Yekile 22:5 - BAEBOLO ANZƐƐ BULUKU NWUANZANWUANZA

⁵ Aleɛ ɛndwo ko wɔ ɛkɛ, yɛɛ bɛngyia kɛnlaneɛ anzɛɛ ewia nwo wɔ ɛkɛ, ɔluakɛ Awulae Nyamenle ne a le bɛ kɛnlaneɛ a, na bɛbali belemgbunli mekɛ mɔɔ ɛnlɛ awieleɛ.

Yekile 22:5 ပူးပေါင်းရင်းမြစ်များ

Edwɛndolɛ Buluku ne 36:9

Ɔluakɛ wɔmɔ a ɛle ngoane nzufeanvea a; wɔ wienyi ne anu yɛɛ yɛnwu wienyi a.

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Ayezaya Buluku ne 30:26

Siane ne ɛdalɛ ne bayɛ kpole kɛ sɛnzɛne ne ɛdalɛ la, yɛɛ sɛnzɛne ne ɛdalɛ bayɛ mɔnwo nsuu kɛ kenle nsuu ɛdalɛ wɔ mekɛ mɔɔ Ɛdɛnkɛma kɛze kɛ ɔyɛ ye menli ne ayile na yeakyekye bɛ nganlɛ ne mɔ mɔɔ yebɔ bɛ la azo la.

Daneɛle Buluku ne 7:18

Na Anwuma Anwumanli ne menli ne asa baha belemgbunlililɛ ne na yeayɛ bɛ ɛdeɛ mekɛ mɔɔ ɛnlɛ awieleɛ.’

Daneɛle Buluku ne 7:27

Ewiade belemgbunlililɛ ne nee tumi kɔsɔɔti bapɛ ali Anwuma Anwumanli ne menli ne asa anu. Bɛ belemgbunlililɛ ne ɛnrɛbɔ aze ɛlɛ, yɛɛ maanle maanle kɔsɔɔti barazonle bɛ ayɛ tieyɛ amaa bɛ.’

Zɛkalaya Buluku ne 14:7

Ɔbayɛ kenle mɔɔ Ɛdɛnkɛma ɔdaye ala a ɔze a. Aleɛ ɛnrɛdwo na aleɛ ahye, ɔluakɛ aledwolɛ bayɛ wienyi kɛ alehyenlɛ la.

Edwɛkpa ne kɛmɔ Mateyu hɛlɛle la 19:28

Gyisɛse zele bɛ kɛ, “Meka meahile bɛ, saa medame Sonla Ra, metɛnla me anyunlunyia belemgbunli ebia ne anu wɔ Ewiade fofolɛ ne anu a, bɛdabɛ bulu nee nwiɔ ye mɔɔ bɛle me ɛdoavolɛma la, bɛkɛdɛnlɛdɛnla arelemgbunli mbia zo na bɛkɛbua Yizilayɛ mbusua bulu nee nwiɔ ne ndɛne.

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 25:46

Na bɛkɛdea ɛhye mɔ ndeanlɛ mɔɔ ɛnlɛ awieleɛ a, na bɛava menli kpalɛ ne mɔ bɛahɔ ngoane mɔɔ ɛnlɛ awieleɛ la anu.”

Wulo 5:17

Sonla ko ne, Adam ɛtane ti yɛɛ ɛtane luale ranyianle sonla nwo zo tumi a. Zɔhane ala yɛɛ bɛdabɛ mɔɔ bɛbalua sonla ko ne, Gyisɛse Kelaese anwo zo bɛanyia ɛlolɛ ne molozo nee pɛlepɛlelilɛ ahyɛlɛdeɛ ne mɔɔ bɛfa bɛmaa mgbane la anwo bazo kpalɛ, na bɛalua ɔ nwo zo bɛali arelemgbunli wɔ bɛ ɛbɛlabɔlɛ nu a.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 18:23

Bɛnrɛzɔ kɛnlaneɛ wɔ zolɛ bieko ɛlɛ, yɛɛ bɛnrɛde atɔfolɛ nee ɔ hu bɛ ne wɔ zolɛ. Wɔ gualilɛma a ɛnee le menli mgbole wɔ ewiade a, na ɔvale ngonyia ɔbɛlɛbɛlale menli mɔɔ wɔ ewiade la amuala.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.

Yekile 20:6

Nyilalɛ nee anyunlunyia ɛha bɛdabɛ mɔɔ bɛboka alumua ewudwazo ne anwo la. Ewule ne mɔɔ tɔ zolɛ nwiɔ la ɛnlɛ bɛ nwo zo tumi; bɛbayɛ Nyamenle nee Kelaese sɛlɛvolɛma na bɛ nee Kelaese ali belemgbunli ɛvolɛ apenle.

Yekile 21:11

na ɔlɛta wɔ Nyamenle anyunlunyia nu. Sua bɔdenle ne ta memeamemea kɛ ezukoa bolɛ ne mɔɔ bɛfɛlɛ ye “gyasepa” la, na ɔ nye le kɔngyekɔngye zɛhae.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.