Yekile 19:9 - BAEBOLO ANZƐƐ BULUKU NWUANZANWUANZA

⁹ Na Nyamenle soanvolɛ ne zele me kɛ, “Kɛlɛ ɛhye: Nyilalɛ ɛha bɛdabɛ mɔɔ bɛdo ɛsalɛ bɛvɛlɛ bɛ kɛ bɛrɛla Boaneralɛ ne atɔfolɛlielɛ ne abo la.” Ɔzele medame noko kɛ, “Ɛhye le Nyamenle ɔdaye ɔ nloa edwɛkɛ fɔɔnwo.”

Yekile 19:9 ပူးပေါင်းရင်းမြစ်များ

Ayezaya Buluku ne 8:1

Akee Ɛdɛnkɛma zele me kɛ, “Fa bolɛ ɛdɛbaa kpole mɔɔ bɛkɛlɛ zo la, na kɛlɛ zolɛ mɔɔ awie biala kola kenga la kɛ, ‘Meehɛ Hyɛlale Hahyebaze.’

Habakɛke Buluku ne 2:2

Na Ɛdɛnkɛma buale me kɛ, “Kɛlɛ ɛnyelɛzodeɛnwunlɛ ne; kɛlɛ ye wɔ bolɛ ndɛbandɛba zo maa ɔ nye ɛvinde kpalɛ, amaa mɔɔ kɛgenga la adɔ ɛbɔ nu.

Edwɛkpa ne kɛmɔ Luku hɛlɛle la 22:16

Ɔluakɛ meka meahile bɛ kɛ, menrɛli ye bieko kɔkpula kɛ ye kpɔkɛ mɔɔ ɔgyi zo la ɛli munli wɔ Nyamenle Belemgbunlililɛ nu.”

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

1 Tem 4:9

Ɛhye le nɔhalɛ edwɛkɛ mɔɔ ɔwɔ kɛ bɛdie bɛto nu bɔkɔɔ a.

2 Tem 2:11

Edwɛkɛ ne le nɔhalɛ, ɔse: “Saa yɛ nee ye ɛwu a, ɛnee yɛ nee ye badɛnla ngoane nu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

Yekile 1:1

Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.

Yekile 1:19

Zɔhane ati, kɛlɛ ninyɛne mɔɔ wɔnwu bɛ la, ninyɛne mɔɔ wɔ ɛkɛ ne kɛkala nee mɔɔ li ɛhye mɔ anzi bara la amuala.

Yekile 10:4

Mɔɔ maanle nu hulule fane nsuu la, menyɛle kɛ mekɛlɛ, na mendele kɛ ɛnelɛ vi anwuma, ɔse, “Mɔɔ ɛdele wɔ ɛhululɛ fane nsuu ne anu la maa ɔha ɛ ti anu, mmakɛlɛ!”

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”

Yekile 17:1

Nyamenle soanvolɛma nsuu ne mɔɔ dedɛ dwora ne mɔ la anu ko rale me nwo ɛkɛ na ɔzele me kɛ, “Bɛla maa mengile wɔ kɛ bɛsi bɛadea tuutuunli ne mɔɔ ɛlie duma la, meka suakpole ne mɔɔ ɛlie duma mɔɔ bɛhye ye wɔ azudenle ne mɔ anloa la.

Yekile 17:17

Ɔluakɛ Nyamenle ɛva ye gyimayɛlɛ nwo adwenle ɛwula bɛ ahonle nu, amaa bɛabɔ nu bɛayɛ ko, wɔ bɛ nyɛleɛ nu na bɛava bɛ tumi ne bɛamaa nane ne ali belemgbunli ahɔkpula mekɛ mɔɔ Nyamenle Edwɛkɛ ne kɛyɛ zɔhane la.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 2:12

“Kɛlɛ ɛhye kɔmaa Pɛgamɛm asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ dadeɛ anye nwiɔ ne mɔɔ yɛ nla la ɛkɛ.

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.

Yekile 21:5

Na mɔɔ de belemgbunli ebia kpole ne azo la hanle kɛ, “Kɛkala, meyɛ ninyɛne kɔsɔɔti fofolɛ!” Eza ɔzele me kɛ, “Kɛlɛ ɛhye, ɔluakɛ edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.”

Yekile 22:6

Na Nyamenle soanvolɛ ne zele me kɛ, “Edwɛkɛ ɛhye mɔ le nɔhalɛ na bɛfa bɛ rɛle bɛwula nu a ɔyɛ boɛ. Awulae Nyamenle ne mɔɔ fa ye Sunsum ne wula ye kpɔmanvolɛma la yɛɛ ɛzoa ye soanvolɛma ne mɔ anu ko kɛ ɔraye mɔɔ ɛnrɛhyɛ biala na yeazi la ɔhile ye sonvolɛma ne mɔ a.”

Yekile 3:1

“Kɛlɛ, ɛhye kɔmaa Saadese asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ Nyamenle Sunsum nsuu ne nee nwɔlɔra nsuu ne la ɛkɛ ne. Meze mɔɔ ɛlɛyɛ la amuala; meze kɛ wɔlie duma kɛ ɛ nye gyi zo, noko wɔwu.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.