Yekile 20:9 - BAEBOLO ANZƐƐ BULUKU NWUANZANWUANZA

⁹ Bɛzile nu bɛhɔle azɛlɛ ye azo ɛleka biala na bɛbɔle bɛyiale ɛleka ne mɔ mɔɔ Nyamenle menli ne de nee suakpole ne mɔɔ Nyamenle anye die nwolɛ la. Na senle vi anwuma razɛkyele bɛ.

Yekile 20:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:24

Na Ɛdɛnkɛma manle sɔlefe nee senle vi anwuma dɔle kɛ ezule guale Sodɔm nee Gomɔla azo.

2 Arl 6:15

Mɔɔ Nyamenle kpɔmanvolɛ ne sonvolɛ ne dwazole nwonlomɔ mangyee ne na ɔtudu agyakɛ la, ɔnwunle kɛ ɛlɔne ɛva sua ne. Na ɔbizale Yilaehya kɛ, “O, me menle, na duzu yɛɛ yɛkɛyɛ a? Yɛwu bɔkɔbɔkɔ.”

Dwobu Buluku ne 38:18

Asoo wɔnwu kɛ ewiade kpole si de la? Saa ɛze ɛhye mɔ amuala a, ka kile me.

Edwɛndolɛ Buluku ne 106:18

Eza senle dɔle bɛ avinli; senle ne yelale amumuyɛma ne hunle bɛ.

Edwɛndolɛ Buluku ne 87:2

Ɛdɛnkɛma kulo Zayɔn nlenkɛ mgbole ne mɔ tɛla ɛleka biala mɔɔ wɔ Yizilayɛ la.

Edwɛndolɛ Buluku ne 97:3

Senle tudu di ɔ nyunlu, na ɔyela ye kpɔvolɛma amuala.

Ayezaya Buluku ne 30:33

Bɛziezie ɛleka wɔ ɛkɛ ne dɛbadɛba mɔɔ bɛbava bɛayela Aselea belemgbunli ne a. Nuhua le kuma, ɔtɛlɛ, yɛɛ bɛziezie ɛyɛne dɔɔnwo wɔ nuhua. Ɛdɛnkɛma bava ye ɛnwomenle ne mɔɔ sɔ kɛ sɔlefe la yeamaa yeazɔ.

Ayezaya Buluku ne 37:36

Ɛdɛnkɛma soanvolɛ ne hɔle Aselea ɛlɔnema azokoɛleɛ ne na ɔhɔhunle bɛ nuhua apenle ngoko ɛya ko abulatwɛ nee nnu. Mɔɔ menli dwazole nwonlomɔ mangyee ne la ɛnee bɛ kɔsɔɔti bɛ avunli gua ɛkɛ.

Yizikeɛle Buluku ne 38:16

wɔara me menli Yizilayɛma anwo zo kɛ amungu la wɔaraheda maanle ne azo. Mekɛ ne mɔɔ li amozi la anu, mebamaa wɔara me azɛlɛ ne azo, na saa medua ɛdawɔ Gɔɔgo ɛ nwo zo meye me nwuanzanwuanzayɛlɛ ne mekile a, maanle maanle kɔsɔɔti anwu me.

Yizikeɛle Buluku ne 38:22

Mebava ewulenzane nee mogya ɛhanlɛ a meadea ye a. Mebamaa ezuawolɛ, senle nee sɔlefe adɔ bilididi agua ye nee ye ɛlɔnema nee maanle maanle mɔɔ yehwe bɛ yeli ɔ nzi la anwo zo.

Yizikeɛle Buluku ne 38:9

Ɛ nee wɔ ɛlɔnema nee maanle maanle mɔɔ li ɛ nzi la bara bɛ nwo zo kɛ ahumu, na wɔayɛ kɛ amungu wɔaheda maanle ne azo.”

