Yekile 4:2 - BAEBOLO ANZƐƐ BULUKU NWUANZANWUANZA

² Ɛkɛ ne ala Sunsum ne wolole me na menwunle kɛ awie de belemgbunli ebia kpole zo wɔ anwuma lɔ.

Yekile 4:2 ပူးပေါင်းရင်းမြစ်များ

1 Arl 22:19

Maekaya buale kɛ, “Zɔhane ati bɛdie mɔɔ Ɛdɛnkɛma se la. Menwu kɛ Ɛdɛnkɛma de ye ebia nu na anwuma soanvolɛma ɛbɔ ɛyia ye; bɛgua ye bɛne nee fema,

Edwɛndolɛ Buluku ne 11:4

Ɛdɛnkɛma wɔ ye Ɛzonlenlɛ Sua nwuanzanwuanza ne anu, ye belemgbunli ebia wɔ anwuma; ɔnwu menli kɔsɔɔti, ɔsɔ bɛ ɔnea.

Ayezaya Buluku ne 6:1

Ɛvolɛ ne mɔɔ Belemgbunli Ɛzaya wule la ala anu, menwunle kɛ Awulae de belemgbunli ebia nu, hyeleenyi wɔ anwuma, na ye tɛladeɛ ne anloa ɛyi Ɛzonlenlɛ Sua ne.

Gyɛlɛmaya Buluku ne 17:12

Yɛ Ɛzonlenlɛ Sua ne le kɛ anyunlunyia belemgbunli ebia, ɔbɔ ɔ bo la ɔgyi boka kpole zo.

Yizikeɛle Buluku ne 1:26

Wɔ ninyɛne ahutukpunli ne mɔ mɔɔ hendɛhenda bɛ ti zo anwuma la azo, debie bie mɔɔ le kɛ belemgbunli ebia, mɔɔ bɛva ezukoa bolɛ ne mɔɔ bɛfɛlɛ ye safaya la a bɛyɛle la gyi zolɛ, na debie bie mɔɔ le kɛ sonla la de nuhua.

Yizikeɛle Buluku ne 1:28

Wienyi ne le kɛ ezule mɔɔ ɛmunla la nyangondonle ne mɔɔ kɛdo la. Kɛ Ɛdɛnkɛma anyunlunyia ne sɔhovolɛ de la ɛne. Mɔɔ menwunle ɛhye la, membutule me nye aze, na mendele awie ane kɛ ɔlɛtendɛ.

Yizikeɛle Buluku ne 10:1

Akee memanle me nye zo, na menwunle kɛ, wɔ deɛ ne mɔɔ ɛdo ɛbɛnra abɔdeɛ ne mɔ mɔɔ lɛ ndɛbalɛ la ati ne mɔ anwo la azo, debie bie mɔɔ le kɛ belemgbunli ebia, mɔɔ bɛva sanyia bolɛ ne mɔɔ bɛfɛlɛ ye safaya la bɛyɛ la gyi zolɛ anwuma.

Daneɛle Buluku ne 7:9

“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.

Edwɛkpa ne kɛmɔ Mateyu hɛlɛle la 22:43

Ɔbizale bɛ kɛ, “Ɛnee akee kɛ ɔyɛle mɔɔ Sunsum ne manle Devidi vɛlɛle ye ‘Awulae’ ɛ? Ɔluakɛ Devidi hanle kɛ,

Kɛlata mɔɔ bɛhɛlɛle bɛhɔmanle Hibuluma la 8:1

Mɔɔ yɛlɛka la amuala, saa yɛbɔ ye kpɔkɛ ko a, yemɔ a le ɛhye: yɛlɛ Sɛlɛvolɛ Kpanyinli zɛhae, mɔɔ de Nyamenle Bedevinli ne Belemgbunli Ebia ne fema zo wɔ anwuma.

Yekile 1:10

Awulae kenle ne, Sunsum ne rale me nwo zo, na mendele ɛnelɛ kpole bie mɔɔ le kɛ aweɛne tendenle la kɛ ɔlɛtendɛ me nzi nehane.

Yekile 12:5

Raalɛ ne wole ralɛ nrenya, mɔɔ bava tumi kpole azie maanle maanle kɔsɔɔti a. Na bɛvale kakula ne bɛhɔmanle Nyamenle wɔ ye belemgbunli ebia kpole ne azo lɔ.

Yekile 17:3

Sunsum ne rawolole me, na Nyamenle soanvolɛ ne vale me hɔle ɛsɛlɛ bie azo. Ɛkɛ ne, menwunle raalɛ bie kɛ ɔde nane kɔkɔlɛ bie azo. Nane ne bɛhɛlɛhɛlɛ aluma ɛtane ɛtane mɔɔ tia Nyamenle la wɔ ɔ nwo. Nane ne ati le nsuu yɛɛ ye mɛne le bulu.

Yekile 19:4

Mgbanyima abulanwiɔ nee nna ne nee tease abɔdeɛ nna ne dule guale na bɛzonlenle Nyamenle wɔ ye belemgbunli ebia kpole ne abo, na bɛhanle kɛ, “Amen! Bɛye Nyamenle ayɛlɛ!”

Yekile 20:11

Akee menwunle Belemgbunli ne nee ye belemgbunli ebia fufule ne mɔɔ ɔde zolɛ la. Anwuma nee azɛlɛ minliminlinle ɔ nyunlu ɛkɛ ne na bɛannwu bɛ bieko.

Yekile 21:10

Sunsum ne wolole me, na Nyamenle soanvolɛ ne vale me hɔle boka tendenle bie azo. Ɔhilele me Suakpole Nwuanzanwuanza Gyɛlusalɛm, kɛ ɔvi Nyamenle anwo lɔ anwuma na bɛlɛdwula ye aze,

Yekile 21:5

Na mɔɔ de belemgbunli ebia kpole ne azo la hanle kɛ, “Kɛkala, meyɛ ninyɛne kɔsɔɔti fofolɛ!” Eza ɔzele me kɛ, “Kɛlɛ ɛhye, ɔluakɛ edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.”

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 4:5

Ɛsɛlɛmanye kpakye fi belemgbunli ebia kpole ne anwo finde, yɛɛ ɛnelɛ mgbole mɔɔ kulu kɛ bokile ezule la vi ebia kpole ne anwo finde. Tɛkɛ nsuu sɔ belemgbunli ebia kpole ne anwo, na bɛmɛ a le Nyamenle Sunsum nsuu ne.

Yekile 4:9

Saa tease abɔdeɛ nna ɛhye mɔ to bɛ anyunlunyia, enililɛ nee moyɛlɛ edwɛne ne maa mɔɔ de aze dahuu na ɔde belemgbunli ebia kpole ne azo la a,

Yekile 5:1

Menwunle kɛ ahenle mɔɔ de belemgbunli ebia kpole ne azo la lɛ nwoma ɔ sa fema ne anu; nwoma ne, bɛhɛlɛ ɔ kunlu nee ɔ nzi amuala na bɛva ɛyɛlɛ bɛzɔ ɔ nloa fane nsuu.

Yekile 5:13

Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!