Yekile 17:3 - BAEBOLO ANZƐƐ BULUKU NWUANZANWUANZA

³ Sunsum ne rawolole me, na Nyamenle soanvolɛ ne vale me hɔle ɛsɛlɛ bie azo. Ɛkɛ ne, menwunle raalɛ bie kɛ ɔde nane kɔkɔlɛ bie azo. Nane ne bɛhɛlɛhɛlɛ aluma ɛtane ɛtane mɔɔ tia Nyamenle la wɔ ɔ nwo. Nane ne ati le nsuu yɛɛ ye mɛne le bulu.

Yekile 17:3 ပူးပေါင်းရင်းမြစ်များ

1 Arl 18:12

Kɛ metu me bo la ɛnee Nyamenle Sunsum ne ɛye wɔ ɛvi ɛke ɛhɔ ɛleka mɔɔ menze a. Ehabe ba badwu ɛke na ɛnle ɛke a, ɔbahu me. Kakye kɛ ɔvi me ngakula nu, mezonle Ɛdɛnkɛma dedee a yeradwu ɛnɛ a.

2 Arl 2:16

Bɛzele ye kɛ, “Nea, yɛdayɛ mɔɔ yɛwɔ ɛke la yɛle menli kpukputili abulanlu. Maa yɛhɔkpondɛ ɛ menle ne. Ɔkɛyɛ kɛ Nyamenle Sunsum ne vale ye hɔle anwuma la, yehɔgyakyi ye yedo boka bie azo anzɛɛ bɔnza bie anu.” Yilaehya buale bɛ kɛ, “Kyɛkyɛ, bɛmmakɔ.”

Sɔlɔmɔn Edwɛne 8:5

Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.

Yizikeɛle Buluku ne 11:24

Akee Nyamenle Sunsum ne vale me luale ɛnyelɛzodeɛnwunlɛ ne anu ziale rale Babelonia wɔ bɛdabɛ mɔɔ bɛhye bɛ bɛhɔ nlɔnu la avinli. Akee me nye zo tetele me.

Yizikeɛle Buluku ne 3:12

Akee Nyamenle Sunsum ne manle me zo, na mɔɔ Ɛdɛnkɛma anyunlunyia ne ɛlɛkpogya ɔ nwo zo avi ɔ bo zo ne la, mendele azɛlɛkpusulɛ ɛnelɛ kpole bie wɔ me nzi nehane.

Yizikeɛle Buluku ne 8:3

Ɔdenrɛle debie bie mɔɔ le kɛ ɛsalɛ la ɔzɔle me ti enrinli; na Nyamenle Sunsum ne manle me zo anwomanyunlu na ɔvale me wɔ ɛnyelɛzodeɛnwunlɛ nu ɔrale Gyɛlusalɛm, wɔ Ɛzonlenlɛ Sua ne akunlu anlenkɛ ne mɔɔ di kɔ ɛbɔ nu la anloa, ɛleka mɔɔ bɛzie amonle bie, mɔɔ ka Nyamenle ɛya la.

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 7:20

Eza mekulo kɛ mete mɛne bulu ne mɔɔ gyigyi ɔ ti zo, mɛne ne mɔ mɔɔ nsa dudule guale aze, mɛne ekyi ne mɔɔ vile na ɔlɛ ɛnyelɛ nee ɛnloanlɛ kɛ sonla, na ɔhanle mgbole la anwo edwɛkɛ. Duzu ati a yemɔ ɔlɛ tumi ɔtɛla ɛhendeɛ ne mɔ a?

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Daneɛle Buluku ne 7:8

Mɔɔ melɛnea mɛne ne mɔ kpalɛ la, menwunle kɛ mɛne ekyi bie ɛlɛfinde alumua mɛne ɛdeɛ ne mɔ avinli. Ɔdudule alumua mɛne ne mɔ nsa ɔguale. Na nea, mɛne ɛhye lɛ ɛnyelɛ nee ɛnloanlɛ kɛ sonla la na ɔlɛka mgbole.

