Yekile 3:17 - BAEBOLO ANZƐƐ BULUKU NWUANZANWUANZA

¹⁷ Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.

Yekile 3:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:7

Ɛkɛ ne ala bɛ mu nwiɔ bɛ nye dele na bɛnwunle kɛ bɛlɛ bɛ nwo zɔ; bɛkpomgbale feege nya bɛwowale bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:35

Na Ɛdɛnkɛma vale ewule nzane deanle menli ne, ɔboalekɛ bɛhyele Aalɔn mialera nu bɛmanle ɔyɛle ɛnlankɛ nyinli ananze ne.

Mrɛlɛbulɛ Buluku ne 13:7

Sonla ne bie yɛ ɔ nwo kɛ yenyia ɔ nwo, noko ɔnlɛ ɛhwee; bie noko yɛ ɔ nwo kɛ ɔnlɛ bie, noko yenyia ɔ nwo kpole kpalɛ.

Mrɛlɛbulɛ Buluku ne 30:9

anrɛɛ me ko yi a, menwɔkpo wɔ na menwɔbiza kɛ, “Ɛdɛnkɛma a le nwane?” Anzɛɛ anrɛɛ menwɔli ehyia, menwɔwua, na menwɔgua me Nyamenle ne duma ne anwo evinli.

Ayezaya Buluku ne 42:19

Nwane a anye ɛzi kɛ me sonvolɛ ne, anzɛɛ anzo ɛdi kɛ me soanvolɛ ne la a? Nwane a anye ɛzi kɛ me ra ne mɔɔ ɛdu ɔ nwo ɛmaa me, anzɛɛ anye ɛzi kɛ Ɛdɛnkɛma soanvolɛ ne la a?

Gyɛlɛmaya Buluku ne 2:31

O bɛmɛ awolɛndoazo ɛhye, bɛdie Ɛdɛnkɛma edwɛkɛ ne. Meyɛ fienemgbole memaa Yizilayɛ, anzɛɛ azɛlɛ mɔɔ awozinli kabii ɛheda zo la ɔ? Duzu ati a me menli ne se, ‘Yɛlɛ fanwodi, yɛnrɛzia yɛnrɛra ɛ nwo ɛkɛ bieko’ a?

Hozia Buluku ne 12:8

Yifelaemma ɛha kɛ: Aa, yɛnyia yɛ nwo; yɛdu ahu! Noko bɛ anyiabɛnwo ne ɛnrɛhola ɛtane ne mɔ mɔɔ bɛyɛ la anwo kakɛ tua ɛlɛ.

Zɛkalaya Buluku ne 11:5

Menli mɔɔ tɔ la ku bɛ fa bɛ nwo dwɔɔ kɔ, awie ɛnze bɛ ɛhwee, yɛɛ menli mɔɔ tɔne bɛ la ka kɛ, ‘Ayɛlɛyelɛ ɛha Ɛdɛnkɛma, menyia me nwo;’ yɛɛ bɛ neavolɛma mumua ne ɛnze bɛ anwunvɔne.”

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Mateyu hɛlɛle la 9:12

Gyisɛse dele na ɔbuale bɛ kɛ, “Menli mɔɔ te kpɔkɛ la ɛngyia ninsinli nwo kɛ wuleravolɛma.

Edwɛkpa ne kɛmɔ Luku hɛlɛle la 1:53

Yemaa bɛdabɛ mɔɔ ɛhɔne ɛlɛku bɛ la ninyɛne kpalɛ yemaa bɛ ko ɛyi, na yeye sukoavolɛma ali yemaa bɛlɛ bɛ sa mgbane.

Edwɛkpa ne kɛmɔ Luku hɛlɛle la 6:24

“Noko akee munzule ɛha bɛdabɛ mɔɔ bɛnyia bɛ nwo kɛkala la, ɔluakɛ bɛmɛ, bɛli bɛ ti bɛwie.

Wulo 11:20

Ɔle nɔhalɛ bɔkɔɔ. Bɛpepɛle bɛ bɛguale, ɔluakɛ bɛanlie bɛanli, na bɛmɛ bɛlie bɛli yemɔti bɛgyi ye kpundii. Noko akee bɛmmafa bɛtu bɛ nwo; anrɛɛ bɛzulo Nyamenle.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Wulo 7:24

Me nwo yɛ anwunvɔne kpole! Na nwane a kɛlie me kɛvi nwonane ɛhye asa nu, mɔɔ ɔ nee me ɛlɛkɔ ewule nu a?

2 Pit 1:9

Ɔboalekɛ mɔɔ ɛnlɛ ɛhye mɔ la anye ɛyɛ na ɔngola ɔnnwu moa, na ɔ rɛle ɛvi kɛ bɛde ɔ nwo bɛvi ye ɛtane ne mɔ mɔɔ ɔyɛle bɛ dɛba la anwo.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 3:16

Na kɛmɔ ɛle adodɔlera, na ɛnle wuluwulu anzɛɛ yɔlɔkɔkɔ la, mebakpulu wɔ meagua.