Yekile 18:7 - BAEBOLO ANZƐƐ BULUKU NWUANZANWUANZA

⁷ Bɛmaa ɔde nyane na ye amaneɛnwunlɛ ne ɛyɛ kpole kɛ ye anyunlunyia nvoanle ne mɔɔ ɔnyianle, nee ye anwoneɛ ne mɔ mɔɔ ɔvale ɔyɛle ɔ nwo la. Kɛmɔ ɔde a ɔka ɔkile ɔ nwo kɛ, ‘Mele belemgbunli raalɛ! Menle kunlanvolɛ raalɛ, menrɛnwu nyane deɛ holɛ’ la,

Yekile 18:7 ပူးပေါင်းရင်းမြစ်များ

Ɛseta Buluku ne 6:10

Na belemgbunli ne zele Heeman kɛ, “Ka ɛ nwo kɔva belemgbunli adɛladeɛ ne mɔ bie nee ɛkpɔnwɔ, kɛmɔ ɛdawɔ wɔha la, na yɛ mɔɔ wɔha la maa Dwuunli Mɔdekae mɔɔ de suakunlu ɛke anuhɔlɛ ne la. Debie biala mɔɔ wɔha la, mmagyakyi bie nuhua.”

Edwɛndolɛ Buluku ne 10:6

Ɔdwenle ɔka kɛ, “Menrɛhyia ɛlɛ, munzule ɛnrɛdo me ɛlɛ wɔ awolɛndoazo kɔsɔɔti anu.”

Edwɛndolɛ Buluku ne 45:9

Arelemgbunli mralɛ mraalɛ boka mbɛlɛra mɔɔ wɔ wɔ suakunlu ɛkɛ ne la anwo; belemgbunli raalɛ ne gyi wɔ fema zo ɛkɛ, yeva Ɔfɛ ezukoa nvutuke yeyɛ ɔ nwo sɔɔnwo.

Gyɛlɛmaya Buluku ne 13:18

Ɛdɛnkɛma zele me kɛ, “Ka kile belemgbunli ne nee ɔ nli kɛ bɛvi bɛ mbia ne mɔ azo bɛdwu aze, na bɛ abɔtile ngɛnlɛma ne mɔ vi bɛ ti ɛdu ɛgua.

Gyɛlɛmaya Awolɛyelɛ 1:1

Gyɛlusalɛm a ɛyɛ kɛnlanana zɛhae la! Suakpole mɔɔ anrɛɛ zolɛ le gbudugbudu, nea kɛ akee yeyɛ kɛ kunlanvolɛ raalɛ a, anrɛɛ ɔle kpole wɔ maanle maanle avinli! Azuamgbole nu suakpole ɛnɛ ɛyɛ akɛlɛ maanle.

Yizikeɛle Buluku ne 23:34

Ɛbanlo wɔatafe nuhua, na wɔazɔ ɛ ti enrinli wɔadudu ye, wɔarelerele ɛ kɛnra azo; ɔluakɛ medame Awulae Nyamenle a mese a.”

Obadaya Buluku ne 1:3

Bɛ adubɛnwo ne ɛbɛlɛbɛla bɛ. Bɛ mgbole ne mɔɔ bɛlua a bɛka kɛ, kɛmɔ bɛkyekye bɛ suakpole ne bodane zo, na bɛwɔ awoka zo la ati, ‘Awie ɛnrɛhola yɛ ɛhwee yɛ’ la,

Zɛfanaya Buluku ne 2:15

Suakpole ne mɔɔ memanle ɔ nwo zo, dwenlenle kɛ ɔ nwo ɛdɔ ye na ɔhanle kɛ, “Medame ɛne, awie bieko ɛnle ɛkɛ” la, ɛyɛ suadu bɔkɔɔ, yehakyi ɛleka mɔɔ nanemgbole da die bɛ ɛnwomenle a. Awie biala mɔɔ pɛ nuhua ɛkɛ la tea nu na ɔkpusu ɔ ti.

1 Tem 5:11

Mmafa kunlanvolɛ bɛlɛra biala ɛboka kunlanvolɛma aluma ne anwo, ɔluakɛ saa bɛ atiakunluwɔzo ne dwazo a, ɛnee bɛkulo kɛ bɛkɔ agyalɛ na bɛtwe bɛ nwo bɛfi Kelaese anwo,

Yekile 18:3

Ɔluakɛ ɔvale adwɔmanebɔlɛ anyebolo ɔhilehilele menli kɔsɔɔti, ɔmanle bɛzɛkyele. Ewiade arelemgbunli kɔsɔɔti nee ye bɔle adwɔmane, yɛɛ ewiade gualilɛma luale ye anyebolo zo nyianle bɛ nwo!”

Yekile 18:9

Bɛdabɛ arelemgbunli mɔɔ bɛwɔ ewiade, mɔɔ bɛ nee ye bɔle adwɔmane ɛbɛla, bɛyɛle anyebolo la, saa bɛnwu kɛ sua ne ɛlɛsi ayela la a, bɛbazu bɛadedɛ bɛ nwo bonrane nu.