Yekile 17:6 - BAEBOLO ANZƐƐ BULUKU NWUANZANWUANZA

⁶ Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Yekile 17:6 ပူးပေါင်းရင်းမြစ်များ

Daneɛle Buluku ne 7:21

“Mekanwu ye la ɛnee nane mɛne ɛhye nee Anwuma Anwumanli ne menli ne ɛho na yeli bɛ nwo zo konim.

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Habakɛke Buluku ne 1:13

Wɔmɔ, ɛlɛ ɛnyelɛ mɔɔ zolɛ te kpalɛ mɔɔ ɛnva ɛnnea ninyɛndane nee ɛtane a. Duzu ati a ɛ nye gyi menli ne mɔɔ ɛnlɛ diedi la anwo na wɔyɛ koonwu ɛlɛmaa amumuyɛma ye azɛkye tenlenema ɛ?

Dw 2:10

na ɔzele ye kɛ, “Awie biala die atɔfolɛ a, ɔdumua ɔye ye nwanye kpalɛ ne ɔfinde, na mɔɔ bɛkɛbo ekyii la akee yeava nwanye mɔɔ anwo ɛngyia la yeara. Na wɔ ɛdeɛ ne, yeanyɛ zɔhane. Wɔva kpalɛ ne wɔzie dedee yeradwu bekezɛ!”

Ɛzoanvolɛma Gyima ne 22:20

Mekɛ mɔɔ bɛku wɔ dasevolɛ Sitivin la, ɛnee medame mewɔ ɛkɛ, me kunlu dwole ye ɛhunlɛ nwo na menliele menli mɔɔ hunle ye la ndanlɛ menlɛle bɛ.’

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 13:15

Bɛmanle adenle bɛmanle nane ɛhye mɔɔ tɔ zolɛ nwiɔ la liele ɛnwomenle guale alumua nane ne ananze ne azo, amaa ananze ne adendɛ. Eza bɛmanle ye adenle bɛmanle ɔhunle bɛdabɛ mɔɔ bɛanzonle alumua nane ne ananze ne la amuala.

Yekile 13:7

Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.

Yekile 16:6

Bɛhanle Nyamenle menli ne nee kpɔmanvolɛma mogya bɛguale, na ɛdawɔ noko wɔmaa bɛ mogya kɛ bɛnlo. Mɔɔ bɛnyia ye la fɛta bɛ!”

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.