Yekile 21:4 - BAEBOLO ANZƐƐ BULUKU NWUANZANWUANZA

⁴ Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”

Yekile 21:4 ပူးပေါင်းရင်းမြစ်များ

Edwɛndolɛ Buluku ne 144:4

Sonla le kɛ ɛnwomenle, ye mekɛ le kɛ ɛlawolɛ.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 30:19

O Zayɔnoma mɔɔ de Gyɛlusalɛm, bɛnrɛzu bieko. Nɔhalɛ, saa bɛsu bɛfɛlɛ ye a, ɔbanwu bɛ anwunvɔne. Saa ɔte bɛ ne a, ɔbalie bɛ zo.

Ayezaya Buluku ne 35:10

Bɛdabɛ mɔɔ Ɛdɛnkɛma ɛkpɔne bɛ la bava edwɛndolɛ azia ara Gyɛlusalɛm. Bɛbali fɛlɛko mɔɔ ɛnlɛ awieleɛ; bɛ nye balie, bɛali fɛlɛko, na nyane nee alɔbɔlɛ baminliminli.

Ayezaya Buluku ne 51:11

Menli mɔɔ Ɛdɛnkɛma ɛkpɔne bɛ la bazia ara, bɛbava edwɛndolɛ bɛara Gyɛlusalɛm. Bɛ nye balie dahuu; bɛbali fɛlɛko na bɛ nye alie, na bɛnrɛnwu nyane, yɛɛ alɔbɔlɛ ɛnrɛhu bɛ bieko.

Ayezaya Buluku ne 60:20

Bɛ sɛnzɛne ne ɛnrɛdɔ ɛlɛ, Yɛɛ siane ne ɛnrɛwu ɛlɛ, Ɔluakɛ Ɛdɛnkɛma bayɛ bɛ wienyi mɔɔ ɛnnu ɛlɛ, Na bɛ nyanelilɛ muala abo bapɛ.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Gyɛlɛmaya Buluku ne 31:12

Bɛbara bɛarado edwɛne anyelielɛ nu wɔ Zayɔn Boka, bɛ nye balie Ɛdɛnkɛma ahunlunyele ne anwo, bɛ nye balie abɛlɛ, nwanye nee nwole, yɛɛ mboane mralɛ nee nlankɛ mralɛ ne mɔ anwo. Bɛ ɛbɛlabɔlɛ bayɛ kɛ tola nu ninyɛne mɔɔ bɛgugua zolɛ nzule la, bɛ nwo ɛnrɛhyele bɛ bieko.

Gyɛlɛmaya Buluku ne 31:13

Mbɛlɛra bazi agole na bɛ nye alie, mgbavolɛ nee mgbanyinli anye balie. Mebamaa bɛ ɛzunlɛ ahakyi anyelielɛ, mebakyekye bɛ rɛle, na bɛagyakyi nyanelilɛ bɛali fɛlɛko.

Hozia Buluku ne 13:14

Memkpɔne bɛ menvi Ɛbolɔ tumi bo ɔ? Menlie bɛ menvi Ewule asa anu ɔ? O Ewule, wɔ bɔlɔ ne wɔ nienwu? O Ɛbolɔ, wɔ ɛzɛkyelɛ tumi ne wɔ nienwu? Anwunvɔnezelɛ ɛnle me nye zo bieko.

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

1 Kɔl 15:26

Kpɔvolɛ mɔɔ li amozi mɔɔ bɛbazɛkye ye la a le ewule.

1 Kɔl 7:31

na bɛdabɛ mɔɔ bɛli ewiade ninyɛne nzi la ɛyɛ kɛ asɛɛ bɛngyia ninyɛne ne mɔ anwo la. Ɔluakɛ ewiade ɛhye, kɛ ɔde ye kɛkala la, ɔnrɛhyɛ na yeapɛ nu.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

2 Kɔl 6:17

Yemɔti kɛ Awulae se la ɛne, “Bɛgyakyi bɛ na bɛhwe bɛ nwo bɛvi bɛ nwo. Bɛmmafa bɛ sa bɛka debie mɔɔ anwo ɛnde la, na menwɔlie bɛ.

Kɛlata mɔɔ bɛhɛlɛle bɛhɔmanle Hibuluma la 12:27

Edwɛkɛ kpɔkɛ ɛhye, “eza bieko” ne kile kɛ abɔdeɛ muala bakpusu na bɛadudu bɛ bɛavi ɛkɛ, na mɔɔ kɛhola kɛgyinla na ɔ bo andu la baha ɛkɛ.

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

1 Dw 2:17

Ewiade nee nuhua atiakunluwɔzo ninyɛne ne mɔ amuala bapɛ nu aze, na sonla ne mɔɔ yɛ Nyamenle ɛhulolɛdeɛ la de aze dahuu.

Yekile 20:13

Nyevile kpule menli mɔɔ yeva bɛ la. Ewule nee Ɛbolɔ yele bɛ ɛdeɛ mɔɔ bɛvale bɛziele la vindele, na bɛbuale bɛ muala ndɛne wɔ mɔɔ bɛyɛle la anwo.

Yekile 20:14

Akee bɛvuandinle Ewule nee Ɛbolɔ bɛguale senle tandane ne anu. Senle ɛhye a le ewule ne mɔɔ tɔ zolɛ nwiɔ la.

Yekile 21:1

Akee menwunle anwuma fofolɛ nee azɛlɛ fofolɛ. Ɔluakɛ alumua anwuma ne nee alumua azɛlɛ ne ɛze ɛhɔ, na nyevile ne ɛnle ɛkɛ bieko.

Yekile 22:3

Debie biala mɔɔ Nyamenle anye ɛnlie nwolɛ la ɛnle suakpole ne azo. Nyamenle nee Boaneralɛ ne belemgbunli ebia kpole ne wɔ suakpole ne azo, na ye sonvolɛma sonle ye.

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”