Yekile 18:6 - BAEBOLO ANZƐƐ BULUKU NWUANZANWUANZA

⁶ Bɛva mɔɔ ɔvale ɔyɛle bɛ la bie bɛyɛ ɔdaye, bɛdua ye kakɛ fane nwiɔ wɔ ye nyɛleɛ nwo, bɛmaa ɔnwu amaneɛ fane nwiɔ ɔdɛla mɔɔ ɔvale ɔhilele bɛ la.

Yekile 18:6 ပူးပေါင်းရင်းမြစ်များ

Edwɛndolɛ Buluku ne 137:8

O Babelɔn, wɔmɔ sɛkyeravolɛ! Ahenle mɔɔ bali wɔ nzenralɛ wɔ mɔɔ wɔva wɔyɛ yɛ la anwo la anye balie kpole!

Edwɛndolɛ Buluku ne 28:4

Bua bɛ ndɛne, kɛmɔ bɛ gyima si de la, nee kɛmɔ bɛ ninyɛndane ne mɔ si de la. Tua bɛ kakɛ, kɛmɔ bɛ sa anloa gyima si de la. tua bɛ kakɛ mɔɔ fɛta la.

Ayezaya Buluku ne 40:2

Bɛdendɛ bɛtɛɛ bɛhile Gyɛlusalɛmma, na bɛdea nu bɛze bɛ kɛ bɛ ɛbɛla nu konle ne ɛwie; bɛva bɛ ɛtane bɛhyɛ bɛ. Na mɔɔ bɛ ɛtane ne mɔ ati bɛminlinle ye la Ɛdɛnkɛma bamaa bɛanyia ye mɔnwo.”

Ayezaya Buluku ne 61:7

Bɛ anyiemgba nee bɛ nyunlu aze ɛgualɛ ɛwie; Bɛbanyia mɔɔ bɛminli la mɔnwo na bɛali fɛlɛko; Yemɔti bɛbanyia bɛ azɛlɛ ne mɔnwo bɛayɛ bɛ ɛdeɛ; Na bɛali fɛlɛko mɔɔ ɛnlɛ awieleɛ.

Gyɛlɛmaya Buluku ne 16:18

Bɛva bɛ bɛkyi mmonle ninyɛne ne mɔ bɛzɛkye me azɛlɛ ne. Bɛkyi nyɛleɛ ngome a bɛyɛ ye azɛlɛ ne azo a, yemɔti mebadua bɛ amumuyɛ nee bɛ ɛtane mɔɔ bɛlɛyɛ ye ɛkɛ ne la anwo kakɛ mɔnwo.”

Gyɛlɛmaya Buluku ne 17:18

Maa menli mɔɔ yɛ me kpɔdekpɔde la anyunlu ɛgua aze, na mmamaa me nyunlu gua aze. Maa bɛ ahonle ɛdu, na mmamaa me ahonle tu. Maa munzule ɛdo bɛ na bɔ bɛ bo zo fane nwiɔ.

Gyɛlɛmaya Buluku ne 50:15

Bɛdea nuhua, bɛha ye ɛleka biala kɛ Babelɔn ɛmaa ɔ sa zo; bɛgologolo ye bane ne mɔ bɛgua, ɔluakɛ, kɛ medame Ɛdɛnkɛma me nzenralɛlilɛ ne de la ɛne. Bɛli ye nzenralɛ, mɔɔ ɔyɛle la, bɛyɛ ye bie bɛzie ɔ bo zo.

Gyɛlɛmaya Buluku ne 50:29

“Medame Ɛdɛnkɛma, Yizilayɛ Nwuanzanwuanza Ko ne, mese: Bɛvɛlɛ menli mɔɔ ze ɛda to la bɛmaa bɛhɔ Babeloniama anwo zo. Bɛbɛnra bɛyia bɛ, bɛmmamaa ko bɔbɔ fi ɛsalɛ. Bɛdua ye kakɛ wɔ ye nyɛleɛ kɔsɔɔti mɔɔ yeyɛ la anwo, ɔboalekɛ ɔ nye anzɔ me.

Gyɛlɛmaya Buluku ne 51:24

Ɛdɛnkɛma se, “Mebadua Babelonia nee menli mɔɔ de Babelonia la kakɛ wɔ amumuyɛ mɔɔ bɛyɛ ye wɔ Gyɛlusalɛm la anwo.

Gyɛlɛmaya Buluku ne 51:49

Babelonia hunle ewiade menli muala, yemɔti ɔwɔ kɛ bɛbɔ ye, ɔboalekɛ ɔhunle Yizilayɛma.”

Gyɛlɛmaya Awolɛyelɛ 3:64

“O Ɛdɛnkɛma, tea bɛ wɔ mɔɔ bɛyɛ la anwo.

Zɛkalaya Buluku ne 9:12

Bɛzia bɛrɛla bɛ ɛvealeka ne, O bɛmɛ pilizama mɔɔ bɛlɛ anyelazo a, ɛnɛ meka meahile bɛ kɛ, debie biala mɔɔ bɛminli ye la, mebamaa bɛanyia ye mɔnwo.

2 Tem 4:14

Alɛzanda mɔɔ le kɔbele dwinvolɛ ne ɛyɛ me ɛtane kpole, na Awulae badua ye nwolɛ kakɛ noko, kɛmɔ ɔfɛta la.

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.

Yekile 16:19

Suakpole ne anu hyɛle nsa, yɛɛ maanle maanle azuamgbole ne mɔ kɔsɔɔti bɔle tɔɔ. Nyamenle hakyele mɔɔ suakpole Babelɔn ɛyɛ la, na ɔkpokpole ye ɛya ne kɔsɔɔti ɔguale ɔ ti zo.

Yekile 17:2

Ewiade arelemgbunli zukoale ye, nee ye bɔle adwɔmane ɛbɛla, na menli mɔɔ wɔ ewiade la amuala ɛyɛ mgbane kɛ bɛ nee ye ɛbɔ ye adwɔmane ɛbɛla ne a.”

Yekile 17:4

Raalɛ ne mɔɔ de zolɛ la heda arelemgbunli ɛdanlɛ kɔkɔlɛ, buluwu nee akɔlɛ ɛnlome afonla na yeva ezukoa nvutuke anwoneɛ, mgbɔba, yɛɛ avikpa yeziezie ɔ nwo. Ɔlɛ ezukoa nvutuke dwora ɔ sa nu. Munzule ninyɛne mgbane mgbane mɔɔ le bɛkyi nee ye adwɔmanebɔlɛ nwo ninyɛndane ngome a wɔ nu a.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.