Yekile 2:20 - BAEBOLO ANZƐƐ BULUKU NWUANZANWUANZA

²⁰ Noko melɛ edwɛkɛ ɛhye metia wɔ: ɛdie raalɛ Gyɛzɛbɛle mɔɔ ɛyɛ ɔ nwo Nyamenle kpɔmanvolɛ la ɛto nu. Yeva ye ngilehilelɛ ne yezi me menli ne mɔ anye yemaa bɛlɛbɔ adwɔmane ɛbɛla na bɛdi aleɛ mɔɔ bɛva bɛzɔ amonle la.

Yekile 2:20 ပူးပေါင်းရင်းမြစ်များ

1 Arl 16:31

Ɔ nye liele Nibate ara Gyɛlɔbowam ɛbɛla ɛtane ne mɔ mɔɔ ɔbɔle ɔtiale Ɛdɛnkɛma la anwo na ɔvale ɔ gyakɛ. Ehabe hɔgyale Gyɛzɛbɛle mɔɔ le Saedɛn Belemgbunli Ɛtebeeyale ara raalɛ, na ɔhɔhotole bozonle Beeyale ɔzonlenle ye.

1 Arl 17:13

Yilaegya zele kunlanvolɛ raalɛ ne kɛ, “Mmadwenle nwolɛ. Wɔmɔ kɔnlea yɛ mɔɔ wɔha la. Noko akee dumua te ekyi doa tata maa me kolaa na wɔado ɛ nee ɛ ra nrenya ne bɛ ɛdeɛ ne.

1 Arl 17:4

Ɛbanlo azule ne bie; eza meyɛ ye kɛ ahɔhɔsɛlɛ ɛrɛlɛ wɔ aleɛ wɔ ɛkɛ.”

2 Arl 9:22

Dwɔlam bizale Gyihu kɛ, “Ɔle bɛtɛɛ ɔ?” Na Gyihu buale ye kɛ, “Kɛ ɔsi ɔyɛ bɛtɛɛ ɛ, wɔ mekɛ mɔɔ ɛ nli Gyɛzɛbɛle ɛva ye ayɛne nee awozonle ɛzonlenlɛ nu tuutuulilɛ ɛbɛla ɛyɛ maanle ye totɔɔ zɛhae la?”

2 Arl 9:7

Ɛbahu ɛ menle Ehabe nee ɔ bo zo amra, amaa meanyia adenle meazenra Gyɛzɛbɛle kɛ ɔhunle Ɛdɛnkɛma kpɔmanvolɛma ne mɔ, na ɔhanle me sonvolɛma mogya ɔguale a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:15

Ɛ nee menli mɔɔ wɔ maanle ne anu la mmayɛ ngyekyeleɛ biala, amaa saa bɛdi bɛ awozonle ɛzonlenlɛ tuutuu ne na bɛabɔ azu bɛamaa bɛ awozonle ne mɔ a, bɛando ɛsalɛ bɛanvɛlɛ wɔ kɛ ɛraboka bɛ, na sɔnea ara ɛ nwo zo kɛ ɛli bɛ awozonle azubɔlɛ aleɛ ne bie.

Yizikeɛle Buluku ne 13:17

Ɛdɛnkɛma zele kɛ, “Sonla ra, akee nea mraalɛ mɔɔ wɔ wɔ menli ne avinli, na bɛbɔ bɛ ti anu bɛka Nyamenle nrɛlaleɛ la. Ka nrɛlaleɛ ɛhye kile bɛ na se bɛ kɛ,

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

1 Kɔl 10:28

Na saa awie se bɛ kɛ, “Ɛhye le aleɛ mɔɔ bɛva bɛzɔ amonle anzɛɛ bɛdo bɛmaa bozonle” a, ɛnee ahenle ne adwenle mɔɔ kɛzɛkye la ati, bɛmmadi;

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

Yekile 2:4

Noko akee metia wɔ wɔ ɛhye anwo: ɛnɛ ɛnlɛ me nwo ɛhulolɛ kɛ alumua ne la.