Yekile 18:2 - BAEBOLO ANZƐƐ BULUKU NWUANZANWUANZA

² Ɔvale ɛnelɛ kpole ɔhanle kɛ, “Yebɔ! Suakpole Babelɔn ɛbɔ bɔkɔɔ! Yeyɛ suadu, ɛnɛ sunsum ɛtane nee mbɔnsam a wɔ zolɛ a, yɛɛ nloma ɛtane anwo kpokpɔtɔɔ a wɔ zolɛ a.

Yekile 18:2 ပူးပေါင်းရင်းမြစ်များ

Ayezaya Buluku ne 14:23

Mebamaa fuke ava azɛlɛ ne; mebamaa nzule apepɛ bula bula agyinlegyinla zolɛ, na meava ɛzɛkyelɛ sane ne meapia ye meahɔgua. Medame Tumivolɛ Ɛdɛnkɛma a mese a.”

Gyɛlɛmaya Buluku ne 25:30

“Gyɛlɛmaya, ka nrɛlaleɛ ɛhye kɔsɔɔti tia menli ne kɛ: Medame Ɛdɛnkɛma, mebadea nu wɔ anwuma, mebadendɛ meavi me ɛleka nwuanzanwuanza ne; mebadea me menli ne nu kpole kpalɛ, kɛ sonla mɔɔ twihwi vanye ma nu nzule la meatia aleɛabo amra kɔsɔɔti.

Gyɛlɛmaya Buluku ne 51:37

Babelonia bayɛ suadu na ɛkɛ ne ayɛ ɛzonlɛ dabelɛ. Ɔbayɛ ɛleka ɛzulolɛ mɔɔ menli ɛnrɛdɛnla ɛkɛ a. Awie mɔɔ kɛhɔvinde zolɛ la babɔ mgbatike.

Gyɛlɛmaya Buluku ne 51:8

Babelonia ɛdu ɛdɔ arɛlevilɛ nu ɛbubu. Bɛzu ye ɛ! Bɛva ayile ɛnlome bɛkpuda ye, wɔannea a, ɔ nwo kɛza.

Dwowɛle Buluku ne 3:16

Ɛdɛnkɛma kulu wɔ Zayɔn Boka; ɔ ne kpusu wɔ Gyɛlusalɛm, na anwuma nee azɛlɛ kpusu. Ɛdɛnkɛma le ye menli ne ɛvealeka, ɔle aranemgbole ɔmaa Yizilayɛma.

Zɛfanaya Buluku ne 2:14

Mboane, nlankɛ nee nane ngakyile, ɛkpɔtɛ nee ɛzonlɛ mɔ bava bɛ maanle ne azuamgbole ne mɔ ayɛ bɛ alaleɛ. Kpadule bavea azua ne mɔ anu, na bɛ ɛzunlɛ balielie nvɛnzɛlɛ ne mɔ anu, ɔluakɛ ye sida mbaka mgbunla ne mɔ anwo bala ɛkɛ.

Yekile 1:15

ɔ gyakɛ anwo ta kɛ ayera mɔɔ bɛdu nu na bɛhwi nwolɛ la, na ɔ ne dielie kɛ azule mɔɔ lua awolɛ zo la.

Yekile 10:3

na ɔvale ɛnelɛ mɔɔ dielie kɛ awenade ne la ɔdeanle nu kpole bie. Ɔdeanle nu ala la, maanle nu hulule fane nsuu.

Yekile 11:8

na bɛ avunli baha suakpole ne mɔɔ bɛbɔle bɛ Awulae ne meanubaka nu wɔ zolɛ la guabile ne azo. Suakpole zɔhane duma, bɛbavɛlɛ ye kɛ, sɛbe, Sodɔm anzɛɛ Yigyibiti.

Yekile 14:15

Nyamenle soanvolɛ ko noko vi Ɛzonlenlɛ Sua ne anu vindele na ɔdeanle nu ɔzele mɔɔ de amungu ne azo la kɛ, “Fa wɔ ɛdedadeɛ ne te bɛyɔba ne; ɛbuhenle ne ɛdwu, ɔluakɛ azɛlɛ ye azo bɛyɔba ne ɛwie bolo.”

Yekile 14:8

Nyamenle soanvolɛ ko noko ɔdaye ɔdoa ye na ɔse, “Yebɔ! Suakpole Babelɔn mɔɔ ɛlie duma la ɛbɔ bɔkɔɔ! Ɔmanle maanle maanle kɔsɔɔti anu amra zukoale ye na bɛvale adwɔmanebɔlɛ bɛhakyile nza bɛnlonle!”

Yekile 16:13

Na menwunle sunsum nsa bie mɔɔ anwo ɛnde na bɛle kɛ ahɛlɛne la kɛ bɛvi nane anwo ɛzulolɛ ne mɔɔ le kɛ ɛlɛnrɛne la anloa anu, nane ko ne noko anloa anu, yɛɛ kpɔmanvolɛ alane ne anloa anu bɛlɛfinde bɛara.

Yekile 16:19

Suakpole ne anu hyɛle nsa, yɛɛ maanle maanle azuamgbole ne mɔ kɔsɔɔti bɔle tɔɔ. Nyamenle hakyele mɔɔ suakpole Babelɔn ɛyɛ la, na ɔkpokpole ye ɛya ne kɔsɔɔti ɔguale ɔ ti zo.

Yekile 17:18

“Raalɛ ne noko mɔɔ ɛnwunle ye la a le suakpole ne mɔɔ sie arelemgbunli mɔɔ wɔ azɛlɛ ye azo la amuala la.”

Yekile 17:5

Bɛhɛlɛ duma bie mɔɔ ye ndelebɛbo vea la bɛgua ɔ nwoma azo. Yemɔ a le, “Babelɔn mɔɔ ɛlie duma, tuutuuma bɛ nli nee ewiade bɛkyi ninyɛndane.”

Yekile 18:10

Bɛ ahonle badu wɔ ye amaneɛnwunlɛ ne ati na bɛagyinla amozi bɛaha kɛ, “Ɔyɛ ɛzulolɛ! Ɔyɛ nwanwane! Sua bɔdenle mɔɔ le kɛ Babelɔn! Bɛva dɔnehwele ko ala bɛdea wɔ, bɛbɔ wɔ tɔɔ!”

Yekile 18:21

Akee Nyamenle soanvolɛ anwo ɛzulolɛ ko manle bolɛ totohyia ko mɔɔ le kɛ ɛdibolɛ la zo na ɔvuandinle ɔdole nyevile ne anu, ɔse: “Kɛ bɛbavuandi suakpole Babelɔn bɛado la ɛne, na bɛnrɛnwu ye bieko.”

Yekile 5:2

Na menwunle Nyamenle soanvolɛ mɔɔ anwo yɛ ɛzulolɛ la ko, na ɔhanle ye kpole kpalɛ kɛ, “Nwane a fɛta na ɔkɛhola ɔkɛwaye ɛyɛlɛ ne na ɔkɛbuke nwoma ne anu a?”