Yekile 22:12 - BAEBOLO ANZƐƐ BULUKU NWUANZANWUANZA

¹² Gyisɛse zele kɛ, “Bɛdie! Ɔnrɛhyɛ biala na meara! Melɛ me sa nu ahatualɛ mebara na mearadua awie biala kakɛ wɔ gyima mɔɔ yeli la anwo.

Yekile 22:12 ပူးပေါင်းရင်းမြစ်များ

Dwobu Buluku ne 34:11

Ɔluakɛ kɛ sonla kɛzi kɛyɛ ye gyima la, nwolɛ yɛɛ ɔbanlea yeadua ye kakɛ a, yɛɛ kɛ ɔkɛzi ɔkɛbɔ ye ɛbɛla ne la, yɛɛ ɔwie ye a.

Edwɛndolɛ Buluku ne 28:4

Bua bɛ ndɛne, kɛmɔ bɛ gyima si de la, nee kɛmɔ bɛ ninyɛndane ne mɔ si de la. Tua bɛ kakɛ, kɛmɔ bɛ sa anloa gyima si de la. tua bɛ kakɛ mɔɔ fɛta la.

Ayezaya Buluku ne 40:10

Bɛnlea, Awulae Nyamenle ne lɛ tumi ɛlɛba, Ɔbava ye tumi ne yeazie ye menli ne; bɛnlea, ɔlɛ ye ahatualɛ ɔ sa nu, yɛɛ ɔlɛ ye ndeanlɛ noko ɔlɛba.

Ayezaya Buluku ne 62:11

Bɛdie, Ɛdɛnkɛma ɛbɔ nolo ɛmaa ewiade amuala ɛde kɛ, “Bɛha bɛhile Gyɛlusalɛmma kɛ, Bɛnlea, bɛ ngoanelielɛ ɛlɛba, Bɛnlea, ɔlɛ ye ahyɛlɛdeɛ ɔ sa nu, Ɔ nee ye menli mɔɔ yelie bɛ la ɛlɛba.”

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Zɛfanaya Buluku ne 1:14

Ɛdɛnkɛma kenle kpole ne ɛbikye. Ɔnrɛhyɛ biala, yebikye kpalɛ. Ɛzunlɛ mɔɔ bade Ɛdɛnkɛma kenle ne la bayɛ alɔbɔlɛ, ɔluakɛ kenle zɔhane, katakyiema bazu alɔbɔlɛ ɛzunlɛ.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Wulo 14:12

Zɔhane ati yɛ nuhua ko biala babu ye mgbonda ahile Nyamenle.

1 Kɔl 3:14

Na saa senle ne angola sua ne mɔɔ awie dole ye wɔ sua ne adiabo ne azo la yela a, mɔɔ zile la kɛnyia nwolɛ ahyɛlɛdeɛ.

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

Yekile 20:12

Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.