Yekile 4:7 - BAEBOLO ANZƐƐ BULUKU NWUANZANWUANZA

⁷ Tease abɔdeɛ ne mɔɔ lumua la le kɛ awenade. Mɔɔ tɔ zolɛ nwiɔ la le kɛ ɛnlankɛ nyinli; mɔɔ tɔ zolɛ nsa la anyunlu zɔho sonla nyunlu, yɛɛ mɔ tɔ zolɛ nna la le kɛ kɔleɛ mɔɔ ɛdu faa la.

Yekile 4:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:9

Me ra Dwuda le kɛ awenade ralɛ, Ɔku ye kpɔvolɛ ne na ɔsia ɔbada. Ɔda na ɔtenrɛ ɔ nwo a, awenade belɛ ɔ, Nwane a kola tunwue ye a?

2 Sam 1:23

“Sɔɔlo nee Dwɔnatan, bɛ ɛhulolɛ yɛ nwanwane; bɛde aze la bɛle ko, bɛ ewule nu, bɛ avinli antete, bɛ nwo ndɛne tɛla kɔleɛ, bɛ anwosesebɛ tɛla awenade.

Mrɛlɛbulɛ Buluku ne 28:2

Saa maanle yɛ ɛtane a, ye arelemgbunli so dɔɔnwo; maanle mɔɔ lɛ menli mɔɔ lɛ ndelebɛbo nee adwenle la gyinla kyɛ.

Ayezaya Buluku ne 40:31

na bɛdabɛ mɔɔ bɛ rɛle wɔ Ɛdɛnkɛma anu la, bɛbanyia anwosesebɛ fofolɛ; bɛbanyia ndɛbalɛ mɔɔ le kɛ kɔleɛ ɛdeɛ ne. Bɛbanriandi na bɛnrɛvɛ, bɛbadia na bɛ nye zo ɛnrɛbulu.

Yizikeɛle Buluku ne 1:10

Bɛ nyunlu ne mɔ kɛ de la ɛne: ko biala anyunlu nna; ɔ nyunlu ko le sonla nyunlu, ye fema zo le awenade nyunlu, ye bɛne zo le ɛnlankɛ nyinli nyunlu, yɛɛ ɔ nzi le kɔleɛ nyunlu.

Yizikeɛle Buluku ne 1:8

Wɔ bɛ ndɛba nna nna ne mɔ mɔɔ duodua bɛ la abo, ko biala lɛ sonla ɛsalɛ nna. Ɛsalɛ ko wɔ ndɛbalɛ ko abo. Kɛ bɛ nyunlu nee bɛ ndɛba ne mɔ de la ɛne:

Yizikeɛle Buluku ne 10:14

Tease abɔdeɛ ko biala anyunlu nna. Mɔɔ lumua la zɔho ɛnlankɛ nyinli, mɔɔ tɔ zolɛ nwiɔ la le sonla, mɔɔ tɔ zolɛ nsa la le awenade, yɛɛ mɔɔ tɔ zolɛ nna la le kɔleɛ.

Yizikeɛle Buluku ne 10:21

Ko biala lɛ ɔ nyunlu nna, ɔ ndɛba nna, yɛɛ debie bie mɔɔ le kɛ sonla ɛsalɛ la wɔ bɛ ndɛba ne mɔ abo.

Daneɛle Buluku ne 7:4

Mɔɔ lumua la zɔho awenade na ɔlɛ kɔleɛ ndɛbalɛ. Menwunle kɛ bɛdudule ɔ ndɛba ne mɔ, na bɛmanle ye zo bɛmanle ɔdwazole ɔgyinlanle ɔ gyakɛ nwiɔ azo kɛ sonla la, na bɛmanle ye sonla adwenle.

Obadaya Buluku ne 1:4

nea, saa bɛtu bɛkɔ anwuma kɛ kɔleɛ, na bɛyɛ bɛ sane wɔ nwɔlɔra ne mɔ azo bɔbɔ a, mebadwula bɛ aze.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:24

Yizilayɛ maanle ne le kɛ awenade belɛ, Yemaa ɔ nwo zo kɛ awenade; Ɔnla fee, kyesɛ yeli mɔɔ yehye ye la, Na yenlo mɔɔ yehu ye la mogya.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:9

Ɔkɔ nzia a, ɔda kɛ awenade, Awenade belɛ, ɔda a awie ɛndunwue ye. Mɔɔ kɛyila wɔ la, bɛkɛyila ye, Yɛɛ mɔɔ kɛwa wɔ amonle la, bɛkɛwa ye amonle.”

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

Mɛla 28:49

Ɛdɛnkɛma bamaa maanle vi moa moa adwazo bɛ nwo zo. Maanle zɔhane anu amra anwo yɛ ndɛ kɛ kɔleɛ. Bɛvi ewiade awieleɛ lɔ, yɛɛ bɛnde bɛ ɛdendɛlɛ.

Yekile 4:6

Belemgbunli ebia kpole ɛhye anyunlu ɛkɛ ne, debie bie mɔɔ le kɛ nyevile anye kɔngyekɔngye kɛ neanleɛ la la ɛkɛ ne faanwo. Tease abɔdeɛ nna mɔɔ ɛnyelɛ duodua bɛ nyunlu nee bɛ nzi la gyigyi belemgbunli ebia ne anwo wɔ ye tɛbanu nee ye tɛbanu ne amuala.

Yekile 6:3

Boaneralɛ ne eza wayele ɛyɛlɛ ne mɔɔ bɛva bɛsosɔ nwoma ne anloa la anu mɔɔ tɔ zolɛ nwiɔ la; na mendele kɛ tease abɔdeɛ nna ne anu mɔɔ tɔ zolɛ nwiɔ la se, “Bɛla!”

Yekile 6:5

Boaneralɛ ne akee wayele ɛyɛlɛ ne mɔɔ tɔ zolɛ nsa la, na mendele kɛ tease abɔdeɛ ne mɔɔ tɔ zolɛ nsa la se, “Bɛla!” Na menwunle kɛ sonla lɛ tone ɔ sa nu na ɔde ɛkpɔnwɔ bile bie azo ɔlɛba.

Yekile 6:7

Boaneralɛ ne wayele ɛyɛlɛ ne mɔɔ tɔ zolɛ nna la; na mendele kɛ tease abɔdeɛ ne mɔɔ tɔ zolɛ nna la se, “Bɛla!”