizale ye kɛ, “Ɔmɔ, duzu ati a ɛlɛsu a?” Ɔbuale bɛ kɛ, “Bɛrava me Awulae bɛhɔ, na mennwu ɛleka mɔɔ bɛhɔdo ye a.”

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 15:12

Ayezaya noko se, “Gyɛsi anlɔnra bie bavinde; ɔbara yearazie maanle maanle mɔɔ ɛnle Dwuuma la kɔsɔɔti, na bɛdabɛ mɔɔ bɛnle Dwuuma la bava bɛ rɛle awula ye nu.”

Kɛlata mɔɔ bɛhɛlɛle bɛhɔmanle Hibuluma la 7:14

Yɛze kɛ bɛwole ye wɔ Dwuda abusua nu, yɛɛ Mosisi noko ambɔ abusua ɛhye duma wɔ mekɛ mɔɔ ɔyɛ sɛlɛvolɛma ngyehyɛlɛ ne la.

Yekile 1:1

Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 5:4

Na menzunle kpalɛ kɛ awie ɛnle ɛkɛ mɔɔ fɛta na ɔkola ɔbuke nwoma ne na ɔnea nu a.

Yekile 6:1

Akee menwunle kɛ Boaneralɛ ne ɛwaye ɛyɛlɛ ne mɔɔ bɛva bɛsosɔ nwoma ne anloa fane nsuu la anu ko, na mendele kɛ tease abɔdeɛ nna ne anu ko lɛ ɛnelɛ mɔɔ ye kpole le kɛ ezule mɔɔ ɛlɛkulu la hanle kɛ, “Bɛla!”

Yekile 7:13

Mgbanyima ne mɔ ko bizale me kɛ, “Na nwane mɔ a le menli ɛhye mɔ mɔɔ wula adɛladeɛ fufule la, yɛɛ bɛvi nienwu a bɛra a?”