Yekile 2:5 - BAEBOLO ANZƐƐ BULUKU NWUANZANWUANZA

⁵ Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.

Yekile 2:5 ပူးပေါင်းရင်းမြစ်များ

Ayezaya Buluku ne 1:26

Mebava wɔ ndɛnebuavolɛma ne meamaa wɔ kɛ alumua ne la, na meamaa wɔ folɛdulɛma, kɛmɔ alumua ne ɔde la. Na nzinlii bɛbavɛlɛ wɔ suakpole mɔɔ tenleneyɛlɛ nee nɔhalɛlilɛ ɛyi ye tɛkɛɛ a.”

Ayezaya Buluku ne 14:12

“O Alehyenlɛ Ɛwɔlɔra, Aleɛbahye Ralɛ Nrenya, ɛvi anwuma wɔdɔ aze kpole o! Wɔmɔ mɔɔ anrɛɛ ɛka maanle maanle aze fɛɛnye la, nea aze ko mɔɔ bɛvuandi wɔ bɛdo a!

Yizikeɛle Buluku ne 20:43

Bɛbahakye bɛ ndenle mɔɔ bɛluale nu nee nyɛleɛ ɛtane ɛtane mɔɔ bɛyɛle bɛvale bɛzɛkyele bɛ nwo la, na bɛavu bɛ nwo wɔ bɛ ninyɛndane mɔɔ bɛyɛle la amuala anwo.

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Hozia Buluku ne 14:1

Yizilayɛma, bɛzia bɛrɛla Ɛdɛnkɛma bɛ Nyamenle ne ɛkɛ, ɔluakɛ bɛ ninyɛndane ɛmaa bɛdu koti.

Hozia Buluku ne 9:10

Ɛdɛnkɛma se, “Mɔɔ mekanwu Yizilayɛ la, ɛnee ɔle kɛ vanye ma mɔɔ ɛfifi fienemgbole nu la. Mɔɔ mekanwu bɛ nlenya mɔ la, ɛnee bɛle kɛ feege mɔɔ ɛlɛdumua azo la ma mɔɔ ɛbolo la. Na mɔɔ bɛrale Piyɔ Boka la, bɛdule bɛ nwo bɛmanle bozonle Beeyale ne, na mengyile bɛ bɔkɔɔ kɛ bɛ bozonle ne mɔɔ bɛhulole ye la.

Malakae Buluku ne 3:4

Ɛhye bamaa Dwudama nee Gyɛlusalɛmma azubɔlɛ ninyɛne ayɛ anyenzɔlɛ amaa Ɛdɛnkɛma, kɛmɔ ɛnee ɔde wɔ ɛvolɛ dɔɔnwo mɔɔ ɛraze ɛhɔ la.

Malakae Buluku ne 4:6

Ɔbamaa selɛma ahulo bɛ mra na mralɛ ahulo bɛ ze mɔ; saa tɛ ye zɔhane a, anrɛɛ mebara na meamaa munzule ava azɛlɛ ye.”

Edwɛkpa ne kɛmɔ Mateyu hɛlɛle la 5:14

“Bɛmɛ a bɛle ewiade ye kɛnlaneɛ a. Suakpole mɔɔ bɛhye ye boka zo la ɛnvea.

Edwɛkpa ne kɛmɔ Mateyu hɛlɛle la 5:15

Awie ɛnzɔ kɛnlaneɛ na ɔnva bondo ɔmbutu zolɛ; ɔsɔ ɔsie ye debie zo anwuma, amaa yeada yeamaa bɛdabɛ mɔɔ bɛwɔ sua ne anu la amuala.

Edwɛkpa ne kɛmɔ Maake hɛlɛle la 12:9

Gyisɛse bizale kɛ, “Ɛnee bɛdabɛ bɛnea a, duzu a vanye egyinli menle ne kɛyɛ a? Ɔkɛra na ɔkɛrahu menli zɔhane mɔ na ɔkɛva egyinli ne ɔkɛwula abunsama fofolɛ asa anu.

Edwɛkpa ne kɛmɔ Luku hɛlɛle la 1:17

Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Edwɛkpa ne kɛmɔ Luku hɛlɛle la 20:16

Ɔkɛrahu abunsama ne mɔ amuala, na ɔkɛva ɛya ne ɔkɛwula abunsama fofolɛ asa anu.” Menli ne mɔ dele ɛhye la, bɛzele kɛ, “Kyɛkyɛ, ɔnrɛyɛ ye zɔhane.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:4

Bɛdabɛ mɔɔ bɛdwenle kɛ bɛdi mɛla ne azo a bɛkɛzɔ Nyamenle anye la ɛhwe bɛ nwo ɛvi Kelaese anwo, na bɛnrɛnyia Nyamenle ɛlolɛ ne bie.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Kɛlata mɔɔ bɛhɛlɛle bɛhɔmanle Hibuluma la 10:32

Bɛhakye mɔɔ zile bɛ nwo zo wɔ mekɛ mɔɔ Nyamenle wienyi ne dale bɛ nwo zo la. Bɛnwunle amaneɛ dɔɔnwo, noko abodelɛ ne ambo bɛ nwo zo ɛlɛ.

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 16:9

Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.

Yekile 2:16

Yemɔti nu ɛ nwo! Saa wɔannu ɛ nwo a ɔnrɛhyɛ biala, mebara ɛ nwo lɔ, na meava dadeɛ ne mɔɔ zia me nloa anu la me nee menli zɔhane mɔ araho.

Yekile 2:19

Meze wɔ gyima. Meze wɔ ɛhulolɛ mɔɔ ɛlɛ ye, wɔ nɔhalɛ mɔɔ ɛdi, wɔ ɛzonlenlɛ mɔɔ ɛsonle, nee wɔ abotane mɔɔ ɛlɛ la amuala. Meze kɛ kɛkala ɛlɛbɔ mɔdenle wɔadɛla alumua ne.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.