Yekile 2:16 - BAEBOLO ANZƐƐ BULUKU NWUANZANWUANZA

¹⁶ Yemɔti nu ɛ nwo! Saa wɔannu ɛ nwo a ɔnrɛhyɛ biala, mebara ɛ nwo lɔ, na meava dadeɛ ne mɔɔ zia me nloa anu la me nee menli zɔhane mɔ araho.

Yekile 2:16 ပူးပေါင်းရင်းမြစ်များ

Ayezaya Buluku ne 11:4

Ɔbabua ehyianvolɛma ndɛne pɛlepɛle nu, na yeabua awienvolɛma ndɛne pɛpɛ; ɔbava ɔ nloa yeayɛ baka yeadea azɛlɛ ye azo ɛtanema, yeava ɔ nloa edwɛkɛ yeahu amumuyɛma.

Ayezaya Buluku ne 49:2

Ɔmanle me nloa edwɛkɛ yɛle nla kɛ konle dadeɛ, ɔvale me ɔveale ye tumi bo; ɔmanle menyɛle kɛ ɛda baka, ɔvale me ɔveale ye boa nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:17

Bɛva ngoanelielɛ ahyɛlɛdeɛ ne bɛyɛ bulalɛ kyɛlɛ bɛzoa na bɛva Nyamenle Edwɛkɛ ne kɛ konle dadeɛ mɔɔ Sunsum ne fa maa la.

2 Tɛs 2:8

kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 16:9

Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.

Yekile 19:15

Dadeɛ nlane zia ɔ nloa anu, na yemɔ yɛɛ ɔbava yeali maanle maanle kɔsɔɔti anwo zo konim a. Ɔbava tumi kpole yeazie bɛ, na yeahwihwi Nyamenle Bedevinli ne ɛya kpole ne mɔɔ wɔ ye nwanye melahyinli ne anu la yeagua.

Yekile 19:21

Na mɔɔ de ɛkpɔnwɔ fufule ne azo la vale dadeɛ ne mɔɔ zia ɔ nloa anu la hunle nane ne ɛlɔnema mɔɔ hale la amuala; na nloma ne mɔ amuala ralile bɛ nwonane ne manle bɛ ko yile.

Yekile 2:12

“Kɛlɛ ɛhye kɔmaa Pɛgamɛm asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ dadeɛ anye nwiɔ ne mɔɔ yɛ nla la ɛkɛ.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.