Yekile 2:10 - BAEBOLO ANZƐƐ BULUKU NWUANZANWUANZA

¹⁰ Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 2:10 ပူးပေါင်းရင်းမြစ်များ

Edwɛndolɛ Buluku ne 31:23

Bɛmɛ Nyamenle menli, bɛhulo Ɛdɛnkɛma; Ɛdɛnkɛma sinza mɔɔ di nɔhalɛ la, na ɔtua bɛdabɛ mɔɔ bɛmemaa bɛ nwo zo la kakɛ kɛmɔ ɔfɛta la.

Gyɛlɛmaya Awolɛyelɛ 3:57

Menvɛlɛle wɔ la ɛbikyele me, ɛzele me kɛ, ‘Mmasulo!’

Daneɛle Buluku ne 1:12

“Sɔ wɔ sonvolɛma nea kenle bulu. Maa bɛmaa yɛ nya nya yɛli na bɛmaa yɛ nzule yɛnlo,

Daneɛle Buluku ne 1:14

Sonvolɛ kpanyinli ne kponlenle nzuzulɛ ne azo na ɔzɔle bɛ ɔnleanle kenle bulu.

Habakɛke Buluku ne 2:3

Ɔluakɛ mekɛ ɛtɛdwule mɔɔ ɛnyelɛzodeɛnwunlɛ ne yɛ zɔhane a, noko mekɛ ne ɛlɛbikye, ɔnrɛyɛ adalɛ edwɛkɛ. Saa ɔkyɛ a kendɛ, ɔluakɛ nɔhalɛ nu, ɔbara, ɔnrɛhyɛ fee.

Edwɛkpa ne kɛmɔ Mateyu hɛlɛle la 10:22

Me ti, menli kɔsɔɔti bakpɔ bɛ. Noko mɔɔ kɛgyinla kpundii kɛhɔ awieleɛ la, Nyamenle kɛlie ye ngoane.

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Edwɛkpa ne kɛmɔ Mateyu hɛlɛle la 24:13

Noko sonla mɔɔ kɛgyinla kpundii kɛhɔ awieleɛ la banyia ngoane mɔɔ ɛnlɛ awieleɛ.

Edwɛkpa ne kɛmɔ Maake hɛlɛle la 13:13

Ɔlua me ti, awie biala bakpɔ bɛ. Na mɔɔ kɛgyinla kpundii kɛhɔ awieleɛ la kɛnyia ngoane mɔɔ ɛnlɛ awieleɛ.

Edwɛkpa ne kɛmɔ Maake hɛlɛle la 8:35

Awie biala mɔɔ pele ye ngoane nwo la minli ye; na awie biala mɔɔ kɛminli ye ngoane wɔ mame nee Edwɛkpa ne ati la kɛlie ye ɛkɛla ngoane.

Edwɛkpa ne kɛmɔ Luku hɛlɛle la 21:12

Bɛbahyehye bɛ, bɛayɛ bɛ kpɔdekpɔde, bɛbaye bɛ bɛamaa bɛali bɛ edwɛkɛ wɔ bɛ nyianu azua ne mɔ anu na bɛagua bɛ efiade; bɛbava bɛ bɛahɔgyinla arelemgbunli nee maanle mgbanyima nyunlu wɔ me ti kolaa na ɛhye mɔ asisi.

Dw 12:25

Mɔɔ ye ngoane hyia ye la baminli ye, na mɔɔ ye ngoane ɛngyia ye wɔ ewiade ɛhye anu la banyia ngoane mɔɔ ɛnlɛ awieleɛ.

Dw 13:2

Gyisɛse nee ye ɛdoavolɛma ne dɛnlanle aze nɔsolɛ nu kɛ bɛdi debie. Abɔnsam noko ɛbɔ kpɔkɛ ɛwie kɛ ɔwɔ kɛ Dwudase, Saemɔn Yesekaleɔto ara ne ye Gyisɛse maa.

Dw 13:27

Dwudase liele kpanwo ne la yɛɛ Seetan wolole ye a. Gyisɛse zele ye kɛ, “Ka ɛ nwo yɛ mɔɔ ɛyɛ la.”

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

1 Kɔl 9:25

Awie biala mɔɔ kazu ɛnriandilɛ la siezie ɔ nwo kpalɛ wɔ adenle biala anu. Ɔyɛ ye zɔhane, amaa bɛabɔ ye nwolɛ abɔtile, abɔtile ɛhye bɔbɔ ɛngyɛ na yeazɛkye. Na yɛmɛ Keleseɛnema, yɛsu ɛnriandilɛ yɛdie abɔtile mɔɔ ɛnzɛkye ɛlɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 13:7

Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.