Yekile 18:4 - BAEBOLO ANZƐƐ BULUKU NWUANZANWUANZA

⁴ Na mendele ɛnelɛ bieko vi anwuma, ɔse, “Bɛvinde, me menli, bɛvi zolɛ bɛye bɛ nwo, anrɛɛ bɛkɛyɛ ye ɛtane ne bie, bɛkɛmaa ye munzule ne bie kɛha bɛ.

Yekile 18:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:14

Yemɔti Lɔɔto vindele nɔe ne hɔdunwuele ɔ mra mraalɛ ne mɔ bɛ hu mɔ mɔɔ baragya bɛ la, na ɔzele bɛ kɛ, “Bɛdwazo, bɛvi suakpole ye azo bɛye bɛ nwo, ɔluakɛ Ɛdɛnkɛma ɛlɛba arazɛkye suakpole ye.” Noko bɛdwenlenle kɛ ɔlɛbɔ nzɛmedɛ.

Edwɛndolɛ Buluku ne 50:18

Bɛnwu awule a, bɛfa ye agɔnwolɛ; yɛɛ bɛ nee awuvolɛvalɛma tu.

Ayezaya Buluku ne 48:20

Bɛvi Babelɔn bɛye bɛ nwo, bɛnriandi bɛvi Babelonia. Bɛbɔ ye nolo, bɛva anyelielɛ bɛdeɛdea nu bɛha, bɛmaa ɔdwu azɛlɛ ye azo amuala; bɛha kɛ, “Ɛdɛnkɛma ɛkpɔne ye sonvolɛ Gyekɔbo abo zo amra ne!”

Ayezaya Buluku ne 52:11

Bɛhɔ, bɛhɔ, bɛvi Babelonia bɛdwazo bɛhɔ, bɛmmafa bɛ sa bɛka debie biala mɔɔ evinli ɛha ye la. Bɛhɔ na bɛhɔnlua bɛ nwo, bɛmɛ mɔɔ bɛsoa Ɛdɛnkɛma dwora ne mɔ la.

Gyɛlɛmaya Buluku ne 50:8

“Yizilayɛma, bɛnriandi bɛvi Babeloniama avinli, bɛyɛ kɛ mbɔnkye nyinli bɛnriandi bɛli mboane ne mɔ anyunlu.

Gyɛlɛmaya Buluku ne 51:45

Me menli Yizilayɛma, bɛye bɛ nwo zo wɔ Babelɔn. Awie biala ɛnriandi ɛvi me ɛya kpole ne anu ɛlie ye ngoane!

Gyɛlɛmaya Buluku ne 51:50

Ɛdɛnkɛma zele ye menli mɔɔ wɔ Babelonia la kɛ, “Bɛdabɛ mɔɔ bɛvi ɛsalɛ wɔ konle ne anu la, bɛhɔ, bɛmmagyinla ɛkɛ ne zɔhane! Kanza bɛwɔ moa bɔbɔ a, bɛhakye medame Ɛdɛnkɛma, na bɛhakye Gyɛlusalɛm.

Gyɛlɛmaya Buluku ne 51:6

Bɛnriandi bɛvi Babelonia. Awie biala ɛnriandi ɛlie ye ngoane. Bɛmmadie Babeloniama ɛtane nwo ewule bɛwu, ɔluakɛ mekɛ ɛhye a mefa meadea bɛ wɔ ɛtane mɔɔ bɛyɛ me la anwo a.

Gyɛlɛmaya Buluku ne 51:9

Na nyɛvolɛ mɔɔ wɔ maanle ne anu la hanle kɛ, ‘Ɛnee yɛkulo kɛ yɛyɛ Babelonia ayile; yɛyɛle biala na ɔ nwo anza. Bɛkpo ye, awie biala ɛhɔ ye maanle nu, ɔluakɛ Babelonia ndeanlɛ ne ɛyɛ kpole.’ ”

Edwɛkpa ne kɛmɔ Mateyu hɛlɛle la 23:30

na bɛka kɛ, ‘Saa yɛ nlenya mɔ mekɛ zo ɛnee yɛde aze a, anrɛɛ yɛanyɛ mɔɔ bɛyɛle la bie, yɛangu Nyamenle kpɔmanvolɛma ne mɔ.’

2 Kɔl 6:17

Yemɔti kɛ Awulae se la ɛne, “Bɛgyakyi bɛ na bɛhwe bɛ nwo bɛvi bɛ nwo. Bɛmmafa bɛ sa bɛka debie mɔɔ anwo ɛnde la, na menwɔlie bɛ.

1 Tem 5:22

Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.

2 Dw 1:11

Ɔluakɛ awie biala mɔɔ kɛlie ye la nee ye yɛ adwenle wɔ ye ninyɛndane ne mɔ ɛyɛlɛ nu.