Yekile 2:9 - BAEBOLO ANZƐƐ BULUKU NWUANZANWUANZA

⁹ Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 2:9 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Luku hɛlɛle la 12:21

Na Gyisɛse dwulale ye edwɛkɛ ne kɛ, “Kɛ menli mɔɔ kuohua anwonyia maa bɛ nwo na bɛnle sukoavolɛma wɔ Nyamenle anyunlu la de la ɛne.”

Edwɛkpa ne kɛmɔ Luku hɛlɛle la 22:65

Na bɛhanle edwɛkɛ ɛtane ɛtane dɔɔnwo bɛtietiale ye.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Edwɛkpa ne kɛmɔ Luku hɛlɛle la 6:20

Gyisɛse manle ɔ nye zo nleanle ye ɛdoavolɛma ne na ɔzele kɛ, “Nyilalɛ ɛha bɛdabɛ ehyianvolɛma; Nyamenle bamaa bɛanyia ye belemgbunlililɛ ne.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 26:11

Mekɛ dɔɔnwo ne ala memanle bɛdeanle bɛ wɔ nyianu azua ne mɔ anu, na membɔle mɔdenle kɛ memaa bɛ ngome bɛaha ɛtane bɛatia bɛ ɛzonlenlɛ ne. Me nye bolole bɛ nwo kpalɛ manle ɔrale kɛ akee mekɔ azuamgbole zo wɔ maanle maanle zo yɛɛ mekɔkye bɛ meba a.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 2:17

Na saa ɛfɛlɛ ɛ nwo Dwuunli, ɛgyi Mosisi mɛla ne azo, ɛfa Nyamenle ɛtu ɛ nwo,

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

Wulo 8:35

Nwane a kɛhola kɛhwe yɛ kɛvi Kelaese ɛhulolɛ ne anwo a? Amaneɛnwunlɛ anzɛɛ anwongyelelɛ, kpɔdekpɔdeyɛlɛ anzɛɛ ɛhɔne, ehyia, anwubɛnyunlu anzɛɛ ewule?

Wulo 9:6

Na menga kɛ Nyamenle ɛwɔkɛ ne ɛkpo aze, ɔboalekɛ tɛ Yizilayɛma amuala a Nyamenle kpale nu yele bɛ kɛ bɛle ye menli a;

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

2 Kɔl 8:2

Bɛhɔle sɔnea nu kpole wɔ ndenle dɔɔnwo anu, noko bɛlile fɛlɛko kpole. Ɛnee bɛnlɛ bie suzuamgba ɛdeɛ, noko bɛluale bɛ amaneɛnwunlɛ ne anu bɛvale ninyɛne bɛhyɛle, bɛhilele bɛ atiakunlukɛnlɛma.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

1 Tɛs 3:4

Ɔluakɛ mɔɔ yɛwɔ bɛ nwo lɔ la yɛhanle yɛhilele bɛ kɛ bɛbahile yɛ nyane, yɛɛ mɔɔ ɛzi la ɛmaa bɛnwu mɔɔ yɛhanle la nɔhalɛ.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

1 Tem 6:18

Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.

Yekile 2:24

“Bɛdabɛ noko mɔɔ bɛha, mɔɔ bɛwɔ Tayataela, mɔɔ bɛanli ngilehilelɛ ɛtane zɛhae anzi, bɛanzukoa mɔɔ ɔyɛ a bie mɔ fɛlɛ ye ‘Seetan ngonyia’ la, bɛmɛ yɛɛ meka meahile bɛ kɛ, menrɛva ɛzonle kpole biala menrɛzoa bɛ.

Yekile 3:9

Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.