Yekile 21:3 - BAEBOLO ANZƐƐ BULUKU NWUANZANWUANZA

³ Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.

Yekile 21:3 ပူးပေါင်းရင်းမြစ်များ

1 Arl 8:27

“Na Ɛdɛnkɛma, asoo amgba ɛbaradɛnla azɛlɛ ye azo bie? Wɔmɔ, anwuma nehane bɔbɔ le ekyi maa wɔ na sua ekyi ɛhye mɔɔ mezi la yɛɛ akee ɛkɛzo nu a.

2 Edk 6:18

“Na asoo amgba ɛdawɔ Nyamenle ɛ nee menli badɛnla ewiade ye anu? Anwuma nehane tɛtɛtɛlɛlɛ ne bɔbɔ, ɛnzo lɔ, na akee Ɛzonlenlɛ Sua ekyi ɛhye mɔɔ mezi la yɛɛ ɛbazo nu a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:8

Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:45

Mebadɛnla Yizilayɛma avinli na meayɛ bɛ Nyamenle.

Ayezaya Buluku ne 12:6

Bɛdeɛdea nu, bɛva anyelielɛ bɛdo edwɛne, O Zayɔnoma, ɔluakɛ Yizilayɛ Nwuanzanwuanza Ko ne mɔɔ de bɛ avinli la le kpole.”

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 32:38

Bɛbayɛ me menli, na meayɛ bɛ Nyamenle.

Yizikeɛle Buluku ne 37:27

Mebadɛnla bɛ avinli, na meayɛ bɛ Nyamenle, na bɛayɛ me menli.

Yizikeɛle Buluku ne 43:7

Ɔse, “Sonla ra, me belemgbunli ebia ne nee ɛleka mɔɔ mefa me gyakɛ mesiezie la ɛne. Mebadɛnla Yizilayɛma avinli dahuu. Yizilayɛma ɛnrɛzɛkye me duma nwuanzanwuanza ne bieko. Bɛdabɛ Yizilayɛma o, anzɛɛ bɛ arelemgbunli o, bɛ biala ɛnrɛva bɛ tuutuulilɛ nee bɛ arelemgbunli avunli ɛnrɛgua me duma nwuanzanwuanza ne anwo evinli.

Yizikeɛle Buluku ne 48:35

Bane nna ne mɔɔ bɛnra suakpole ne yia la amuala tendenle le mita apenle ngɔnla. Suakpole ne duma, ɔvi ɛnɛ mɔɔ kɔ la a le “Ɛdɛnkɛma Wɔ Ɛke.”

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Zɛkalaya Buluku ne 8:8

na meava bɛ meara meamaa bɛaradɛnla Gyɛlusalɛm. Bɛbayɛ me menli na meayɛ bɛ Nyamenle, wɔ nɔhalɛlilɛ nee tenleneyɛlɛ nu.”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

2 Kɔl 6:18

Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

1 Tɛs 3:11

Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.

Kɛlata mɔɔ bɛhɛlɛle bɛhɔmanle Hibuluma la 8:2

Ɔyɛ ye Sɛlɛvolɛ Kpanyinli gyima ne wɔ anwuma lɔ Nwuanzanwuanza Ɛleka ne, wɔ ndanlɛ sua ne mɔɔ tɛ sonla a zile na Nyamenle ɔdaye a yezi la anu.

Yekile 10:4

Mɔɔ maanle nu hulule fane nsuu la, menyɛle kɛ mekɛlɛ, na mendele kɛ ɛnelɛ vi anwuma, ɔse, “Mɔɔ ɛdele wɔ ɛhululɛ fane nsuu ne anu la maa ɔha ɛ ti anu, mmakɛlɛ!”

Yekile 10:8

Akee ɛnelɛ ne mɔɔ mendele kɛ ɔvi anwuma ɔlɛtendɛ yeahile me la zele me bieko kɛ, “Kɔlie nwoma ne mɔɔ bɛdɛlɛ nu, mɔɔ Nyamenle soanvolɛ ne mɔɔ gyi nyevile ne nee azɛlɛ ye azo la lɛ ye ɔ sa nu la.”

Yekile 12:10

Akee mendele ɛnelɛ kpole bie vi anwuma, ɔse, “Bɔ zo mɔɔ Nyamenle ngoanelielɛ ne ɛra a! Akee Nyamenle ɛhile ye tumi ne kɛ ɔle Belemgbunli. Akee yehile ye Mɛzaya tumi ne! Ɔluakɛ bɛvuandi mɔɔ gyi Nyamenle anyunlu nɔɔzo nee ewiazo toɔdoa yɛ mediema ne mɔ la bɛde aze.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.

Yekile 22:3

Debie biala mɔɔ Nyamenle anye ɛnlie nwolɛ la ɛnle suakpole ne azo. Nyamenle nee Boaneralɛ ne belemgbunli ebia kpole ne wɔ suakpole ne azo, na ye sonvolɛma sonle ye.

Yekile 7:15

Ɛhye ati yɛɛ bɛgyigyi Nyamenle belemgbunli ebia kpole ne anwo na bɛsonle ye alehyenlɛ nee aledwolɛ wɔ ɔdaye ye Ɛzonlenlɛ Sua ne anu a. Mɔɔ de belemgbunli ebia kpole ne azo la banlea bɛ nwo zo.