Yekile 2:7 - BAEBOLO ANZƐƐ BULUKU NWUANZANWUANZA

⁷ “Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 2:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:9

Na Ɛdɛnkɛma Nyamenle manle mbaka kɔsɔɔti mɔɔ le ngɛnlɛma nee mɔɔ bɛdi a ɔyɛ boɛ la fifile; ɔmanle ngoane baka ne yɛɛ baka ne mɔɔ maa ɛkola ɛnwu kpalɛ nee ɛtane la ɔdaye bɛfifile tola ne anu.

Mrɛlɛbulɛ Buluku ne 11:30

Ma mɔɔ tenlenenli so la le ngoane, na sonla mɔɔ to nzaka la kuhu menli.

Mrɛlɛbulɛ Buluku ne 13:12

Anyelazo kyɛ a, ɔyɛ anwobubulɛ; na ɛnyia ye a ɔyɛ anyelielɛ.

Mrɛlɛbulɛ Buluku ne 15:4

Ɛdendɛlɛ bɛtɛɛ le ngoane baka, na amumuyɛ ɛdendɛlɛ ku sunsum.

Mrɛlɛbulɛ Buluku ne 3:18

Ɔle ngoane baka ɔmaa bɛdabɛ mɔɔ bɛsɔ nu boɛ la; bɛdabɛ mɔɔ bɛsɔ nu boɛ la di fɛlɛko.

Yizikeɛle Buluku ne 28:13

Ɛnee ɛwɔ Yidɛn, Nyamenle tola ne anu; ezukoa bolɛ biala mɔɔ anwo hyia la, menvale mengedale wɔ. Ezukoa awolɛ, kanɛlia, topaze, gyasepa, kelesɔlaete, bɛlele, ɔnekese, safaya, kɛbɛnkele, yɛɛ ɛmelade yɛɛ bɛvale bɛduoduale wɔ adɛladeɛ nu a. Kenle ko ne ala mɔɔ bɛbɔle wɔ la yɛɛ bɛboɔboale bɛ nloa bɛmanle wɔ a.

Yizikeɛle Buluku ne 31:8

Sida mbaka mɔɔ wɔ Nyamenle tola ne anu la nee ye ɛnzu kɛnlɛma, yɛɛ bolonyia baka nee ye ngane mgbole ɛnzɛ. Baka biala ngane nee ye ɛdeɛ ne ɛnzɛ, yɛɛ baka biala ɛnle Nyamenle tola ne anu mɔɔ nee ye sɛ kɛnlɛma a.

Edwɛkpa ne kɛmɔ Mateyu hɛlɛle la 11:15

Mɔɔ lɛ ɛnzonlɛ la ɛdie.

Edwɛkpa ne kɛmɔ Mateyu hɛlɛle la 13:43

Na Nyamenle menli ne bada kɛ sɛnzɛne wɔ bɛ Ze mɔɔ wɔ anwuma la Belemgbunlililɛ ne abo. Mɔɔ lɛ ɛnzonlɛ la ɛdie!

Edwɛkpa ne kɛmɔ Mateyu hɛlɛle la 13:9

Gyisɛse dwulale ye edwɛkɛ ne zɛhae, “Mɔɔ lɛ ɛnzonlɛ la ɛdie!”

Edwɛkpa ne kɛmɔ Maake hɛlɛle la 4:9

Gyisɛse hanle zɔle zolɛ kɛ, “Bɛdabɛ mɔɔ bɛlɛ ɛnzonlɛ la, bɛdie!”

Edwɛkpa ne kɛmɔ Maake hɛlɛle la 7:15

debie biala ɛnle ɛkɛ mɔɔ kɔ sonla kunlu a ɔgua ɔ nwo evinli a, na mɔɔ vi sonla kunlu finde la a gua ɔ nwo evinli a. [

Edwɛkpa ne kɛmɔ Maake hɛlɛle la 7:16

Bɛdabɛ mɔɔ bɛlɛ ɛnzonlɛ la, bɛdie!”]

Edwɛkpa ne kɛmɔ Luku hɛlɛle la 23:43

Gyisɛse zele ye kɛ, “Mebɔ wɔ ɛwɔkɛ kɛ, ɛnɛ kenle ye, me nee wɔ bahɔ Paladaese.”

Edwɛkpa ne kɛmɔ Luku hɛlɛle la 8:8

yɛɛ bie noko guale azɛlɛ kpalɛ zo, na bɛfifile bɛzole ma mɔnwo ɛya.” Gyisɛse dwulale ye edwɛkɛ ne kɛ, “Bɛdie, mɔɔ lɛ ɛnzonlɛ la ɛdie!”

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

1 Kɔl 2:10

Yɛmɛ yɛɛ Nyamenle ɛlua ye Sunsum ne azo ɛye fealeranu debie zɛhae ɛhile yɛ a, ɔluakɛ Sunsum ne fedevede ninyɛne kɔsɔɔti anu, bɔbɔ kɛ Nyamenle ngyehyɛlɛ ne kuma ne kuloonwu si de la.

2 Kɔl 12:4

na ɛkɛ ne yɛɛ ɔdele edwɛkɛ mɔɔ bɛka a ɔnga, yɛɛ dasanli biala ɛnlɛ nwolɛ adenle kɛ ɔkɛha a.

1 Dw 2:13

Egya mɔ, melɛkɛlɛ bɛ, ɔboalekɛ bɛze sonla ne mɔɔ mɔlebɛbo ne ɛnee ɔwɔ ɛkɛ ne la. Mgbavolɛ, melɛkɛlɛ bɛ, ɔboalekɛ bɛli Abɔnsam anwo zo konim. Me mra ngakula, melɛkɛlɛ bɛ, ɔboalekɛ bɛze Selɛ ne.

Yekile 13:9

Zɔhane ati, ɛdawɔ mɔɔ ɛlɛ ɛnzonlɛ la, tie!

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”

Yekile 15:2

Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.

Yekile 2:11

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la, ewule ne mɔɔ tɔ zolɛ nwiɔ la bakpa ɔ ti.

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.

Yekile 22:2

ɔdua suakpole ne awɔdenle ne mɔɔ la sua ne avinli la azo. Ngoane baka ne ɛfifi azudenle ne anloa nwiɔ ne, na bɛso ma ngakyile fane bulu nee nwiɔ ɛvolɛ ko biala; siane ko biala ɔso ko, na bɛ nya ne mɔ maa maanle maanle ne mɔ ngoane.