Yekile 22:9 - BAEBOLO ANZƐƐ BULUKU NWUANZANWUANZA

⁹ Na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema Nyamenle kpɔmanvolɛma ne mɔ, nee bɛdabɛ mɔɔ bɛdi edwɛkɛ mɔɔ wɔ buluku ɛhye anu la azo la. Sonle Nyamenle na mmasonle me!”

Yekile 22:9 ပူးပေါင်းရင်းမြစ်များ

2 Arl 17:36

Ɔwɔ kɛ bɛyɛ tieyɛ bɛmaa medame Ɛdɛnkɛma mɔɔ menvale tumi kpole menyele bɛ menvile Yigyibiti la. Bɛbɔ bɛ ti aze bɛmaa me na bɛbɔ azu bɛmaa me.

Edwɛndolɛ Buluku ne 45:11

Wɔ anwofɛlɛko ne bahwe belemgbunli ne ahonle; ɔle ɛ menle, yemɔti tie ɔ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:14

“Ɔnle kɛ ɛsonle nyamenle gyɛne biala, ɔluakɛ medame Ɛdɛnkɛma mɔɔ me duma a le Nungule la, mele Nyamenle mɔɔ twe nungule a.

Edwɛkpa ne kɛmɔ Mateyu hɛlɛle la 4:9

na ɔzele ye kɛ, “Saa ɛkoto me, ɛsonle me a, menwɔva ɛhye mɔ amuala menwɔmaa wɔ.”

Edwɛkpa ne kɛmɔ Luku hɛlɛle la 4:7

Zɔhane ati saa ɛbɔ ɛ ti aze ɛmaa me, ɛsonle me a, ye kɔsɔɔti bayɛ wɔ ɛdeɛ.”

Mɛla 4:19

Eza bɛnlea boɛ, amaa saa bɛmaa bɛ nye zo anwuma na bɛnwu sɛnzɛne ne, siane ne, nee nwɔlɔra ne mɔ nee ninyɛne mɔɔ wɔ anwomanyunlu la a, bɛangakyi bɛangɔnzonle bɛ. Bɛle ninyɛne mɔɔ Ɛdɛnkɛma bɛ Nyamenle ne ɛva ɛziezie ɛkɛ ne wɔ menli mɔɔ wɔ aleɛabo la ati.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

Yekile 1:1

Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 22:10

Eza ɔzele me kɛ, “Mmafa Nyamenle edwɛkɛ ne mɔɔ wɔ buluku ɛhye anu la ɛfea, ɔluakɛ mekɛ mɔɔ ɛha na ɛhye azi la le ekyi.

Yekile 22:18

Medame Dwɔn, mekakye bɛdabɛ mɔɔ bɛkɛde Nyamenle nrɛlaleɛ ɛhye mɔɔ wɔ buluku ɛhye anu la ɛsesebɛ kɛ: saa awie fa bie boka nrɛlaleɛ ɛhye anwo a, Nyamenle bava amaneɛnwunlɛ ngakyile ne mɔ mɔɔ bɛha nwolɛ edwɛkɛ wɔ buluku ɛhye anu la bie aboka ye amaneɛnwunlɛ nwo.

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 9:20

Aleɛabo amra mɔɔ hale, mɔɔ ewule ɛhye angu bɛ la, annu bɛ nwo, angyakyi bɛ ɛbɛla ɛtane ne mɔ mɔɔ bɛbɔ la. Bɛangyakyi awozonle ɛzonlenlɛ nee mmonle mɔɔ bɛva ezukoa nvutuke, dwɛtɛ fufule, ayera, bolɛ, nee baka a bɛyɛ, mɔɔ bɛnnwu debie, bɛnde edwɛkɛ na bɛadia la ɛzɔlɛ.