Yekile 22:8 - BAEBOLO ANZƐƐ BULUKU NWUANZANWUANZA

⁸ Medame Dwɔn a mendele na menwunle ninyɛne ɛhye mɔ amuala a. Na mendiele na menwunle ninyɛne ɛhye mɔ menwiele la, mendule mendɔle Nyamenle soanvolɛ ne mɔɔ ɛhilehile me ninyɛne ɛhye mɔ la agyakɛ anu kɛ mesonle ye.

Yekile 22:8 ပူးပေါင်းရင်းမြစ်များ

Daneɛle Buluku ne 2:46

Belemgbunli Nɛbukadenɛza butule Daneɛle anyunlu mutule nu yɛle ye mo, na ɔzele kɛ bɛva azubɔdeɛ nee ɛyɛlɛ bɛbɔ azu bɛmaa Daneɛle.

Ɛzoanvolɛma Gyima ne 10:26

Na Pita manle ɔdwazole na ɔzele ye kɛ, “Dwazo na medame mele sonla.”

Yekile 1:1

Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 19:19

Na menwunle nane ne nee ewiade anu arelemgbunli kɔsɔɔti kɛ bɛ nee bɛ ɛlɔnema ɛboɔboa bɛ nloa kɛ bɛ nee mɔɔ de ɛkpɔnwɔ fufule ne azo la nee ye ɛlɔnema baho.