Yekile 2:23 - BAEBOLO ANZƐƐ BULUKU NWUANZANWUANZA

²³ Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

Yekile 2:23 ပူးပေါင်းရင်းမြစ်များ

1 Edk 17:18

Duzu edwɛkɛ bɔbɔ yɛɛ akee menga a. Ɛze me kpalɛ kpalɛ, yɛɛ eza dahuu ɛbu wɔ sonvolɛ ye bie.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

2 Edk 6:30

tie bɛ wɔ anwuma lɔ, ɛleka mɔɔ ɛde la, na fa bɛ ɛtane ne mɔ kyɛ bɛ. Ɛ ngomekye yɛɛ ɛze sonla ahonle nu a, yɛ maa awie biala kɛmɔ bɛ nzɛlɛlɛ ne mɔ se la,

Dwobu Buluku ne 24:23

Ɔbɔ bɛ nwo bane, ɔmaa bɛgyinla boɛ; yɛɛ ɔ nye wɔ bɛ ɛbɛlabɔlɛ nu.

Edwɛndolɛ Buluku ne 139:1

O Ɛdɛnkɛma, wɔnleɛnlea me nu wɔnwu me!

Edwɛndolɛ Buluku ne 26:2

O Ɛdɛnkɛma, neɛnlea me nu na sɔ me nea, sɔ me adwenle nee me ahonle nea.

Edwɛndolɛ Buluku ne 44:21

asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.

Edwɛndolɛ Buluku ne 62:12

O Awulae, wɔmɔ a ɛlɛ ɛhulolɛ kpundii a. Ɔluakɛ wɔmɔ yɛɛ ɛtua sonla kakɛ, kɛmɔ ye gyima si de la a.

Edwɛndolɛ Buluku ne 7:9

O maa amumuyɛma ɛgyakyi ɛtaneyɛlɛ; maa tenlenema ɛgyinla kpundii; ɛle pɛlepɛlelilɛ Nyamenle, mɔɔ kola sɔ ahonle nee adwenle nea a.

Gyɛlɛmaya Buluku ne 11:20

Yemɔti Gyɛlɛmaya zɛlɛle kɛ, “Tumivolɛ Ɛdɛnkɛma, ɛle ndɛnebuavolɛ mɔɔ di pɛlepɛle a; ɛneɛnlea menli ahonle nee bɛ adwenle nu. Me edwɛkɛ ye wɔ ɛ sa nu. Senra menli ɛhye mɔ maa me.”

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Gyɛlɛmaya Buluku ne 20:12

O Tumivolɛ Ɛdɛnkɛma, mɔɔ sɔ tenlenema nea, mɔɔ ɛnwu sonla biala ahonle nee ye adwenle nu, maa menwu kɛ wɔli me kpɔvolɛma nzenralɛ, ɔluakɛ meva me edwɛkɛ ne memaa wɔ.

Zɛfanaya Buluku ne 1:11

Bɛdabɛ mɔɔ bɛde gua nu lɔ afoa nu la, bɛzu bɛye awolɛ, ɔluakɛ menli mɔɔ nee bɛ di dwɛtɛ fufule gua la nee bɛ gualilɛma amuala ɛwie wu!

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

Dw 4:16

Gyisɛse zele ye kɛ, “Kɔvɛlɛ ɛ hu na ɛ nee ye bɛrɛla.”

Ɛzoanvolɛma Gyima ne 1:24

Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

Wulo 14:12

Zɔhane ati yɛ nuhua ko biala babu ye mgbonda ahile Nyamenle.

Wulo 8:27

Nyamenle mɔɔ neɛnlea menli kɔsɔɔti ahonle nu la ze sunsum nu adwenleadwenle biala kɛ si de la, ɔluakɛ Sunsum ne kpa ye menli ti kyɛlɛ, ɔsɛlɛ, kɛmɔ Nyamenle ɛhulolɛdeɛ ne de la.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:5

Ɔluakɛ awie biala ɔdaye ɔbazoa ye adesoa.

Mɛla 13:11

Na Yizilayɛma kɔsɔɔti bade, bɛbazulo, na bɛanyɛ amumuyɛ debie mɔɔ le zɛhae la bieko wɔ bɛ avinli.

Mɛla 17:13

Saa bɛyɛ ye zɔhane a, menli kɔsɔɔti bade na bɛazulo na bɛanli bɛ ti anwo bieko.

Mɛla 19:20

Ɔba ye zɛhae a, menli mɔɔ ɛha la bade, bɛbazulo, na bɛambɔ munzule ɛbɛla zɛhae bieko wɔ bɛ avinli.

Mɛla 21:21

Saa ɔba ye zɛhae a, bɛdabɛ mɔɔ bɛwɔ suakpole ne azo la ɛrazi ye awolɛ ɛhu ye, amaa bɛakpa munzule bɛavi sua ne azo. Yizilayɛma kɔsɔɔti bade na bɛazulo.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

Yekile 2:11

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la, ewule ne mɔɔ tɔ zolɛ nwiɔ la bakpa ɔ ti.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 20:12

Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.

Yekile 20:13

Nyevile kpule menli mɔɔ yeva bɛ la. Ewule nee Ɛbolɔ yele bɛ ɛdeɛ mɔɔ bɛvale bɛziele la vindele, na bɛbuale bɛ muala ndɛne wɔ mɔɔ bɛyɛle la anwo.

Yekile 22:12

Gyisɛse zele kɛ, “Bɛdie! Ɔnrɛhyɛ biala na meara! Melɛ me sa nu ahatualɛ mebara na mearadua awie biala kakɛ wɔ gyima mɔɔ yeli la anwo.

Yekile 6:8

Meneanle, na menwunle sonla bie mɔɔ bɛfɛlɛ ye Ewule, kɛ ɔde ɛkpɔnwɔ nzonle bie azo ɔlɛba. Ɛbolɔ li ɔ nzi ɛkɛ ne ala. Bɛhyɛle azɛlɛ ye anu nna na bɛmanle bɛ tumi kɛ bɛva dadeɛ, ɛhɔne, anwonyane nee nanemgbole bɛhu menli mɔɔ wɔ ko azo la amuala.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”