Yekile 22:2 - BAEBOLO ANZƐƐ BULUKU NWUANZANWUANZA

² ɔdua suakpole ne awɔdenle ne mɔɔ la sua ne avinli la azo. Ngoane baka ne ɛfifi azudenle ne anloa nwiɔ ne, na bɛso ma ngakyile fane bulu nee nwiɔ ɛvolɛ ko biala; siane ko biala ɔso ko, na bɛ nya ne mɔ maa maanle maanle ne mɔ ngoane.

Yekile 22:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:9

Na Ɛdɛnkɛma Nyamenle manle mbaka kɔsɔɔti mɔɔ le ngɛnlɛma nee mɔɔ bɛdi a ɔyɛ boɛ la fifile; ɔmanle ngoane baka ne yɛɛ baka ne mɔɔ maa ɛkola ɛnwu kpalɛ nee ɛtane la ɔdaye bɛfifile tola ne anu.

Edwɛndolɛ Buluku ne 147:3

Ɔkyekye mɔɔ arɛle ɛbɔ la arɛle, na ɔyɛ mɔɔ ɛboda la ayile.

Mrɛlɛbulɛ Buluku ne 3:18

Ɔle ngoane baka ɔmaa bɛdabɛ mɔɔ bɛsɔ nu boɛ la; bɛdabɛ mɔɔ bɛsɔ nu boɛ la di fɛlɛko.

Ayezaya Buluku ne 6:10

Maa menli ɛhye mɔ ɛsolo, bɛ nzo ɛdi, na bɛ nye ɛzi, anrɛɛ bɛkɛva bɛ nye bɛkɛnwu debie, bɛkɛva bɛ nzo bɛkɛde edwɛkɛ na bɛkɛde edwɛkɛ bo, na bɛahakyi bɛ nyɛleɛ na bɛayɛ bɛ ayile.’ ”

Gyɛlɛmaya Buluku ne 17:14

O Ɛdɛnkɛma, yɛ me ayile, na me nwo baza; die me, na mebanyia ngoane. Wɔmɔ a ɔwɔ kɛ meye wɔ ayɛlɛ a.

Yizikeɛle Buluku ne 47:1

Akee nrenya ne vale me ziale rale Ɛzonlenlɛ Sua ne anlenkɛ kpole ne anwo. Na menwunle kɛ nzule vi anuhɔlɛ ne abo se kɔ aduduleɛ, ɔluakɛ Ɛzonlenlɛ Sua ne anye kɔne aduduleɛ afoa nu. Nzule ne vi Ɛzonlenlɛ Sua ne anuhɔlɛ ne abo, wɔ ye nyiakɛ afoa nu, wɔ azukponle ne nyiakɛ a senze a.

Hozia Buluku ne 14:4

Ɛdɛnkɛma se, “Mebava me menli ne mɔɔ ɛnli nɔhalɛ la anwo edwɛkɛ meahyɛ bɛ. Mebava me ahonle muala meahulo bɛ, ɔluakɛ meye me ɛya ne bɛ nwo zo.

Zɛkalaya Buluku ne 14:8

Mekɛ ne anu, ngoane nzule bazenze avi Gyɛlusalɛm, foa ko bazenze ahɔgua aduduleɛ nyevile ne anu na foa ko noko ahɔgua adɔleɛ nyevile ne anu. Fɔsɛlɛ nu o, wawaa nu o, kɛ ɔsi ɔsenze la, zɔhane ala yɛɛ ɔbazenze mekɛ biala a.

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 21:21

Bɛvale ezukoa awolɛ ngakyile bulu nee nwiɔ mɔɔ sonle bolɛ la a bɛyɛle suakpole ne anuhɔlɛ ɛbonle ne mɔ a; asolo ko biala ɛdeɛ. Suakpole ne awɔdenle ne mɔ noko bɛvale ezukoa nvutuke kpalɛ mɔɔ anye le kɔngyekɔngye kɛ neanleɛ la a bɛyɛle a.

Yekile 21:24

Maanle maanle kɔsɔɔti balua ye wienyi ne anu yɛɛ ewiade arelemgbunli bava bɛ anyunlunyia ne ara ɛkɛ.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.

Yekile 22:19

Saa awie noko ye bie fi Nyamenle nrɛlaleɛ ne mɔɔ wɔ buluku ɛhye anu la anu a, Nyamenle baye ye afoa nu ngoane baka ne nee ye ɛleka ne mɔɔ wɔ suakpole nwuanzanwuanza ne azo, mɔɔ bɛha nwolɛ edwɛkɛ wɔ buluku ɛhye anu la avi ɛkɛ.