Yekile 22:18 - BAEBOLO ANZƐƐ BULUKU NWUANZANWUANZA

¹⁸ Medame Dwɔn, mekakye bɛdabɛ mɔɔ bɛkɛde Nyamenle nrɛlaleɛ ɛhye mɔɔ wɔ buluku ɛhye anu la ɛsesebɛ kɛ: saa awie fa bie boka nrɛlaleɛ ɛhye anwo a, Nyamenle bava amaneɛnwunlɛ ngakyile ne mɔ mɔɔ bɛha nwolɛ edwɛkɛ wɔ buluku ɛhye anu la bie aboka ye amaneɛnwunlɛ nwo.

Yekile 22:18 ပူးပေါင်းရင်းမြစ်များ

Mɛla 12:32

“Bɛli mɔɔ meha mehile bɛ la azo kpalɛ. Bɛmmafa bie bɛboka nwolɛ yɛɛ bɛmmaye bie bɛfi nuhua.

Mɛla 4:2

Bɛmmafa edwɛkɛ kpɔkɛ ko bɔbɔ bɛboka mɔɔ melɛfa meamaa bɛ la anwo, yɛɛ bɛmmaye bie bɛfi nu, amaa bɛahola bɛali Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ la azo.

Mrɛlɛbulɛ Buluku ne 30:6

Mmafa edwɛkɛ ɛboka ye edwɛkɛ nwo, anrɛɛ ɔkɛdea wɔ ɔkɛmaa bɛkɛnwu kɛ ɛle adalɛ.”

Yekile 1:3

Nyilalɛ ɛha sonla ne mɔɔ kɛkpogya ɔ ne zo kɛgenga Nyamenle nrɛlaleɛ ɛhye kɛhile awie mɔ la, yɛɛ nyilalɛ ɛha bɛdabɛ noko mɔɔ bɛkɛdie na bɛkɛva mɔɔ wɔ nu la bɛkɛzie na bɛkɛli zolɛ la! Ɔluakɛ mekɛ mɔɔ ɛhye mɔ basisi la ɛbikye.

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Sɛlɛ 26:18

“Na saa ɛhye mɔ anzi na eza bɛnrɛdie me ne a, akee mebahwi bɛ ɛza fane nsuu wɔ bɛ ɛtane ne mɔ ati.

Sɛlɛ 26:28

akee mebava ɛya kpole kpalɛ meakpo bɛ, na medame mumua ne meadea bɛ ndeanlɛ fane nsuu wɔ bɛ ɛtane ne mɔ ati.

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

1 Tɛs 4:6

Wɔ ɛhye ɛyɛlɛ nu, ɔnle kɛ awie biala yɛ ɔ diema bie ɛtane anzɛɛ sisi ye. Yɛha ɛhye yɛhile bɛ ɛlɛ, yɛɛ yɛbɔ bɛ nwolɛ kɔkɔ, kɛ Nyamenle badea bɛdabɛ mɔɔ bɛyɛ zɔhane ɛtane ne la.

Edwɛkpa ne kɛmɔ Mateyu hɛlɛle la 15:13

Gyisɛse buale kɛ, “Baka biala mɔɔ tɛ Egya mɔɔ wɔ anwuma la a luale la bɛbadu ye bɛado aze.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 15:6

Nyamenle soanvolɛma nsuu ne mɔɔ wula adɛladeɛ fufule nwohyee na bɛva ezukoa nvutuke akyeso bɛhye bɛ avinli la vi Ɛzonlenlɛ Sua ne anu vindele, bɛdedɛ amaneɛnwunlɛ ngakyile nsuu ne bɛ sa nu.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

Sɛlɛ 26:37

Bɛbadu bɛagua bɛ ngome bɛ nwo zo kɛ asɛɛ bɛdoa bɛ wɔ konle nu la, noko awie ɛndoa bɛ; bɛnrɛnyia gyinlagyakɛ wɔ bɛ kpɔvolɛma anyunlu.

Yekile 20:15

Awie biala mɔɔ bɛangɛlɛ ye duma wɔ teasema buluku ne anu la, bɛvuandinle ye bɛdole senle tandane ne anu.

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.

Yekile 22:9

Na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema Nyamenle kpɔmanvolɛma ne mɔ, nee bɛdabɛ mɔɔ bɛdi edwɛkɛ mɔɔ wɔ buluku ɛhye anu la azo la. Sonle Nyamenle na mmasonle me!”

Yekile 22:10

Eza ɔzele me kɛ, “Mmafa Nyamenle edwɛkɛ ne mɔɔ wɔ buluku ɛhye anu la ɛfea, ɔluakɛ mekɛ mɔɔ ɛha na ɛhye azi la le ekyi.