Yekile 22:7 - BAEBOLO ANZƐƐ BULUKU NWUANZANWUANZA

⁷ Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Yekile 22:7 ပူးပေါင်းရင်းမြစ်များ

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:3

Nyilalɛ ɛha sonla ne mɔɔ kɛkpogya ɔ ne zo kɛgenga Nyamenle nrɛlaleɛ ɛhye kɛhile awie mɔ la, yɛɛ nyilalɛ ɛha bɛdabɛ noko mɔɔ bɛkɛdie na bɛkɛva mɔɔ wɔ nu la bɛkɛzie na bɛkɛli zolɛ la! Ɔluakɛ mekɛ mɔɔ ɛhye mɔ basisi la ɛbikye.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 2:16

Yemɔti nu ɛ nwo! Saa wɔannu ɛ nwo a ɔnrɛhyɛ biala, mebara ɛ nwo lɔ, na meava dadeɛ ne mɔɔ zia me nloa anu la me nee menli zɔhane mɔ araho.

Yekile 22:12

Gyisɛse zele kɛ, “Bɛdie! Ɔnrɛhyɛ biala na meara! Melɛ me sa nu ahatualɛ mebara na mearadua awie biala kakɛ wɔ gyima mɔɔ yeli la anwo.

Yekile 22:18

Medame Dwɔn, mekakye bɛdabɛ mɔɔ bɛkɛde Nyamenle nrɛlaleɛ ɛhye mɔɔ wɔ buluku ɛhye anu la ɛsesebɛ kɛ: saa awie fa bie boka nrɛlaleɛ ɛhye anwo a, Nyamenle bava amaneɛnwunlɛ ngakyile ne mɔ mɔɔ bɛha nwolɛ edwɛkɛ wɔ buluku ɛhye anu la bie aboka ye amaneɛnwunlɛ nwo.

Yekile 22:19

Saa awie noko ye bie fi Nyamenle nrɛlaleɛ ne mɔɔ wɔ buluku ɛhye anu la anu a, Nyamenle baye ye afoa nu ngoane baka ne nee ye ɛleka ne mɔɔ wɔ suakpole nwuanzanwuanza ne azo, mɔɔ bɛha nwolɛ edwɛkɛ wɔ buluku ɛhye anu la avi ɛkɛ.

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 22:21

Awulae Gyisɛse ɛlo Nyamenle menli ne amuala na ɔ nee bɛ ɛdɛnla. Amen.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.