Yekile 19:2 - BAEBOLO ANZƐƐ BULUKU NWUANZANWUANZA

² Ɔluakɛ ye ndɛnebualɛ le nɔhalɛ, ɔle fɔɔnwo! Yebua tuutuunli ne mɔɔ ɛlie duma na yeva ye adwɔmanebɔlɛ yezɛkye ewiade la ewule fɔlɛ. Nyamenle ɛdea ye, ɔluakɛ yehu Nyamenle sonvolɛma ne mɔ amuala.”

Yekile 19:2 ပူးပေါင်းရင်းမြစ်များ

2 Arl 9:7

Ɛbahu ɛ menle Ehabe nee ɔ bo zo amra, amaa meanyia adenle meazenra Gyɛzɛbɛle kɛ ɔhunle Ɛdɛnkɛma kpɔmanvolɛma ne mɔ, na ɔhanle me sonvolɛma mogya ɔguale a.

Edwɛndolɛ Buluku ne 19:9

Ɛdɛnkɛma ɛzonlenlɛ nwo te, ɔwɔ ɛkɛ ne dahuu; Ɛdɛnkɛma mɛla ne mɔ le nɔhalɛ, bɛ muala bɛle fɔɔnwo.

Ayezaya Buluku ne 25:1

O Ɛdɛnkɛma, ɛle me Nyamenle; mebali wɔ eni kpole, mebaye wɔ duma ayɛlɛ, ɔluakɛ wɔyɛ nwanwane ninyɛne, tete yɛɛ ɛhyehyɛle bɛ a, yɛɛ nɔhalɛ nu wɔyɛ.

Daneɛle Buluku ne 7:26

Na ndɛnebuavolɛ ne baradɛnla aze, abua ndɛne alie ye belemgbunlililɛ ne ɔ sa nu, na bɛabɔ ɔ bo zo bɔkɔɔ.

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Mɛla 32:43

“Maanle maanle, bɛye Ɛdɛnkɛma menli ne ayɛlɛ; ɔluakɛ Ɛdɛnkɛma di ye sonvolɛma ati, ɔsenra ye kpɔvolɛma amuala, na ɔkpɔda ɔ nwo wɔ ye menli ne ati.”

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 18:3

Ɔluakɛ ɔvale adwɔmanebɔlɛ anyebolo ɔhilehilele menli kɔsɔɔti, ɔmanle bɛzɛkyele. Ewiade arelemgbunli kɔsɔɔti nee ye bɔle adwɔmane, yɛɛ ewiade gualilɛma luale ye anyebolo zo nyianle bɛ nwo!”

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”