Yekile 3:3 - BAEBOLO ANZƐƐ BULUKU NWUANZANWUANZA

³ Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.

Yekile 3:3 ပူးပေါင်းရင်းမြစ်များ

Yizikeɛle Buluku ne 20:43

Bɛbahakye bɛ ndenle mɔɔ bɛluale nu nee nyɛleɛ ɛtane ɛtane mɔɔ bɛyɛle bɛvale bɛzɛkyele bɛ nwo la, na bɛavu bɛ nwo wɔ bɛ ninyɛndane mɔɔ bɛyɛle la amuala anwo.

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Edwɛkpa ne kɛmɔ Mateyu hɛlɛle la 25:13

Na Gyisɛse dwulale ye edwɛkɛ ne kɛ, “Yemɔti bɛzinza, ɔboalekɛ bɛnze kenle ko ne anzɛɛ dɔnehwele ko ne mɔɔ Awulae bara la.”

Edwɛkpa ne kɛmɔ Maake hɛlɛle la 13:33

Bɛzinza na bɛnlea boɛ, ɔluakɛ bɛnze kenle ne mɔɔ mekɛ ne kɛdwu la.

Edwɛkpa ne kɛmɔ Maake hɛlɛle la 13:36

Saa ɔba arɛlevilɛ nu a, ɔnle kɛ ɔbato bɛ kɛ bɛdeda.

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 1:13

Sɔ nɔhalɛ ne mɔɔ ɛdele ɛvile me ɛkɛ ne la anu boɛ, fa yɛ ndonwo di zo, na tɛnla diedi nee ɛhulolɛ ne mɔɔ Kelaese Gyisɛse ati ɔle yɛ ɛdeɛ la anu.

Kɛlata mɔɔ bɛhɛlɛle bɛhɔmanle Hibuluma la 2:1

Zɔhane ati ɔwɔ kɛ yɛsɔ nɔhalɛ edwɛkɛ ne mɔɔ yɛde la anu ɛsesebɛ, amaa yɛamminli.

2 Pit 1:13

Menea a ɔle kpalɛ kɛ ɔwɔ kɛ mekakyehakye bɛ adwenle wɔ edwɛkɛ ɛhye mɔ anwo wɔ mekɛ mɔɔ mede ngoane ɛhye anu la.

2 Pit 3:1

Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 2:25

Mɔɔ meka meahile bɛ ala la a le kɛ bɛzɔ mɔɔ bɛlɛ ye la anu kpalɛ kɔkpula mekɛ mɔɔ menwɔra la.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.

Yekile 3:2

Tunwue, na miemia mɔɔ ɛlɛ ye la anu kolaa na ɔkɛzɛkye bɔkɔɔ a yeazɛkye. Ɔluakɛ mɔɔ wɔyɛ la amuala, menwu kɛ ɔnli munli nretee zɛhae wɔ me Nyamenle ne anye zo.