Yekile 2:13 - BAEBOLO ANZƐƐ BULUKU NWUANZANWUANZA

¹³ Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 2:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:23

Saa bɛyɛ bɛ kpɔdekpɔde wɔ sua ko azo a, bɛnriandi bɛhɔ mɔɔ doa ye la azo. Na meka meahile bɛ kɛ bɛnrɛwie Yizilayɛ azua ne mɔ amuala azo kɔ na Sonla Ra ne ara.

Edwɛkpa ne kɛmɔ Mateyu hɛlɛle la 24:9

“Akee bɛbahye bɛ na bɛahɔye bɛ bɛamaa bɛadea bɛ na bɛahu bɛ. Aleɛabo amra amuala bakpɔ bɛ wɔ me ti.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Luku hɛlɛle la 21:17

Ɔlua me ti, awie biala bakpɔ bɛ.

Ɛzoanvolɛma Gyima ne 22:20

Mekɛ mɔɔ bɛku wɔ dasevolɛ Sitivin la, ɛnee medame mewɔ ɛkɛ, me kunlu dwole ye ɛhunlɛ nwo na menliele menli mɔɔ hunle ye la ndanlɛ menlɛle bɛ.’

Ɛzoanvolɛma Gyima ne 9:14

Na yera ɛke kɛ ɔlɛ tumi ngɛlɛta vi sɛlɛvolɛ mgbanyinli ne mɔ ɛkɛ kɛ ɔbahye bɛdabɛ mɔɔ bɛsonle wɔ la amuala.”

1 Tɛs 5:21

Bɛzɔ ninyɛne kɔsɔɔti bɛnlea, bɛva mɔɔ le kpalɛ la bɛzie,

1 Tem 5:8

Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

2 Tem 1:13

Sɔ nɔhalɛ ne mɔɔ ɛdele ɛvile me ɛkɛ ne la anu boɛ, fa yɛ ndonwo di zo, na tɛnla diedi nee ɛhulolɛ ne mɔɔ Kelaese Gyisɛse ati ɔle yɛ ɛdeɛ la anu.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.