Yekile 17:9 - BAEBOLO ANZƐƐ BULUKU NWUANZANWUANZA

⁹ “Ɛhye hyia maa nrɛlɛbɛ nee ndelebɛbo. Adile nsuu ne le awoka nsuu mɔɔ raalɛ ne de zolɛ a. Eza bɛle arelemgbunli nsuu:

Yekile 17:9 ပူးပေါင်းရင်းမြစ်များ

Daneɛle Buluku ne 12:4

“Na wɔmɔ, Daneɛle, to buluku ne anu na sɔ ɔ nloa, yɛɛ mɔɔ wɔde la maa ɔha ɛ ti anu, kɔkpula awieleɛ mekɛ ne. Menli banriandi ahɔ ara, na ndelebɛbo bayɛ kpole.”

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Mateyu hɛlɛle la 24:15

“Saa bɛnwu ‘Munzudeɛ ne mɔɔ bɔ maanle’, mɔɔ Nyamenle kpɔmanvolɛ Daneɛle hanle nwolɛ edwɛkɛ la kɛ ɔgyi ɛleka nwuanzanwuanza ne a, (Kengavolɛ, te ɛhye abo!)

Yekile 13:1

Akee menwunle kɛ nane bie vi nyevile ne anu ɛlɛfo ara file zo. Ɔlɛ mɛne bulu yɛɛ ɔ ti le nsuu. Bɛbɔ ye mɛne ne mɔ ko biala abɔtile na bɛhɛlɛ duma ɛtane bie mɔɔ tia Nyamenle la bɛgua nwolɛ.

Yekile 13:18

Ɛhye hyia maa nrɛlɛbɛ. Mɔɔ lɛ ndelebɛbo la kola sese nwu nane ne nɔma ne abo, ɔboalekɛ nɔma ne le sonla duma. Nɔma ne a le ɛya nsia abulasia nee nsia (666)

Yekile 17:18

“Raalɛ ne noko mɔɔ ɛnwunle ye la a le suakpole ne mɔɔ sie arelemgbunli mɔɔ wɔ azɛlɛ ye azo la amuala la.”

Yekile 17:3

Sunsum ne rawolole me, na Nyamenle soanvolɛ ne vale me hɔle ɛsɛlɛ bie azo. Ɛkɛ ne, menwunle raalɛ bie kɛ ɔde nane kɔkɔlɛ bie azo. Nane ne bɛhɛlɛhɛlɛ aluma ɛtane ɛtane mɔɔ tia Nyamenle la wɔ ɔ nwo. Nane ne ati le nsuu yɛɛ ye mɛne le bulu.

Yekile 17:7

Nyamenle soanvolɛ ne bizale me kɛ, “Duzu ati a ɛhye ɛzi ɛ nwo ɛ? Mebahile wɔ raalɛ ne, nee nane ati nsuu ne mɔɔ lɛ mɛne bulu ne mɔɔ ɔde zolɛ la abo.