Yekile 4:3 - BAEBOLO ANZƐƐ BULUKU NWUANZANWUANZA

³ Ahenle ne mɔɔ de belemgbunli ebia kpole ne azo la anyunlu ta kɛ ezukoa awolɛ ne mɔɔ bɛfɛlɛ bɛ “gyasepa” nee “kanɛlea” la, na nyangondonle kɛnlɛma mɔɔ zɔho ezukoa bolɛ ne mɔɔ bɛfɛlɛ ye “ɛmelade” la ɛdo ɛbɛnra ɛyia belemgbunli ebia kpole ne.

Yekile 4:3 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:10

na bɛnwunle Yizilayɛ Nyamenle ne. Bɛnwunle debie mɔɔ zɔho ezukoa bolɛ buluwu mɔɔ sonle bolɛ na nuhua te kɛ anwomanyunlu la wɔ ɔ gyakɛ abo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:18

ɛhonlone ne mɔɔ tɔ zolɛ nwiɔ la, bɛva ɛmelade, safaya, yɛɛ daemɔn;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:11

ɛhonlone ne mɔɔ tɔ zolɛ nwiɔ la, bɛvale ɛmelade, safaya, yɛɛ daemɔn;

Ayezaya Buluku ne 6:1

Ɛvolɛ ne mɔɔ Belemgbunli Ɛzaya wule la ala anu, menwunle kɛ Awulae de belemgbunli ebia nu, hyeleenyi wɔ anwuma, na ye tɛladeɛ ne anloa ɛyi Ɛzonlenlɛ Sua ne.

Yizikeɛle Buluku ne 1:26

Wɔ ninyɛne ahutukpunli ne mɔ mɔɔ hendɛhenda bɛ ti zo anwuma la azo, debie bie mɔɔ le kɛ belemgbunli ebia, mɔɔ bɛva ezukoa bolɛ ne mɔɔ bɛfɛlɛ ye safaya la a bɛyɛle la gyi zolɛ, na debie bie mɔɔ le kɛ sonla la de nuhua.

Yizikeɛle Buluku ne 1:28

Wienyi ne le kɛ ezule mɔɔ ɛmunla la nyangondonle ne mɔɔ kɛdo la. Kɛ Ɛdɛnkɛma anyunlunyia ne sɔhovolɛ de la ɛne. Mɔɔ menwunle ɛhye la, membutule me nye aze, na mendele awie ane kɛ ɔlɛtendɛ.

Yizikeɛle Buluku ne 10:1

Akee memanle me nye zo, na menwunle kɛ, wɔ deɛ ne mɔɔ ɛdo ɛbɛnra abɔdeɛ ne mɔ mɔɔ lɛ ndɛbalɛ la ati ne mɔ anwo la azo, debie bie mɔɔ le kɛ belemgbunli ebia, mɔɔ bɛva sanyia bolɛ ne mɔɔ bɛfɛlɛ ye safaya la bɛyɛ la gyi zolɛ anwuma.

Yizikeɛle Buluku ne 28:13

Ɛnee ɛwɔ Yidɛn, Nyamenle tola ne anu; ezukoa bolɛ biala mɔɔ anwo hyia la, menvale mengedale wɔ. Ezukoa awolɛ, kanɛlia, topaze, gyasepa, kelesɔlaete, bɛlele, ɔnekese, safaya, kɛbɛnkele, yɛɛ ɛmelade yɛɛ bɛvale bɛduoduale wɔ adɛladeɛ nu a. Kenle ko ne ala mɔɔ bɛbɔle wɔ la yɛɛ bɛboɔboale bɛ nloa bɛmanle wɔ a.

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 21:11

na ɔlɛta wɔ Nyamenle anyunlunyia nu. Sua bɔdenle ne ta memeamemea kɛ ezukoa bolɛ ne mɔɔ bɛfɛlɛ ye “gyasepa” la, na ɔ nye le kɔngyekɔngye zɛhae.