Edwɛkpa ne kɛmɔ Mateyu hɛlɛle la 27:28

Bɛkpolokpolole ye adɛladeɛ ɛdeɛ ne mɔ na bɛvale tɛladeɛ kɔkɔlɛ bie mɔɔ arelemgbunli ala a wula la bɛwulale ye.

Ɛzoanvolɛma Gyima ne 8:39

Mɔɔ bɛvi azule ne anu bɛvole file zo la, Sunsum ne vale Felepe minliminlinle. Nrenya ne annwu ye bieko, na ɔvale fɛlɛko ɔhɔle.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

Yekile 1:10

Awulae kenle ne, Sunsum ne rale me nwo zo, na mendele ɛnelɛ kpole bie mɔɔ le kɛ aweɛne tendenle la kɛ ɔlɛtendɛ me nzi nehane.

Yekile 12:14

Na bɛmanle raalɛ ne kɔleɛ ndɛbalɛ mgbole nwiɔ, amaa yeahola tu ɔvi ɛwɔlɛ ne anwo ɛkɛ yeahɔ ɛsɛlɛ zo lɔ, ɛleka mɔɔ bɛbanlea ye gyɛlɛɛnye ɛvolɛ nsa nee foa la, amaa nane ne angola ɔ nwo zo kɔ bieko.

Yekile 12:3

Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.

Yekile 12:6

Raalɛ ne nriandile hɔle ɛsɛlɛ ne azo, ɛleka bie mɔɔ Nyamenle ɛsiezie ɛmaa ye la, ɛkɛ ne yɛɛ ɔbanlea ye gyɛlɛɛnye yeali ye adane kenle apenle ko, ɛya nwiɔ abulasia a (1260).

Yekile 17:18

“Raalɛ ne noko mɔɔ ɛnwunle ye la a le suakpole ne mɔɔ sie arelemgbunli mɔɔ wɔ azɛlɛ ye azo la amuala la.”

Yekile 17:4

Raalɛ ne mɔɔ de zolɛ la heda arelemgbunli ɛdanlɛ kɔkɔlɛ, buluwu nee akɔlɛ ɛnlome afonla na yeva ezukoa nvutuke anwoneɛ, mgbɔba, yɛɛ avikpa yeziezie ɔ nwo. Ɔlɛ ezukoa nvutuke dwora ɔ sa nu. Munzule ninyɛne mgbane mgbane mɔɔ le bɛkyi nee ye adwɔmanebɔlɛ nwo ninyɛndane ngome a wɔ nu a.

Yekile 18:12

awie ɛnrɛdɔ bɛ ezukoa nvutuke, dwɛtɛ fufule anwoneɛ, nee avikpa, lenen ndanlɛ, arelemgbunli ndanlɛ kɔkɔlɛ, selekye, yɛɛ ago; bɛ adwinli ngɛnlɛma mɔɔ bɛva mbaka ngakyile bɛze, nee ninyɛne mɔɔ bɛva ɛzɛlɛ, ayera, kɔbele, bulalɛ, yɛɛ bolɛ memeamemea bɛyɛ la;

Yekile 18:16

na bɛaha kɛ, “Ɔyɛ ɛzulolɛ! Ɔbo suakpole ɛhye anwo zo! Anrɛɛ ɔheda lenen ɛdakpa, arelemgbunli ndanlɛ kɔkɔlɛ nee buluwu nee akɔlɛ ɛnlome afonla na ɔfa anwoneɛ mɔɔ le kɛ ezukoa nvutuke nee avikpa ɔsiezie ɔ nwo!

Yekile 21:10

Sunsum ne wolole me, na Nyamenle soanvolɛ ne vale me hɔle boka tendenle bie azo. Ɔhilele me Suakpole Nwuanzanwuanza Gyɛlusalɛm, kɛ ɔvi Nyamenle anwo lɔ anwuma na bɛlɛdwula ye aze,

Yekile 4:2

Ɛkɛ ne ala Sunsum ne wolole me na menwunle kɛ awie de belemgbunli ebia kpole zo wɔ anwuma lɔ.