Yekile 3:9 - BAEBOLO ANZƐƐ BULUKU NWUANZANWUANZA

⁹ Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.

Yekile 3:9 ပူးပေါင်းရင်းမြစ်များ

Ɛseta Buluku ne 8:17

Wɔ maanzinli biala anu anzɛɛ suakpole biala azo mɔɔ belemgbunli ne kɛlata ne nee ye mɛla ne kɛdwu la, Dwuuma anye die, bɛdi fɛlɛko, bɛsie kenle bɛdie bɛ ɛnwomenle na bɛto ɛkponle. Menli dɔɔnwo noko mɔɔ wɔ maanle ne anu la zulole Dwuuma, na ɔlua zolɛ bɛhakyile bɛyɛle Dwuuma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:8

Wɔ mgbanyima ɛhye mɔ kɔsɔɔti bara arabɔ bɛ ti aze amaa me na bɛaze kɛ, ‘Ɛ nee ɛ sa zo ne mɔ kɔsɔɔti bɛvi ɛke bɛhɔ.’ Na ɛhye anzi mebavi maanle ye anu meahɔ.” Na Mosisi vale ɛya kpole, na ɔvile belemgbunli ne anyunlu ɛkɛ ne ɔhɔle.

Ayezaya Buluku ne 43:4

Kɛmɔ bɛsonle bolɛ wɔ me nye zo, medi bɛ eni, na mekulo bɛ la ati, mefa menli memaa na medie bɛmɛ bɛ ngoane.

Ayezaya Buluku ne 45:14

Ɛdɛnkɛma se, “Yigyibiti nee Sudan anwonyia ne amuala bapɛ ali bɛmɛ Yizilayɛma bɛ ɛkɛ, yɛɛ Sibama, menli kakanyinlima ne, barazonle bɛmɛ Yizilayɛma, bɛbagua bɛ anga bɛara, na bɛarahoto bɛ. Bɛbabodo bɛazɛlɛ bɛ bɛaha kɛ, ‘Nyamenle nee bɛmɛ Yizilayɛma angome a lua a, nyamenle bieko ɛnle ɛkɛ kɛ ɔ ngome ala.

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Ayezaya Buluku ne 60:14

Menli mɔɔ sisile bɛ la amra mrenya ne mɔ Barabɔ bɛ ti aze amaa bɛ; Menli mɔɔ kpole bɛ la kɔsɔɔti Baradu agua bɛ gyakɛ anu. Bɛbavɛlɛ sua ne ‘Ɛdɛnkɛma Suakpole,’ ‘Zayɔn, Yizilayɛ Nwuanzanwuanza Ko ne Suakpole.’

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

1 Sam 2:36

Ɛ bo zo amra mɔɔ kɛha la bahɔ sɛlɛvolɛ zɔhane ɛkɛ ahɔzɛlɛ ezukoa nee aleɛ, na bɛabodo ye kɛ ɔmaa bɛboa ye na bɛanyia debie bɛali.’ ”