Yekile 3:18 - BAEBOLO ANZƐƐ BULUKU NWUANZANWUANZA

¹⁸ Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.

Yekile 3:18 ပူးပေါင်းရင်းမြစ်များ

Edwɛndolɛ Buluku ne 107:11

ɔluakɛ bɛde Nyamenle edwɛkɛ ne anwo atua, na bɛkpo Anwuma Anwumanli ne folɛdulɛ ne.

Edwɛndolɛ Buluku ne 16:7

Meye Ɛdɛnkɛma ayɛlɛ, ɔboalekɛ ɔkilehile me, yɛɛ aleɛ dwo a me adwenle kakyehakye me.

Edwɛndolɛ Buluku ne 32:8

Mebadu wɔ folɛ, mebahilehile wɔ adenle mɔɔ ɔwɔ kɛ ɛfa nu la; mebamaa me nye ara ɛ nwo zo na meadu wɔ folɛ.

Edwɛndolɛ Buluku ne 73:24

Ɛfa wɔ ngilehilelɛ ne ɛsinza me, na nzinlii ɛbalie me anyunlunyia nu.

Mrɛlɛbulɛ Buluku ne 1:25

na bɛkpɔla bɛ nzo anzi wɔ me folɛdulɛ muala anwo, na bɛyɛ kɛ bɛnrɛva bɛ nyunlu mɔɔ metwi la bɛnrɛyɛ ɛhwee la,

Mrɛlɛbulɛ Buluku ne 1:30

kɛmɔ bɛyɛle kɛ bɛnrɛbu me folɛdulɛ ne bie, na bɛkpole kɛ menwɔhwi bɛ nyunlu la,

Mrɛlɛbulɛ Buluku ne 19:20

Tie folɛdulɛ na die ngilehilelɛ to nu, amaa wɔanwu nrɛlɛbɛ na kenle bie wɔava wɔabɔ wɔ ɛbɛla.

Mrɛlɛbulɛ Buluku ne 23:23

Su ezukoa tɔ nɔhalɛ, nrɛlɛbɛ, ngilehilelɛ, yɛɛ ndelebɛbo; mmatɔne bie.

Nolo 8:2

Di edwɛkɛ mɔɔ belemgbunli kɛha la azo, na mmamaa wɔ adwenle sɛkye kɛ wɔbɔ Nyamenle ɛwɔkɛ a.

Ayezaya Buluku ne 47:3

Ɛ nwo bala zo, menli banwu kɛ wɔbɔ anyiemgba. Mebali nzenralɛ, yɛɛ menrɛvavi awie biala.”

Ayezaya Buluku ne 55:1

Ɛdɛnkɛma se, “Awie biala mɔɔ nzuhɔne ɛlɛku ye la ɛrɛla ɛranlo nzule; yɛɛ mɔɔ ɛnlɛ ezukoa la ɛrɛla ɛradɔ aleɛ ɛli. Bɛrɛla, bɛradɔ nwanye nee meleke, bɛnlɛ bolɛ yɛɛ bɛnva ezukoa bɛndɔ.

Gyɛlɛmaya Buluku ne 13:26

Medame mumua ne mebaye bɛ nwo zo ɛya meamaa nyiane ahu bɛ.

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Maeka Buluku ne 1:11

Bɛmɛ Hyeefɛma, bɛva nyiane bɛlɛ bɛ nwo zɔ bɛpɛ nuhua bɛhɔ. Zeeyanema mmaba fee; anrɛɛ Bɛte Yizɛlema ɛzunlɛ kpole ne kɛheda bɛ nwo zo na bɛkɛlie ye gyinlabelɛ ne bɛkɛvi ye ɛkɛ ne.

Nahum Buluku ne 3:5

Tumivolɛ Ɛdɛnkɛma ɛha ɛdo ɛkɛ, ɔse, “Metia wɔ. Mebakpali wɔ tɛladeɛ meagua ɛ ti zo, meamaa maanle maanle anwu kɛ ɛlɛ ɛ nwo zɔ, na arelemgbunli maanle anwu wɔ anyiemgba.

Malakae Buluku ne 3:3

Ɔbadɛnla aze kɛ dwinvolɛ mɔɔ tu dwɛtɛ fufule nu la. Ɔbadu Livaema anu na yeabolo bɛ nwo kɛ ezukoa nvutuke anzɛɛ yeahwi bɛ nwo kɛ dwɛtɛ fufule, kɔdwu mekɛ mɔɔ bɛkɛva nɔhalɛ azubɔlɛ ninyɛne bɛkɛmaa Ɛdɛnkɛma la.

Edwɛkpa ne kɛmɔ Mateyu hɛlɛle la 13:44

“Anwuma Belemgbunlililɛ ne le kɛ kpɔba bie mɔɔ vea azɛlɛ bie abo la. Saa awie kɔnwu ye a, ɔkeda zolɛ na ɔfa fɛlɛkolilɛ ɔkɔtɔne ɔ nwo ninyɛne kpokpoti na ɔfa ezukoa ne mɔɔ ɔkɛnyia ye la ɔbatɔ azɛlɛ ne.

Edwɛkpa ne kɛmɔ Mateyu hɛlɛle la 25:9

Nrɛlɛbɛvolɛma ne zele bɛ kɛ, ‘Kyɛkyɛ, yɛnlie yɛnli kɛ nwole ne kɛza yɛ nee bɛdabɛ. Bɛhɔ bɛhɔdɔ bie.’

Edwɛkpa ne kɛmɔ Luku hɛlɛle la 12:21

Na Gyisɛse dwulale ye edwɛkɛ ne kɛ, “Kɛ menli mɔɔ kuohua anwonyia maa bɛ nwo na bɛnle sukoavolɛma wɔ Nyamenle anyunlu la de la ɛne.”

2 Kɔl 5:3

amaa saa yɛfa yɛkpolo a bɛanwu kɛ yɛnlɛ yɛ nwo zɔ.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

1 Tem 6:18

Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 19:8

Bɛmaa ye lenen ɛdanlɛ kɛnlɛma anye nwohyee kɛ ɔheda.” (Ɛdanlɛ kɛnlɛma ne a le Nyamenle menli ne ɛbɛla kpalɛ mɔɔ bɛbɔle la.)

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 3:17

Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 7:13

Mgbanyima ne mɔ ko bizale me kɛ, “Na nwane mɔ a le menli ɛhye mɔ mɔɔ wula adɛladeɛ fufule la, yɛɛ bɛvi nienwu a bɛra a?”