Yekile 2:17 - BAEBOLO ANZƐƐ BULUKU NWUANZANWUANZA

¹⁷ “Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 2:17 ပူးပေါင်းရင်းမြစ်များ

Edwɛndolɛ Buluku ne 25:14

Ɛdɛnkɛma fa bɛdabɛ mɔɔ bɛsulo ye la agɔnwolɛ, na ɔmaa bɛnwu ye ngyekyeleɛ ne.

Edwɛndolɛ Buluku ne 36:8

Bɛdi bɛ ko yi wɔ wɔ sua nu, na ɛmaa bɛ nzule mɔɔ vi wɔ anyelielɛ azule nu la bɛno.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:33

Na Mosisi hanle hilele Aalɔn kɛ, “Fa dwora, na fa mana litili nwiɔ gua nu na sie ye Ɛdɛnkɛma anyunlu ɛkɛ maa wɔ awolɛndoazo kɔsɔɔti.”

Mrɛlɛbulɛ Buluku ne 14:10

Ahonle a ze ɔdaye ye nyane mɔɔ ɔdi la a, yɛɛ ɔlɛdi fɛlɛko a awie gyɛne ɛnli bie.

Mrɛlɛbulɛ Buluku ne 3:32

ɔluakɛ Ɛdɛnkɛma kyi sonla mɔɔ ɛnli boɛ la, na ɔmaa mɔɔ di boɛ la nwu ye ngyehyɛlɛ ne.

Ayezaya Buluku ne 56:4

Ɔluakɛ Ɛdɛnkɛma se, “Mrenya mɔɔ bɛza bɛ, mɔɔ sie me Ɛnwomenlelielɛ Kenle ne, yɛ ninyɛne mɔɔ sɔ me nye na bɛsɔ me ngyekyeleɛ ne anu ɛsesebɛ la,

Ayezaya Buluku ne 56:5

mebamaa bɛ duma ayɛ ngakyedeɛ mɔɔ tɛla mralɛ mraalɛ nee mralɛ mrenya wɔ me sua nu; mebamaa bɛ duma adɛnla ɛkɛ ne dahuu mɔɔ ɔnrɛkpa me sua nu ɛlɛ a.

Ayezaya Buluku ne 62:2

Maanle maanle ne mɔ banwu wɔ benlelilɛ ne, Arelemgbunli banwu wɔ anyunlunyia ne; Bɛbava duma fofolɛ bɛavɛlɛ wɔ, Duma fofolɛ mɔɔ Ɛdɛnkɛma ɔdaye ɔbado wɔ la.

Ayezaya Buluku ne 65:13

Yemɔti medame Awulae Nyamenle mese: Bɛnlea, me sonvolɛma ne bali debie, na bɛmɛ, ɛhɔne bahu bɛ; bɛnlea, me sonvolɛma ne banlo nzule, na bɛmɛ, nzuhɔne bahu bɛ; bɛnlea, me sonvolɛma ne anye balie, na bɛmɛ, bɛ nyunlu bagua aze;

Ayezaya Buluku ne 65:15

Me menli ne mɔɔ mekpa nu meye bɛ la bava bɛ duma awa amonle, yɛɛ Awulae Nyamenle ne bahu bɛ; na me sonvolɛma ne ɛdeɛ, mebava duma fofolɛ meavɛlɛ bɛ.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Maake hɛlɛle la 7:16

Bɛdabɛ mɔɔ bɛlɛ ɛnzonlɛ la, bɛdie!”]

Dw 4:32

Na ɔbuale bɛ kɛ, “Melɛ aleɛ medi mɔɔ bɛnze a.”

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

Yekile 14:3

na bɛlɛto edwɛne fofolɛ bie wɔ belemgbunli ebia kpole ne anyunlu wɔ tease abɔdeɛ nna ne nee mgbanyima ne mɔ anwo ɛkɛ. Bɛdabɛ menli apenle ngoko ɛya ko abulanla nee nna ɛhye, mɔɔ bɛlie bɛ ngoane bɛvi azɛlɛ ye azo la ala a ɛhola ɛzukoa edwɛne ne a.

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”

Yekile 2:11

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la, ewule ne mɔɔ tɔ zolɛ nwiɔ la bakpa ɔ ti.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 3:22

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.”

Yekile 3:6

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.