Yekile 5:1 - BAEBOLO ANZƐƐ BULUKU NWUANZANWUANZA

¹ Menwunle kɛ ahenle mɔɔ de belemgbunli ebia kpole ne azo la lɛ nwoma ɔ sa fema ne anu; nwoma ne, bɛhɛlɛ ɔ kunlu nee ɔ nzi amuala na bɛva ɛyɛlɛ bɛzɔ ɔ nloa fane nsuu.

Yekile 5:1 ပူးပေါင်းရင်းမြစ်များ

Ayezaya Buluku ne 29:11

Ninyɛne ɛhye mɔ kɔsɔɔti anwo ɛnyelɛzodeɛnwunlɛ ɛyɛ kɛ edwɛkɛ mɔɔ wɔ buluku mɔɔ bɛzɔ ɔ nloa la anu la. Saa menli fa maa sonla mɔɔ kola kenga la kɛ, “Kenga ɛhye” a, ɔka kɛ, “Menrɛhola, ɔboalekɛ bɛzɔ ɔ nloa.”

Ayezaya Buluku ne 34:16

Bɛnleɛnlea Ɛdɛnkɛma buluku ne anu na bɛkpondɛ ye kpalɛ. Ɛhye mɔ anu ko ɛnrɛminli; biala bahɔ ye nyinli nee belɛ. Ɔluakɛ Ɛdɛnkɛma ɛha ɛdo gua na ye Sunsum ne ɛboɔboa bɛ nloa ɛwie.

Ayezaya Buluku ne 8:16

Bɛmɛ me ɛdoavolɛma, bɛva edwɛkɛ ne mɔɔ Nyamenle ɛha ɛhile me la bɛzie boɛ.

Daneɛle Buluku ne 8:26

Aledwolɛ nee alehyenlɛ ɛnyelɛzodeɛnwunlɛ ɛhye mɔɔ wɔnwu ye la bayɛ zɔhane, noko mmabɔ ye nolo kɛkala na mekɛ tɛbɔ nu kpalɛ.”

Zɛkalaya Buluku ne 5:1

Eza memanle me nye zo, na menwunle nwoma mɔɔ ɛdu faa la.

Yekile 10:2

Ɔlɛ nwoma ekyi ko mɔɔ bɛdɛlɛ nu la ɔ sa nu. Ɔvale ɔ gyakɛ fema ne ɔziele nyevile ne azo na yeava bɛne ne yeazie azɛlɛ ye azo,

Yekile 4:3

Ahenle ne mɔɔ de belemgbunli ebia kpole ne azo la anyunlu ta kɛ ezukoa awolɛ ne mɔɔ bɛfɛlɛ bɛ “gyasepa” nee “kanɛlea” la, na nyangondonle kɛnlɛma mɔɔ zɔho ezukoa bolɛ ne mɔɔ bɛfɛlɛ ye “ɛmelade” la ɛdo ɛbɛnra ɛyia belemgbunli ebia kpole ne.

Yekile 4:9

Saa tease abɔdeɛ nna ɛhye mɔ to bɛ anyunlunyia, enililɛ nee moyɛlɛ edwɛne ne maa mɔɔ de aze dahuu na ɔde belemgbunli ebia kpole ne azo la a,

Yekile 5:13

Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”

Yekile 5:7

Boaneralɛ ne hɔliele nwoma ne vile ahenle mɔɔ de belemgbunli ebia kpole ne azo la asa fema ne anu.

Yekile 6:1

Akee menwunle kɛ Boaneralɛ ne ɛwaye ɛyɛlɛ ne mɔɔ bɛva bɛsosɔ nwoma ne anloa fane nsuu la anu ko, na mendele kɛ tease abɔdeɛ nna ne anu ko lɛ ɛnelɛ mɔɔ ye kpole le kɛ ezule mɔɔ ɛlɛkulu la hanle kɛ, “Bɛla!”

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!

Yekile 8:1

Mɔɔ Boaneralɛ ne wayele ɛyɛlɛ ne mɔɔ tɔ zolɛ nsuu mɔɔ bɛvale bɛzɔle nwoma ne anloa la, anwuma lɔ amuala yɛle diinyi kɛyɛ dɔnehwele foa ko.