Yizikeɛle Buluku ne 39:6

Mebamaa senle adɔ agua Meegɔɔgo nee bɛdabɛ mɔɔ bɛde anwondɔlɛ nu wɔ ɛnweanloa la anwo zo, na bɛanwu kɛ medame a mele Ɛdɛnkɛma a.

Maeka Buluku ne 2:13

Nyamenle, mɔɔ yemɔ a ɔbabuke adenle ne yeamaa bɛ la, bali bɛ nyunlu. Bɛbalua suakpole ne mɔɔ bɛhyele bɛ nuokɛ bɛhɔle zolɛ la anlenkɛ kpole ne anu bɛavinde; Ɛdɛnkɛma, bɛ belemgbunli ne bali bɛ ti.

Habakɛke Buluku ne 1:6

Ɔluakɛ nea, melɛmaa Babeloniama, maanle anwo ɛzulolɛ, atisesebɛ ne mɔɔ kpɔsa azɛlɛ ye ati nee ɔ bo la ava maanle maanle mɔɔ ɛnle bɛ ɛdeɛ la ayɛ bɛ ɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:1

Menli ne dendɛle Ɛdɛnkɛma bɛ nzo abo wɔ nyane mɔɔ ɔlɛkile bɛ la anwo. Ɛdɛnkɛma dele na ɔvale ɛya kpole ɔmanle senle radɔle bɛ avinli yelale azokoɛleɛ ne foa ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:35

Akee Ɛdɛnkɛma manle senle vi anwuma rayelale menli ɛya nwiɔ abulanlu ne mɔɔ ɛva ɛyɛlɛ ne ɛra babɔ ɛyɛlɛ azu ne la.

Edwɛkpa ne kɛmɔ Luku hɛlɛle la 17:29

Na kenle ko ne mɔɔ Lɔɔto vile Sodɔm la, Nyamenle manle senle nee sɔlefe vi anwuma dɔle kɛ ezule la rahunle bɛ muala.

Edwɛkpa ne kɛmɔ Luku hɛlɛle la 19:43

Mekɛ bara mɔɔ wɔ kpɔvolɛma bapɛ ɛ bo kuma ayia; bɛbadua wɔ adenle, na bɛvi ɛbɔ nu nee ɛnweazo bɛaraholo ɛ nwo zo.

Edwɛkpa ne kɛmɔ Luku hɛlɛle la 21:20

“Na saa bɛnwu kɛ ɛlɔnema ɛbɔ ɛyia Gyɛlusalɛm a, ɛnee bɛnwu ye kɛ ɔnrɛhyɛ biala na bɛazɛkye ye.

Edwɛkpa ne kɛmɔ Luku hɛlɛle la 9:54

Mɔɔ ye ɛdoavolɛma, Gyemise nee Dwɔn, nwunle ɛhye la bɛzele kɛ, “Awulae, ɛkulo kɛ yɛka yɛmaa senle vi anwuma bayela bɛ ɔ?”

Mɛla 23:14

Ɔboalekɛ Ɛdɛnkɛma bɛ Nyamenle ne luolua bɛ azokoɛleɛ ne kɛ ɔbalie bɛ na yeaye bɛ kpɔvolɛma ne yeamaa bɛ. Ɛhye ati ɔwɔ kɛ azokoɛleɛ ɛkɛ ne te, amaa yeannwu debie ɛtane biala wɔ ɛkɛ ne na yeahakyi ɔ nwo yeahɔ.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Yekile 11:5

Saa awie se kɛ ɔsɛkye bɛ a, senle vi bɛ nloa anu finde na ɔsɛkye bɛ kpɔvolɛma ne mɔ; saa awie bɔ kpɔkɛ kɛ ɔsɛkye bɛ a bɛbahu ye.

Yekile 13:13

Nane ɛhye mɔɔ tɔ zolɛ nwiɔ la yɛle nwanwane ninyɛne mgbole; ɔmanle senle bɔbɔ vi anwuma rale azɛlɛ ye azo manle menli kɔsɔɔti nwunle ye.