Yekile 22:6 - BAEBOLO ANZƐƐ BULUKU NWUANZANWUANZA

⁶ Na Nyamenle soanvolɛ ne zele me kɛ, “Edwɛkɛ ɛhye mɔ le nɔhalɛ na bɛfa bɛ rɛle bɛwula nu a ɔyɛ boɛ. Awulae Nyamenle ne mɔɔ fa ye Sunsum ne wula ye kpɔmanvolɛma la yɛɛ ɛzoa ye soanvolɛma ne mɔ anu ko kɛ ɔraye mɔɔ ɛnrɛhyɛ biala na yeazi la ɔhile ye sonvolɛma ne mɔ a.”

Yekile 22:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:32

Ɛlalɛ fane nwiɔ ne mɔɔ Nana hanle la kile kɛ Nyamenle ɛbɔ ye kpɔkɛ ɛwie, na ɔnrɛhyɛ biala na yeazi.

Daneɛle Buluku ne 3:28

Belemgbunli Nɛbukadenɛza zele kɛ, “Ayɛlɛyelɛ ɛha Hyeedelake, Mihyake, yɛɛ Abɛdenɛgo Nyamenle ne. Ye sonvolɛma ne dule bɛ gye kɛ bɛnrɛli me mɛla ne azo, yɛɛ bɛnrɛdu bɛnrɛgua bɛnrɛzonle nyamenle biala kɛ bɛ Nyamenle ɛdeɛ ne ala. Bɛliele bɛ Nyamenle ne bɛlile na bɛvale bɛ nwonane bɛdole nzeleba, na amgba Nyamenle ɛzoa ye soanvolɛ yemaa yeralie bɛ.

Daneɛle Buluku ne 6:22

Me Nyamenle ne zoanle ye soanvolɛ manle ɔratotole awenade ne mɔ anloa anu, yemɔti bɛanva bɛ nloa bɛanga me. Ɔluakɛ medi benle wɔ me Nyamenle ne anyunlu yɛɛ medi benle wɔ ɛdawɔ noko ɛ nyunlu. Nana, metɛyɛle ɛtane biala.”

Edwɛkpa ne kɛmɔ Mateyu hɛlɛle la 13:41

Sonla Ra ne bamaa ye soanvolɛma araboɔboa bɛdabɛ mɔɔ bɛtwehwe menli bɛkɔ ɛtane nu nee bɛdabɛ mɔɔ bɛyɛ amumuyɛ la kɔsɔɔti anloa,

Edwɛkpa ne kɛmɔ Luku hɛlɛle la 1:70

Ɔluale ye kpɔmanvolɛma nwuanzanwuanza ne mɔ anwo zo ɔbɔle yɛ ɛwɔkɛ dɛba kɛ,

Edwɛkpa ne kɛmɔ Luku hɛlɛle la 16:16

“Ɛnee Mosisi mɛla ne nee mɔɔ Nyamenle kpɔmanvolɛma hɛlɛle la gyi kpundii hɔkpulale mekɛ mɔɔ Dwɔn Sɔnevolɛ ne rale la; ɔvi mekɛ ne anu toonwo mɔɔ ɛrakpula ɛnɛ, mɔɔ bɛvale Edwɛkpa ne mɔɔ fane Nyamenle Belemgbunlililɛ ne anwo la nolobɔlɛ la, awie biala ɛlɛpele kɛ ɔkɛnyia ye.

Ɛzoanvolɛma Gyima ne 12:11

Pita anye zo tetele ye la ɔzele kɛ, “Akee bɔ zo mɔɔ menwu kɛ debie biala mɔɔ ɛlɛkɔ zolɛ la le nɔhalɛ a. Awulae ɛzoa ɛmaa bɛraye me bɛvi Hɛlɔdo asa anu, nee ninyɛne mɔɔ Dwuuma anye la kɛ bɛkɛyɛ me la amuala anu.”

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Wulo 1:2

Nyamenle luale ye kpɔmanvolɛma anwo zo vale Edwɛkpa ɛhye bɔle ɛwɔkɛ wɔ mɔmoane kpalɛ ne, kɛmɔ bɛhɛlɛ ye wɔ Nyamenle Edwɛkɛ Nwuanzanwuanza ne mɔ anu la.

1 Kɔl 14:32

Mɔɔ ka Nyamenle nrɛlaleɛ la ɛzɔ ɔ nwo,

1 Kɔl 7:29

Mediema, mɔɔ mekpondɛ meaha la a le ɛhye: mekɛ ne ɛwie, na ɔvi ɛnɛ mɔɔ kɔ la, kunlima ɛdɛnla kɛ bɛngya mraalɛ;

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

Kɛlata mɔɔ bɛhɛlɛle bɛhɔmanle Hibuluma la 12:9

Saa yɛ ze mɔ mɔɔ wole yɛ la tea yɛ a, yɛdi bɛ eni. Fane nyɛ yɛɛ akee yɛnrɛli yɛ sunsum nu Selɛ ne eni na yɛnrɛnyia ngoane a?

2 Pit 1:21

Ɔboalekɛ Nyamenle kpɔmanvolɛma edwɛkɛ kpɔkɛ ko biala mɔɔ bɛhanle la ɛnvi sonla. Sunsum Nwuanzanwuanza ne a wolole bɛ manle bɛhanle zɔhane edwɛkɛ ne mɔɔ vi Nyamenle ɛkɛ ne la a.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

Yekile 1:1

Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 19:9

Na Nyamenle soanvolɛ ne zele me kɛ, “Kɛlɛ ɛhye: Nyilalɛ ɛha bɛdabɛ mɔɔ bɛdo ɛsalɛ bɛvɛlɛ bɛ kɛ bɛrɛla Boaneralɛ ne atɔfolɛlielɛ ne abo la.” Ɔzele medame noko kɛ, “Ɛhye le Nyamenle ɔdaye ɔ nloa edwɛkɛ fɔɔnwo.”

Yekile 21:5

Na mɔɔ de belemgbunli ebia kpole ne azo la hanle kɛ, “Kɛkala, meyɛ ninyɛne kɔsɔɔti fofolɛ!” Eza ɔzele me kɛ, “Kɛlɛ ɛhye, ɔluakɛ edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.”

Yekile 21:9

Nyamenle soanvolɛma nsuu ne mɔɔ lɛ amaneɛnwunlɛ dwora nsuu ne la anu ko rale me nwo ɛkɛ na ɔzele me kɛ, “Bɛla maa mengile wɔ Atɔfolɛ ne, mɔɔ le Boaneralɛ ne aye ne.”

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Yekile 4:1

Ɛhye anzi, mendole me nye, na menwunle kɛ bɛbuke anlenkɛ bie wɔ anwuma lɔ. Na ɛnelɛ ne mɔɔ dielie kɛ aweɛne tendenle, mɔɔ lumuale dendɛle hilele me la zele me kɛ, “Fo bɛla anwuma ɛke maa mengile wɔ mɔɔ bazi ɛhye anzi la.”