Yekile 5:13 - BAEBOLO ANZƐƐ BULUKU NWUANZANWUANZA

¹³ Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”

Yekile 5:13 ပူးပေါင်းရင်းမြစ်များ

1 Edk 29:11

Ɛle kpole, ɛlɛ tumi, ɛle nwuanzanwuanza, ɛle katakyie, ɛle belemgbunli. Debie biala mɔɔ wɔ anwuma nee aze la le wɔ ɛdeɛ, na ɛdi bɛ kɔsɔɔti bɛ nwo zo belemgbunli.

Ayezaya Buluku ne 24:14

Bɛmaa bɛ ne zo bɛto anyelielɛ edwɛne, yɛɛ adɔleɛ amra fa fɛlɛkolilɛ teɛdea nu wɔ Ɛdɛnkɛma kpoleyɛlɛ nwo.

Ayezaya Buluku ne 42:10

Bɛdo edwɛne fofolɛ bɛmaa Ɛdɛnkɛma; ewiade amra amuala, bɛdo ye ayɛlɛyelɛ edwɛne! Nyevile zo amra, bɛye ye ayɛlɛ, bɛdabɛ mɔɔ bɛde ɛnweanloa la, bɛdo edwɛne.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Wulo 9:5

Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:10

Ɛhye ati, anwuma nee aze nee ɛbolɔ amra amuala bahoto Gyisɛse na bɛali ye duma ne eni,

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

1 Tem 4:16

Nea ɛ nwo boɛ na nea wɔ ngilehilelɛ ne boɛ. Kɔ zolɛ yɛ ɛhye mɔ, ɔluakɛ saa ɛyɛ ye zɔhane a, ɛkɛlie ɛ nwo nee bɛdabɛ mɔɔ bɛtie wɔ la ngoane.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Pit 5:11

Nyamenle ɛhye yɛɛ tumi ne le ye ɛdeɛ dahuu a! Amen.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 5:1

Menwunle kɛ ahenle mɔɔ de belemgbunli ebia kpole ne azo la lɛ nwoma ɔ sa fema ne anu; nwoma ne, bɛhɛlɛ ɔ kunlu nee ɔ nzi amuala na bɛva ɛyɛlɛ bɛzɔ ɔ nloa fane nsuu.

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”

Yekile 5:3

Na awie ɛnle anwuma lɔ anzɛɛ azɛlɛ ye azo anzɛɛ ɛbolɔ mɔɔ holale bukele nwoma ne na ɔnleanle nu a.

Yekile 5:6

Na menwunle kɛ Boaneralɛ ne gyi belemgbunli ebia ne mɔɔ tease abɔdeɛ nna ne nee mgbanyima ne mɔ ɛbɔ ɛyia ye la anyunlu. Ɔzɔho Boaneralɛ ne mɔɔ bɛhu ye la. Ɔlɛ mɛne nsuu yɛɛ ɛnyelɛ nsuu, mɔɔ le Nyamenle Sunsum nsuu ne, mɔɔ bɛzoanle bɛ wɔ ewiade ye amuala anu la.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!