Yekile 2:14 - BAEBOLO ANZƐƐ BULUKU NWUANZANWUANZA

¹⁴ Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

Yekile 2:14 ပူးပေါင်းရင်းမြစ်များ

Ayezaya Buluku ne 57:14

Na bɛbaha kɛ, “Bɛha bɛ nwo, bɛha bɛ nwo, bɛziezie adenle ne, bɛye debie biala mɔɔ tua adenle la bɛvi me menli ne adenle nu.”

Gyɛlɛmaya Buluku ne 6:21

Ɛdɛnkɛma se, “Bɛnlea, mebamaa menli ɛhye mɔ adu koti adu agua aze; selɛ o, mralɛ o, agɔnwolɛma anzɛɛ menli mɔɔ bɛ nee bɛ zuozua bane la o, bɛ kɔsɔɔti bɛ bo zo baminli.”

Yizikeɛle Buluku ne 3:20

“Saa tenlenenli bɔ ɔ bo kɛ ɔdi ɛtane, ɔyɛ amumuyɛ a, mebamaa yeadu koti. Kɛmɔ ɛtɛbɔle ye kɔkɔ la ati, ɔbawu wɔ ye ɛtane ti, yɛɛ ye debie kpalɛ biala mɔɔ ɔyɛle la, menrɛhakye ye bieko; na ye ewule ne ɛdeɛ, mebabiza wɔ nwolɛ edwɛkɛ.

Yizikeɛle Buluku ne 44:12

Kɛmɔ bɛboale menli ne wɔ bɛ mmonle ɛzonlenlɛ nu, na bɛmanle Yizilayɛma dule koti bɛyɛle ɛtane la, medame Awulae Nyamenle, meka, meka kɛ, bɛ munzule doa bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:14

Beelam hanle hilele Beelake kɛ, “Melɛsia meahɔ me menli ne mɔ anwo lɔ; bɛla maa menga mɔɔ kenle bie Yizilayɛma bava ayɛ wɔ menli ne la mengile wɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:16

Bɛhakye kɛ mraalɛ ɛhye mɔ a diele Beelam folɛdulɛ ne na bɛammaa Yizilayɛma anli nɔhalɛ ammaa Ɛdɛnkɛma wɔ Piyɔ na bɛhwenle ewulenzane bɛdole Ɛdɛnkɛma menli ne avinli la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:8

Bɛhunle Medean arelemgbunli nnu ne, Yivae, Rilikɛm, Zuli, Huuli, yɛɛ Riliba bɛbokale nwolɛ. Eza bɛhunle Biyɔ ara nrenya Beelam.

Edwɛkpa ne kɛmɔ Mateyu hɛlɛle la 18:7

Munzule ɛha aleɛabo amra kɛ ninyɛne mɔɔ maa sonla diedi kakyi la dɔɔnwo wɔ ewiade ye anu a! Kɛ ɔkɛyɛ biala la, zɛhae ngyegyelɛ ne mɔ bara, noko sonla ne mɔɔ ɔkɛlua ɔ nwo zo ɔkɛra la, ye gyakɔ!

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Ɛzoanvolɛma Gyima ne 21:25

Mɔɔ fane bɛdabɛ mɔɔ bɛnle Dwuuma, na bɛlie bɛli la anwo, yɛhɛlɛ kɛlata yɛhɔmaa bɛ kɛ bɛmmadi debie biala mɔɔ bɛva bɛkpa munzule bɛmaa bozonle nee nane mɔɔ bɛlofo ye bɛhu ye la; eza bɛmmadi mogya, na bɛhwe bɛ nwo bɛvi adwɔmane ɛbɔlɛ nwo.”

Wulo 11:9

Devidi noko hanle kɛ, “Bɛ ɛkponledolɛ kɛbɔ bɛ ti tɔɔ, ɔkɛyɛ kuma nee ndeanlɛ ɔkɛmaa bɛ.

Wulo 14:13

Zɔhane ati, bɛmaa yɛgyakyi yɛ gɔnwo mɔ ndɛne ɛbualɛ, na yɛbɔ kpɔkɛ kɛ yɛnrɛyɛ debie biala mɔɔ kɛmaa adiema bie kɛhɔ ɛtane nu anzɛɛ kɛkpo aze a.

Wulo 14:21

Debie kpalɛ mɔɔ ɔwɔ kɛ bɛyɛ la a le kɛ bɛkɛgyakyi nane ɛlilɛ, nza ɛnlonlɛ, anzɛɛ debie mɔɔ bɛyɛ a ɔkɛmaa bɛ gɔnwo kɛkpo aze la ɛyɛlɛ.

Wulo 9:32

Duzu ati ɔ? Ɔboalekɛ mɔɔ bɛyɛle la ɛngyi diedi zo, bɛyɛle ye kɛ asɛɛ ɔgyi nyɛleɛ zo la. Ɛhye ati bɛdu koti.

1 Kɔl 1:23

Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;

1 Kɔl 7:2

Na sɔnea mɔɔ maa sonla bɔ adwɔmane ɛbɛla la zonle la ati, ɔhyia kɛ nrenya biala nyia ɔ ti anwo ɔ ye, na raalɛ biala nyia ɔ ti anwo ɔ hu.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

Dwɔhyua Buluku ne 24:9

Akee Zepɔ ara Balake, mɔɔ le Mowabe belemgbunli ne, ɔdaye ɔ nee bɛ rahonle. Ɔmanle Biyɔ ara Beelam dele na ɔzɛlɛle ye kɛ ɔhye bɛ sili.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

2 Pit 2:15

Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.

Yekile 2:20

Noko melɛ edwɛkɛ ɛhye metia wɔ: ɛdie raalɛ Gyɛzɛbɛle mɔɔ ɛyɛ ɔ nwo Nyamenle kpɔmanvolɛ la ɛto nu. Yeva ye ngilehilelɛ ne yezi me menli ne mɔ anye yemaa bɛlɛbɔ adwɔmane ɛbɛla na bɛdi aleɛ mɔɔ bɛva bɛzɔ amonle la.

Yekile 2:4

Noko akee metia wɔ wɔ ɛhye anwo: ɛnɛ ɛnlɛ me nwo ɛhulolɛ kɛ alumua ne la.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.