Yekile 17:7 - BAEBOLO ANZƐƐ BULUKU NWUANZANWUANZA

⁷ Nyamenle soanvolɛ ne bizale me kɛ, “Duzu ati a ɛhye ɛzi ɛ nwo ɛ? Mebahile wɔ raalɛ ne, nee nane ati nsuu ne mɔɔ lɛ mɛne bulu ne mɔɔ ɔde zolɛ la abo.

Yekile 17:7 ပူးပေါင်းရင်းမြစ်များ

2 Tɛs 2:7

Kɛkala, menli somaa ɛlɛyɛ ninyɛndane atia mɔɔ Nyamenle ɛhyehyɛ la, noko mɔɔ bazi la ɛnrɛzi kɔkpula mekɛ mɔɔ bɛkɛye ahenle ne mɔɔ si ye aze la ɛkɛ ne la,

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 12:3

Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.

Yekile 18:1

Ɛhye anzi menwunle kɛ Nyamenle soanvolɛ ko noko vi anwuma ɛlɛdwu aze. Ɔlɛ tumi kpole, na kɛ ɔ nwo si ta la manle ewiade ye amuala yɛle wienyi.