Yekile 3:7 - BAEBOLO ANZƐƐ BULUKU NWUANZANWUANZA

⁷ “Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.

Yekile 3:7 ပူးပေါင်းရင်းမြစ်များ

Dwobu Buluku ne 11:10

Saa ɔba, ɔse kɛ ɔgua menli efiade, ɔ nee bɛ kɔ ndɛnebualɛ ɛleka a, nwane a kɛhola ɔ nwo zo sisi a?

Dwobu Buluku ne 12:14

Saa ɔbubu debie a, awie ɛngola ye boɛ yɛ bieko; saa ɔto sonla efiade a, awie ɛngola ye tukue.

Edwɛndolɛ Buluku ne 145:17

Ɛdɛnkɛma di pɛlepɛle wɔ ye ndenle kɔsɔɔti anu, yɛɛ ɔ ti akunlu le kɛnlɛma wɔ ye nyɛleɛ kɔsɔɔti anu.

Edwɛndolɛ Buluku ne 16:10

Ɔluakɛ wɔanye me wɔammaa Ɛbolɔ, yɛɛ wɔammaa wɔ Nwuanzanwuanza Ko ne amkpɔlɔ.

Edwɛndolɛ Buluku ne 89:18

O Ɛdɛnkɛma, ɛdawɔ a ɛyele yɛ pepɛdievolɛ ne ɛmanle yɛ a. Yizilayɛ Nwuanzanwuanza Ko ne a manle yɛ yɛ belemgbunli ne a.

Ayezaya Buluku ne 22:22

Mebava Devidi awuke nu sanvɛ ne meamaa ye; ɔbabuke, na awie biala ɛnrɛhola nuhua to; ɔbado nu, na awie biala ɛnrɛhola ye buke.

Ayezaya Buluku ne 30:11

Bɛvi nɔhalɛ adenle ne anu bɛye bɛ nwo, bɛmmamaa yɛte Yizilayɛ Nwuanzanwuanza Ko ne nrɛlaleɛ biala.”

Ayezaya Buluku ne 41:14

Ɛdɛnkɛma se, “Gyekɔbo abo zo amra, Yizilayɛma, mɔɔ bɛ anwosesebɛ le kɛ sone a, bɛmmasulo! Mebaboa bɛ, bɛ Kpɔnevolɛ a le Yizilayɛ Nwuanzanwuanza Ko ne.

Ayezaya Buluku ne 41:16

Bɛbakpogya bɛ na anwoma ne abɔ bɛ ahɔ, na ahumu abɔ bɛ asande. Ɛdɛnkɛma ati, bɛ nye balie, na bɛaye Yizilayɛ Nwuanzanwuanza Ko ne ayɛlɛ.

Ayezaya Buluku ne 41:20

amaa menli anwu ye na bɛanwu ye, bɛadwenle nwolɛ na bɛade ɔ bo kɛ, Ɛdɛnkɛma yɛɛ ɛyɛ ɛhye a; Yizilayɛ Nwuanzanwuanza Ko ne a bɔle bɛ a.”

Ayezaya Buluku ne 47:4

Yɛ Kpɔnevolɛ ne, ye duma a le Tumivolɛ Ɛdɛnkɛma. Yemɔ a ɔle Yizilayɛ Nwuanzanwuanza Ko ne a.

Ayezaya Buluku ne 48:17

Ɛdɛnkɛma, bɛ Kpɔnevolɛ, Yizilayɛ Nwuanzanwuanza Ko ne se, “Medame a mele Ɛdɛnkɛma bɛ Nyamenle ne, mɔɔ kilehile bɛ maa bɛyɛ kpalɛ, na ɔdi bɛ nyunlu ɔkilehile bɛ adenle mɔɔ ɔwɔ kɛ bɛdua nu la.

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Ayezaya Buluku ne 54:5

Ɔluakɛ ɛ hu a le wɔ Bɔvolɛ ne, ye duma a le Tumivolɛ Ɛdɛnkɛma; Yizilayɛ Nwuanzanwuanza Ko ne a le wɔ Kpɔnevolɛ ne, bɛfɛlɛ ye ewiade amuala Nyamenle.

Ayezaya Buluku ne 55:5

Akee ɛbavɛlɛ maanle maanle mɔɔ ɛnze bɛ la, yɛɛ maanle maanle mɔɔ ɛnze wɔ la banriandi ara ɛ nwo, wɔ medame Ɛdɛnkɛma wɔ Nyamenle ne, Yizilayɛ Nwuanzanwuanza Ko ne ati, ɔluakɛ medame Nyamenle, mewula wɔ anyunlunyia.”

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Edwɛkpa ne kɛmɔ Mateyu hɛlɛle la 16:19

Mebava Anwuma Belemgbunlililɛ ne azanvɛ ne meawula ɛ sa nu; mɔɔ ɛkɛkyekye ye wɔ aze ɛke la, bɛkɛkyekye ye wɔ anwuma lɔ, mɔɔ ɛkɛtulu ye wɔ aze ɛke noko la, bɛkɛtulu ye wɔ anwuma lɔ.”

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Edwɛkpa ne kɛmɔ Maake hɛlɛle la 1:24

“Gyisɛse mɔɔ vi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule: Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Luku hɛlɛle la 1:32

Ɔbayɛ kpole na bɛavɛlɛ ye Anwuma Anwuma Nyamenle ne Ara. Awulae Nyamenle bayɛ ye belemgbunli kɛ ɔ nlenya Devidi la,

Edwɛkpa ne kɛmɔ Luku hɛlɛle la 4:34

“Aa! Wɔmɔ Gyisɛse mɔɔ ɛvi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule. Wɔmɔ a ɛle Nyamenle Sonla ne mɔɔ anwo te la!”

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Ɛzoanvolɛma Gyima ne 3:14

Ɔle sonlakpalɛ mɔɔ anwo te a, noko bɛkpole ye, na bɛkpale Paelɛte kyɛlɛ kɛ ɔdwula kɔdiawu ne ɔmaa bɛ.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 16:7

Na mendele ɛnelɛ bie vi azukponle ne anwo ɛkɛ, ɔse, “Awulae Nyamenle Bedevinli, wɔ ndɛnebualɛ le nɔhalɛ, ɔle fɔɔnwo amgba!”

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.

Yekile 19:2

Ɔluakɛ ye ndɛnebualɛ le nɔhalɛ, ɔle fɔɔnwo! Yebua tuutuunli ne mɔɔ ɛlie duma na yeva ye adwɔmanebɔlɛ yezɛkye ewiade la ewule fɔlɛ. Nyamenle ɛdea ye, ɔluakɛ yehu Nyamenle sonvolɛma ne mɔ amuala.”

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 21:5

Na mɔɔ de belemgbunli ebia kpole ne azo la hanle kɛ, “Kɛkala, meyɛ ninyɛne kɔsɔɔti fofolɛ!” Eza ɔzele me kɛ, “Kɛlɛ ɛhye, ɔluakɛ edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.”

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”