Yekile 3:4 - BAEBOLO ANZƐƐ BULUKU NWUANZANWUANZA

⁴ Noko menli ekyi bie wɔ Saadese ɛkɛ ne mɔɔ bɛli bɛ nwo eni a. Bɛtɛyɛle bɛ ndanlɛ ne mɔ evinli. Bɛbayɛ fufule, na bɛ nee me alua, ɔluakɛ bɛfɛta.

Yekile 3:4 ပူးပေါင်းရင်းမြစ်များ

1 Arl 19:18

noko mebagyakyi menli apenle nsuu mɔɔ wɔ Yizilayɛ maanle ne anu mɔɔ ɛtɛsonlenle bozonle Beeyale ɛlɛ la.”

Ɛseta Buluku ne 8:15

Akee Mɔdekae vi belemgbunli sua nu finde a ɔwula belemgbunli tɛladeɛ buluwu nee fufule, na ɔsoa belemgbunli ezukoa nvutuke kyɛlɛ, na yeava dwɛsɛ ɛdanlɛ anye nwohyee nee kɔkɔlɛ kɛnlɛma bie yeagua zolɛ. Ɔvi belemgbunli sua nu ɔfinde a ɛnee awie biala anye ɛlie.

Edwɛndolɛ Buluku ne 68:14

Tumivolɛ ne bɔle arelemgbunli ne mɔ asande la, ezukɔtweaba dɔle Zalemɔn Boka.

Nolo 9:8

Dahuu maa wɔ adɛladeɛ anye ɛyɛ bɔkɔbɔkɔ; yɛɛ mmamaa nwole kpa ɛ ti zo ɛlɛ.

Ayezaya Buluku ne 1:9

Saa Tumivolɛ Ɛdɛnkɛma anvavi, angyakyi yɛ menli ekyi a anrɛɛ yɛyɛle kɛ Sodɔm nee Gomɔla la.

Ayezaya Buluku ne 52:1

Gyɛlusalɛmma, bɛdwazo! Bɛdwazo, bɛmaa bɛ nwo ɛyɛ se, bɛva bɛ adɛladeɛ ngɛnlɛma ne mɔ bɛwula, O Gyɛlusalɛm, suakpole nwuanzanwuanza azo amra, ɔluakɛ awie biala mɔɔ anwo ɛnde na ɔnzonle Nyamenle la ɛnrɛra suakpole ne azo ɛlɛ.

Ayezaya Buluku ne 59:6

Bɛ ndendane ne mɔ ɛnrɛyɛ ɛdanlɛ ɛlɛ, yɛɛ awie ɛnrɛva bɛ ndanlɛ mɔɔ bɛnwo la bie ɛnrɛgua ɔ nwo ɛlɛ. Bɛ sa anloa gyima le atisesebɛ gyima, yɛɛ konle ala a bɛzo bɛlua a.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Ayezaya Buluku ne 64:6

Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

Sɛlɛ 13:48

saa bɛnwu bie wɔ ndanlɛ nyɛma mɔɔ bɛzinlezinla la anu, anzɛɛ nwoma nu anzɛɛ debie biala mɔɔ bɛva nwoma bɛyɛ la anu,

Edwɛkpa ne kɛmɔ Mateyu hɛlɛle la 10:11

“Saa bɛkɔ sua bie anzɛɛ namule bie azo a, bɛbiza bɛnwu sonla mɔɔ kɛlie bɛ la na bɛhɔzokoɛ ye, na bɛdɛnla ɔ nwo ɛkɛ ne ɔhɔdwu mekɛ mɔɔ bɛkɛvi sua ne anzɛɛ namule ne azo la.

Edwɛkpa ne kɛmɔ Maake hɛlɛle la 16:5

Bɛwolole nla ne anu na bɛnwunle kɛ kpavolɛ bie wula tɛladeɛ fufule de fema zo ɛkɛ ne, na bɛ ahonle dule.

Edwɛkpa ne kɛmɔ Luku hɛlɛle la 20:35

na mrenya nee mraalɛ mɔɔ anwo fɛta Nyamenle Belemgbunlililɛ ne la, saa mekɛ ne dwu na bɛdwazo bɛ bɛfi ewule nu a bɛngya bɛ nwo.

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Ɛzoanvolɛma Gyima ne 1:15

Mekɛ ne anu diedima ne yiale nu. Bɛ nloa kɛyɛ ɛya ko abulanwiɔ. Pita dwazole zele bɛ kɛ,

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

Dwuudu Kɛlata ne 1:23

Bɛhwe bie mɔ bɛvi sendɔlɔra ne anu, bɛlie bɛ ngoane. Bɛva ɛzulolɛ bɛze bie mɔ anwunvɔne, na bɛhyi bɛ adɛladeɛ ne mɔ mɔɔ bɛ ɛtane atiakunluwɔzo ɛheha nu la.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.

Yekile 19:14

Anwuma ɛlɔnema li ɔ nzi, bɛdede mgbɔnwɔ fufule zo na bɛwulowula adɛladeɛ fufule nwohyee.

Yekile 19:8

Bɛmaa ye lenen ɛdanlɛ kɛnlɛma anye nwohyee kɛ ɔheda.” (Ɛdanlɛ kɛnlɛma ne a le Nyamenle menli ne ɛbɛla kpalɛ mɔɔ bɛbɔle la.)

Yekile 3:18

Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.

Yekile 3:5

Sonla ne mɔɔ kɛli konim la bɛbayɛ ye fufule nwohyee, na menrɛye ye duma menrɛvi teasema buluku ne anu. Mebaha ye wienyi wɔ Egya nee Nyamenle soanvolɛma anyunlu ɛkɛ ne kɛ bɛle me ɛdeɛ.

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 6:11

Na bɛmanle ko biala tɛladeɛ fufule, na bɛhanle bɛhilele bɛ kɛ bɛlie bɛ ɛnwomenle ekyii, kɔkpula kɛ bɛ gɔnwo mɔ sonvolɛma nee mediema mɔɔ bɛdabɛ noko bɛbahu bɛ kɛ bɛdabɛ la, bɛ muala bɛ nloa kɛdɔ nu la.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.