Yekile 4:11 - BAEBOLO ANZƐƐ BULUKU NWUANZANWUANZA

¹¹ “Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 4:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:1

Mɔlebɛbo ne Nyamenle bɔle anwuma nee aze.

2 Sam 22:4

Mesu mefɛlɛ Ɛdɛnkɛma, mɔɔ fɛta ayɛlɛyelɛ, ɔdie me ɔfi me kpɔvolɛma asa anu.

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Dwobu Buluku ne 36:3

Me adwenle ne abo vi moa, me Bɔvolɛ ne di pɛlepɛle.

Edwɛndolɛ Buluku ne 18:3

Mefɛlɛ Ɛdɛnkɛma, yemɔ mɔɔ ɔfɛta ayɛlɛyelɛ a, ɔdie me ɔfi me kpɔvolɛma asa anu.

Edwɛndolɛ Buluku ne 68:34

Bɛbɔ Nyamenle kpoleyɛlɛ ne nolo, ye belemgbunlililɛ ne keda Yizilayɛma anwo zo, ye tumi ne wɔ anwomanyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:11

Ɔluakɛ medame Ɛdɛnkɛma, menvale kenle nsia a membɔle anwuma nee aze a, nyevile nee nuhua ninyɛne muala, na menliele me ɛnwomenle wɔ kenle nsuu ne azo. Yemɔti medame Ɛdɛnkɛma, menyilale Ɛnwomenlelielɛ Kenle ne na menyɛle ye nwuanzanwuanza.

Mrɛlɛbulɛ Buluku ne 16:4

Debie biala mɔɔ Ɛdɛnkɛma ɛyɛ la gyi kpɔkɛ zo; amumuyɛnli ne bɔbɔ, ye mekɛ dwu a bɛbazɛkye ye.

Ayezaya Buluku ne 40:26

Bɛdo bɛ nye anwuma na bɛnlea, nwane a bɔle ɛhye mɔ a? Yemɔ yɛɛ ɔbɔle bɛ kɔsɔɔti a, yɛɛ ɔfa ko biala duma ɔfɛlɛ ye. Ye tumi kpole ne ati, yɛɛ ɔlɛ tumi na ɔ nwo yɛ se la ati, ko bɔbɔ ɛmminli.

Ayezaya Buluku ne 40:28

Bɛnze ɔ? Bɛtɛtele ɔ? Ɛdɛnkɛma le damɛnlangoate Nyamenle, ewiade amuala Bɔvolɛ. Ɔnvɛ yɛɛ ɔ nwo ɛmbɛlɛ ye, ye ndelebɛbo ɛnlɛ nvedenvedenu.

Gyɛlɛmaya Buluku ne 10:11

(Se bɛ kɛ, “Bɛbazɛkye awozonle ne mɔ mɔɔ tɛ bɛmɛ a bɛbɔle anwuma nee aze la. Bɛnrɛnyia ewiade ye ɛleka biala bɛnrɛdɛnla.”)

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 17:24

Nyamenle ne, mɔɔ bɔle ewiade nee mɔɔ wɔ nuhua la amuala la le anwuma nee aze Awulae, na ɔndɛnla sua mɔɔ menli ɛva bɛ sa ɛzi la anu.

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:9

na memaa menli kɔsɔɔti ɛnwu kɛ nwanwane ngyehyɛlɛ ne mɔɔ vea la bazi ahɔ zolɛ la. Nyamenle mɔɔ yemɔ a ɔbɔle ninyɛne muala la vale ngyehyɛlɛ ɛhye veale mekɛ dɔɔnwo mɔɔ ɛraze ɛhɔ la,

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Kɛlata mɔɔ bɛhɛlɛle bɛhɔmanle Hibuluma la 1:10

Eza ɔhanle kɛ, “Awulae, wɔmɔ yɛɛ mɔlebɛbo ne ɛbɔle ewiade a, yɛɛ ɛ sa anloa gyima a le anwumaneamra.

Kɛlata mɔɔ bɛhɛlɛle bɛhɔmanle Hibuluma la 1:2

na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

Yekile 10:6

na ɔvuale ɔhilele tease Nyamenle ne mɔɔ bɔle anwuma nee nuhua debie biala, azɛlɛ nee zolɛ debie biala, nee nyevile nee nuhua ninyɛne muala la kɛ, “Aze ɛzilɛ bieko ɛnle ɛkɛ!

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 19:1

Ɛhye anzi mendele debie bie mɔɔ le kɛ menli dɔɔnwo ane wɔ anwuma, bɛse, “Bɛye yɛ Nyamenle ne ayɛlɛ! Ngoanelielɛ, anyunlunyia, nee tumi le yɛ Nyamenle ne ɛdeɛ!

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”

Yekile 5:2

Na menwunle Nyamenle soanvolɛ mɔɔ anwo yɛ ɛzulolɛ la ko, na ɔhanle ye kpole kpalɛ kɛ, “Nwane a fɛta na ɔkɛhola ɔkɛwaye ɛyɛlɛ ne na ɔkɛbuke nwoma ne anu a?”

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.