Yekile 2:3 - BAEBOLO ANZƐƐ BULUKU NWUANZANWUANZA

³ Meze kɛ ɛlɛ abotane ɛlɛkomo ɛ nwo zo, ɛlɛsɔ amaneɛ sa wɔ me duma ne ati, yɛɛ ɔtɛyɛle wɔ ɛvɛlɛ.

Yekile 2:3 ပူးပေါင်းရင်းမြစ်များ

Edwɛndolɛ Buluku ne 37:7

Gyinla ɛ nwo wɔ Ɛdɛnkɛma anyunlu, na si abotane kendɛ ye; mmafonla ɛ nwo wɔ mɔɔ ɛkpazi la anwo, anzɛɛ wɔ mɔɔ bɔ adwenle ɛtane la anwo.

Edwɛndolɛ Buluku ne 69:7

Ɔluakɛ wɔmɔ ɛ ti yɛɛ bɛbɔ me aholoba, na nyiane ɛkpɔlɔ me betaa a.

Maeka Buluku ne 7:9

Mekponle Ɛdɛnkɛma ndeanlɛ ne azo, ɔboalekɛ meyɛ ɛtane metia ye. Na nzinlii ɔbanwu me anwunvɔne na yeali me edwɛkɛ yeamaa me. Ɔbava me yeara wienyi nu; mebanwu ye ngoanelielɛ ne.

Edwɛkpa ne kɛmɔ Maake hɛlɛle la 15:21

Bɛzile nu mɔɔ bɛkɔ la, bɛ nee nrenya bie mɔɔ bɛfɛlɛ ye Saemɔn, mɔɔ ɛnee vi ye namule nu ɛlɛba suakpole ne azo la yiale, na bɛhyele ye bɛmanle ɔzoale Gyisɛse meanubaka ne. (Saemɔn ɛhye a le Alɛzɛnda nee Lufɛse bɛ ze ne. Ɔvi Saelin maanle nu.)

Edwɛkpa ne kɛmɔ Luku hɛlɛle la 14:27

Awie biala mɔɔ anzoa ye meanubaka ne anli me nzi la ɛnrɛhola ɛnrɛyɛ me ɛdoavolɛ.

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Edwɛkpa ne kɛmɔ Luku hɛlɛle la 21:19

Bɛgyinla kpundii, na bɛkɛnyia ngoane.”

Edwɛkpa ne kɛmɔ Luku hɛlɛle la 5:5

Saemɔn buale ye kɛ, “Kilehilevolɛ, sumunli nɔe, yɛyɛ gyima dedee, noko yɛangye fɛlɛ. Na kɛmɔ ɛdawɔ wɔha la, yɛbahɔ yɛahɔdo avonle ne.”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 16:12

Mebiza Telaefina nee Telaefosa mɔɔ boka Awulae gyima ye anwo la, yɛɛ me gɔnwo kpalɛ Pɛsese ahye. Pɛsese ɛbɔ mɔdenle kpalɛ wɔ Awulae gyima ne anwo.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 8:25

Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

1 Kɔl 13:7

Ɛhulolɛ ɛmkpo aze ɛlɛ; ɔlɛ diedi wɔ debie biala anu, ɔlɛ debie biala anwo anyelazo yɛɛ ye abotane bo ɛndu ɛlɛ.

1 Kɔl 16:16

Me mediema, mebodo mesɛlɛ bɛ, bɛli menli mɔɔ le zɛhae, nee awie biala mɔɔ nee bɛ yɛ gyima nee bɛ sonle la ngilehilelɛ zo.

2 Kɔl 10:15

Yɛnva awie mɔ gyima mɔɔ bɛyɛ wɔ ɛleka mɔɔ Nyamenle anva ammaa yɛ la yɛndu yɛ nwo. Yɛ nye la kɛ saa bɛ diedi nyi a yɛɛ yɛ gyimayɛlɛ ne badɛlɛ kpole kpalɛ wɔ bɛ avinli a,

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

2 Kɔl 5:9

Debie mɔɔ hyia kpalɛ la a le kɛ, saa yɛwɔ yɛ sua nu ɛke o, anzɛɛ nehane o, yɛkɛzɔ ɔ nye.

2 Kɔl 6:5

Bɛbila yɛ mbaka, bɛgua yɛ efiade na bɛwudo yɛ bagua nu; bɛmaa yɛyɛ gyima ɛsesebɛ, yɛsi epe, yɛɛ bɛkye yɛ ɛhɔne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2

Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16

na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tɛs 5:12

Mediema, yɛsɛlɛ bɛ kɛ bɛli menli mɔɔ bɛ nee bɛ sonle na bɛyɛ bɛ mgbanyinli mɔɔ tu bɛ folɛ, na bɛkilehile bɛ Awulae adenle ne la eni.

2 Tɛs 3:13

Mediema, bɛmmagyakyi kpalɛyɛlɛ.

2 Tɛs 3:5

Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

2 Tɛs 3:8

Yɛanli awie biala debie mɔɔ yɛandua a. Yɛyɛle gyima, yɛhwinle yɛ ti anwo alehyenlɛ nee aledwolɛ, amaa yɛanyɛ kpomgbolo yɛamkpolo awie biala akɔme.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

1 Tem 5:17

Nwu ye kɛ mgbanyinli mɔɔ yɛ gyima kpalɛ la fɛta ahatualɛ mɔnwo, titile, bɛdabɛ mɔɔ bɛbɔ Edwɛkpa ne nolo na eza bɛkilehile la;

Kɛlata mɔɔ bɛhɛlɛle bɛhɔmanle Hibuluma la 10:36

Ɔwɔ kɛ bɛnyia abotane, amaa bɛahola bɛayɛ Nyamenle ɛhulolɛdeɛ na bɛanyia ye ɛwɔkɛ ne.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 6:15

Ebileham zile abotane, na ɔnyianle ɛwɔkɛ ne mɔɔ Nyamenle bɔle ye la.

2 Pit 1:6

Bɛva bɛ nwo zo ɛhomolɛ bɛboka bɛ deɛnwunlɛ nwo, bɛva kpundii ɛgyinlanlɛ bɛboka bɛ nwo zo ɛhomolɛ nwo, bɛva nyamenlezonlenlɛ bɛboka bɛ kpundii ɛgyinlanlɛ nwo,

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 3:10

Kɛmɔ wɔli me edwɛkɛ zo, wɔnyia abotane la, ngyegyelɛ kpole ne mɔɔ ɛlɛba ewiade arazɔ menli kɔsɔɔti mɔɔ wɔ azɛlɛ ye azo anlea la, mebaye wɔ meavi nu.