Yekile 20:4 - BAEBOLO ANZƐƐ BULUKU NWUANZANWUANZA

⁴ Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.

Yekile 20:4 ပူးပေါင်းရင်းမြစ်များ

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 7:18

Na Anwuma Anwumanli ne menli ne asa baha belemgbunlililɛ ne na yeayɛ bɛ ɛdeɛ mekɛ mɔɔ ɛnlɛ awieleɛ.’

Daneɛle Buluku ne 7:22

Akee Tetenli ne rale rabuale Anwuma Anwumanli ne menli ne benle; mekɛ ne dwule la maamulɛ ne zenle lile Nyamenle menli ne asa anu.

Daneɛle Buluku ne 7:27

Ewiade belemgbunlililɛ ne nee tumi kɔsɔɔti bapɛ ali Anwuma Anwumanli ne menli ne asa anu. Bɛ belemgbunlililɛ ne ɛnrɛbɔ aze ɛlɛ, yɛɛ maanle maanle kɔsɔɔti barazonle bɛ ayɛ tieyɛ amaa bɛ.’

Daneɛle Buluku ne 7:9

“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.

Malakae Buluku ne 4:5

“Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

Edwɛkpa ne kɛmɔ Mateyu hɛlɛle la 19:28

Gyisɛse zele bɛ kɛ, “Meka meahile bɛ, saa medame Sonla Ra, metɛnla me anyunlunyia belemgbunli ebia ne anu wɔ Ewiade fofolɛ ne anu a, bɛdabɛ bulu nee nwiɔ ye mɔɔ bɛle me ɛdoavolɛma la, bɛkɛdɛnlɛdɛnla arelemgbunli mbia zo na bɛkɛbua Yizilayɛ mbusua bulu nee nwiɔ ne ndɛne.

Edwɛkpa ne kɛmɔ Mateyu hɛlɛle la 24:10

Mekɛ ne anu menli dɔɔnwo bakpo aze wɔ diedi nu, bɛbaye bɛ nwo ngoko ngoko bɛamaa, na bɛakpɔ bɛ nwo ngoko ngoko.

Edwɛkpa ne kɛmɔ Maake hɛlɛle la 6:16

Mɔɔ Hɛlɔdo dele ɛhye la ɔhanle kɛ, “Dwɔn Sɔnevolɛ ne mɔɔ memanle bɛpɛle ɔ ti la a ɛzia ɛra ngoane nu bieko la.”

Edwɛkpa ne kɛmɔ Maake hɛlɛle la 6:27

Ɛhye ati ɔzoanle sinzavolɛ ko ɔmanle ɔhɔle efiade ne ɔhɔpɛle Dwɔn ati,

Edwɛkpa ne kɛmɔ Maake hɛlɛle la 9:11

Na bɛbizale Gyisɛse kɛ, “Duzu ati a mɛla kilehilevolɛma ne mɔ se ɔwɔ kɛ Yilaegya dumua ba ɛ?”

Edwɛkpa ne kɛmɔ Luku hɛlɛle la 1:17

Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Edwɛkpa ne kɛmɔ Luku hɛlɛle la 14:14

na Nyamenle kɛyila wɔ. Ɔluakɛ bɛmɛ, bɛdabɛ bɛnrɛhola bɛnrɛzie wɔ ɛdeɛ ne abo zo. Nyamenle ala a bazie ɔ bo zo amaa wɔ wɔ mekɛ mɔɔ menli kpalɛ ne mɔ vi ewule nu kɛdwazo la a.”

Edwɛkpa ne kɛmɔ Luku hɛlɛle la 22:30

Bɛ nee me badɛnla me ɛkponle nwo, bɛali debie na bɛanlo wɔ me Belemgbunlililɛ ne anu, na bɛbadɛnlɛdɛnla arelemgbunli mbia zo bɛabua mbusua bulu nee nwiɔ ne ndɛne.”

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Wulo 11:15

Ɔluakɛ bɛkpole bɛ la ati dasanli rayɛle Nyamenle agɔnwo, na saa akee bɛdie bɛ bɛto nu a bɛ fɛlɛkolilɛ bayɛ kɛ asɛɛ bɛvi ewule nu bɛdwazo bɛra ngoane nu la.

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

Yekile 1:2

Dwɔn ɛha mɔɔ ɔnwunle ye la amuala. Ɔhanle nɔhalɛ ne, kɛmɔ Gyisɛse Kelaese yele hilele ye la nee nrɛlaleɛ mɔɔ ɔdele ɔvile Nyamenle ɛkɛ ne la amuala.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 11:11

Na kenle nsa nee foa ne anzi, ngoane ɛnwomenle vi Nyamenle ɛkɛ rawolole bɛ nu, na bɛdwazole, na ɛzulolɛ kpole hanle bɛdabɛ mɔɔ bɛnwunle bɛ la amuala.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

Yekile 11:7

Saa bɛwie nrɛlaleɛ ne ka a, nane ne mɔɔ vi azɛlɛ kuma ne mɔɔ ɛnlɛ ɔ bo la anu la bavinde na ɔ nee bɛ araho. Ɔbali bɛ nwo zo konim na yeahu bɛ,

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 14:11

Senle ne mɔɔ yelɛyela bɛ la anu esike ne kɔ anwuma anwuma dahuu mɔɔ ɔ bo ɛmpɛ ɛlɛ a. Bɛdabɛ mɔɔ bɛsonle nane ne nee ye ananze ne, na bɛlɛ ye duma ne sɛkɛlɛneɛ ne bɛ nwo la anwo ɛnrɛdɔ bɛ ɛlɛ alehyenlɛ nee aledwolɛ muala.”

Yekile 15:2

Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.

Yekile 2:26

Mɔɔ kɛli konim, na ɔkɛyɛ mɔɔ mekpondɛ la nɔhalɛ nu kɛhɔ awieleɛ la, mebava tumi ne mɔɔ Egya vale manle me la meamaa ye. Mebamaa yeali maanle maanle dɔɔnwo anwo zo konim, yeava tumi yeazie bɛ, na yeabubu bɛ kɛ abua. Eza mebava nwonlomɔ ɛwɔlɔra ne meamaa ye.

Yekile 20:6

Nyilalɛ nee anyunlunyia ɛha bɛdabɛ mɔɔ bɛboka alumua ewudwazo ne anwo la. Ewule ne mɔɔ tɔ zolɛ nwiɔ la ɛnlɛ bɛ nwo zo tumi; bɛbayɛ Nyamenle nee Kelaese sɛlɛvolɛma na bɛ nee Kelaese ali belemgbunli ɛvolɛ apenle.

Yekile 22:5

Aleɛ ɛndwo ko wɔ ɛkɛ, yɛɛ bɛngyia kɛnlaneɛ anzɛɛ ewia nwo wɔ ɛkɛ, ɔluakɛ Awulae Nyamenle ne a le bɛ kɛnlaneɛ a, na bɛbali belemgbunli mekɛ mɔɔ ɛnlɛ awieleɛ.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 6:9

Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.

Yekile 7:3

na ɔzele bɛ kɛ, “Bɛmmafa bɛ sa bɛka azɛlɛ ye, nyevile, anzɛɛ mbaka biala bɛsɛkye bɛ, kɔkpula kɛ yɛkɛwie yɛ Nyamenle ne sonvolɛma ne mɔ amuala nzonlɛ yɛ wɔ bɛ nwoma zo la.”