Yekile 18:9 - BAEBOLO ANZƐƐ BULUKU NWUANZANWUANZA

⁹ Bɛdabɛ arelemgbunli mɔɔ bɛwɔ ewiade, mɔɔ bɛ nee ye bɔle adwɔmane ɛbɛla, bɛyɛle anyebolo la, saa bɛnwu kɛ sua ne ɛlɛsi ayela la a, bɛbazu bɛadedɛ bɛ nwo bonrane nu.

Yekile 18:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:28

Ɔdole ɔ nye Sodɔm nee Gomɔla na ɔnleanle azɛlɛ ne mɔɔ la bɔnza ne anu la amuala azo, na ɔnwunle kɛ maanle ne mɔɔ ɛlɛyela la esike ne ɛdwazo bolonwonwo kɛ tɔlɔra senle.

Edwɛndolɛ Buluku ne 58:10

Tenlenenli ne nwu nzenralɛ ne a ɔ nye balie; ɔbawudwu amumuyɛma mogya ne.

Ayezaya Buluku ne 13:19

Na Nyamenle bazɛkye Babelonia, maanle kɛnlɛma ne mɔɔ tɛla maanle maanle kɔsɔɔti, maanle ne mɔɔ nuhua menli fa ye tu bɛ nwo la, kɛ ɔzɛkyele Sodɔm nee Gomɔla la.

Ayezaya Buluku ne 30:33

Bɛziezie ɛleka wɔ ɛkɛ ne dɛbadɛba mɔɔ bɛbava bɛayela Aselea belemgbunli ne a. Nuhua le kuma, ɔtɛlɛ, yɛɛ bɛziezie ɛyɛne dɔɔnwo wɔ nuhua. Ɛdɛnkɛma bava ye ɛnwomenle ne mɔɔ sɔ kɛ sɔlefe la yeamaa yeazɔ.

Gyɛlɛmaya Buluku ne 50:40

Kɛ menyɛle Sodɔm nee Gomɔla nee azua mɔɔ zuozua bɛ la, zɔhane ala a mebava meayɛ Babelonia a. Awie agyakɛ ba ɛnrɛtia ɛkɛ. Medame Ɛdɛnkɛma a mese a.

Gyɛlɛmaya Buluku ne 50:46

Babelɔn azedɔlɛ ne bamaa azɛlɛ ye akpusu, yɛɛ bɛbade ye ɛzunlɛ ne wɔ maanle maanle zo.”

Gyɛlɛmaya Buluku ne 51:8

Babelonia ɛdu ɛdɔ arɛlevilɛ nu ɛbubu. Bɛzu ye ɛ! Bɛva ayile ɛnlome bɛkpuda ye, wɔannea a, ɔ nwo kɛza.

Yizikeɛle Buluku ne 27:35

“Wɔ anwubɛnyunlu ne ɛmaa awie biala mɔɔ de ɛnweanloa la ahonle ɛdu; na ɛzulolɛ ɛmaa bɛ arelemgbunli nyunlu ɛdo.

Daneɛle Buluku ne 4:14

Ɔdeanle nuhua kpole bie kɛ, ‘Bɛdu baka ne bɛdo aze, bɛpepɛ ye ngane ne mɔ, bɛkpolo ye nya ne mɔ na bɛdo ye ma ne mɔ bɛkponde. Bɛmaa nane ne mɔ ɛvi ɔ bo ɛnriandi ɛhɔ na nloma ne mɔ vi ye ngane ne mɔ anu ɛdu.

Mɛla 29:23

Bɛbanwu kɛ azɛlɛ ne ɛhwie, ɛhwee ɛnfifi zolɛ, bɛnlua debie zolɛ, ndile ɛnfifi zolɛ, zolɛ le sɔlefe nee ngyenle ngome, na yeyɛ kɛ Sodɔm nee Gomɔla, Ademaa nee Zɛbɔyem mɔɔ Ɛdɛnkɛma vale ɛya zɛkyele bɛ la.

1 Tem 5:11

Mmafa kunlanvolɛ bɛlɛra biala ɛboka kunlanvolɛma aluma ne anwo, ɔluakɛ saa bɛ atiakunluwɔzo ne dwazo a, ɛnee bɛkulo kɛ bɛkɔ agyalɛ na bɛtwe bɛ nwo bɛfi Kelaese anwo,

Yekile 14:11

Senle ne mɔɔ yelɛyela bɛ la anu esike ne kɔ anwuma anwuma dahuu mɔɔ ɔ bo ɛmpɛ ɛlɛ a. Bɛdabɛ mɔɔ bɛsonle nane ne nee ye ananze ne, na bɛlɛ ye duma ne sɛkɛlɛneɛ ne bɛ nwo la anwo ɛnrɛdɔ bɛ ɛlɛ alehyenlɛ nee aledwolɛ muala.”

Yekile 17:2

Ewiade arelemgbunli zukoale ye, nee ye bɔle adwɔmane ɛbɛla, na menli mɔɔ wɔ ewiade la amuala ɛyɛ mgbane kɛ bɛ nee ye ɛbɔ ye adwɔmane ɛbɛla ne a.”

Yekile 18:18

na mɔɔ bɛnwunle kɛ sua ne ɛlɛsi azɔ la, bɛhanle kɛ, “Suakpole biala ɛnle ɛkɛ mɔɔ nee suakpole ɛhye sɛ a.”

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 18:3

Ɔluakɛ ɔvale adwɔmanebɔlɛ anyebolo ɔhilehilele menli kɔsɔɔti, ɔmanle bɛzɛkyele. Ewiade arelemgbunli kɔsɔɔti nee ye bɔle adwɔmane, yɛɛ ewiade gualilɛma luale ye anyebolo zo nyianle bɛ nwo!”

Yekile 18:7

Bɛmaa ɔde nyane na ye amaneɛnwunlɛ ne ɛyɛ kpole kɛ ye anyunlunyia nvoanle ne mɔɔ ɔnyianle, nee ye anwoneɛ ne mɔ mɔɔ ɔvale ɔyɛle ɔ nwo la. Kɛmɔ ɔde a ɔka ɔkile ɔ nwo kɛ, ‘Mele belemgbunli raalɛ! Menle kunlanvolɛ raalɛ, menrɛnwu nyane deɛ holɛ’ la,

Yekile 19:3

Eza bɛdeanle nu kɛ, “Bɛye Nyamenle ayɛlɛ! Esike ne mɔɔ vi suakpole ne ɛyelalɛ nu finde la dwazo bolonwonwo mɔɔ ɔngua ɛlɛ a!”

Yekile 2:22

Ɛhye ati mebamaa anwonyane abɔ ye na meamaa bɛdabɛ mɔɔ bɛ nee ye donle awuvolɛvalɛ mɛla ne la anwu amaneɛ, kyesɛ bɛnu bɛ nwo wɔ amumuyɛ ne mɔɔ bɛ nee ye yɛle la anwo.